પાકિસ્તાનમાં IED વિસ્ફોટમાં SHO સહિત છ પોલીસકર્મીઓના મોત થયાના અહેવાલ છે. આ વિસ્ફોટ પાકિસ્તાનના ખૈબર પખ્તુનખ્વામાં થયો હતો. ટાંકના કોટ વાલી વિસ્તારથી લગભગ 25 કિલોમીટર દૂર ટાંક જિલ્લામાં IED વિસ્ફોટમાં ગોમલ પોલીસ સ્ટેશનના SHOનું મોત થયું હતું. IED એ એક સશસ્ત્ર વાહનને સંપૂર્ણપણે ઉડાવી દીધું હતું. પોલીસ આ વિસ્તારમાં ઘટનાની તપાસ કરી રહી છે.
પાકિસ્તાનના અશાંત ખૈબર પખ્તુનખ્વા પ્રાંતમાં આ પહેલો આવો વિસ્ફોટ નથી. ગયા વર્ષે, ક્રિકેટ સ્ટેડિયમમાં મેચ દરમિયાન બોમ્બ વિસ્ફોટ થયો હતો. આ અકસ્માતમાં એક વ્યક્તિનું મોત થયું હતું અને ઘણા લોકો ઘાયલ થયા હતા. ક્રિકેટ સ્ટેડિયમ જેવા જાહેર સ્થળે થયેલા વિસ્ફોટથી નાગરિકોમાં અસુરક્ષા અને ભય ફેલાવવાનો આતંકવાદી સંગઠનોનો ઇરાદો સ્પષ્ટ થાય છે. હજુ સુધી કોઈ સંગઠને આ હુમલાની જવાબદારી સ્વીકારી નથી, પરંતુ પોલીસને શંકા છે કે આ વિસ્ફોટ તાજેતરમાં શરૂૂ કરાયેલા ઓપરેશન સરબકફ સામે બદલો લેવા માટે કરવામાં આવ્યો હતો.
