મોચી બજાર, નાગરિક બેંક ચોક અને નવા રિંગ રોડ પરની ઘટના : બંટી-બબલીને સકંજામાં લીધા
ત્રણ ગુનાના ભેદ ખુલ્યા : બંટી-બબલી મદદના બહાને કેફી પ્રવાહી પીવડાવી રોકડ અને દાગીના સેરવી લેતા
રાજકોટ વૃધ્ધાઓને બેભાનિયુ પીણું પીવડાવી અર્ધ-બેભાન કરી ફડાકા ઝીંકી સોનાના દાગીના અને રોકડની લૂંટ ચલાવતી બંટી-બબલીને તાલુકા પોલીસની ટીમે સકંજામાં લઈ કાર્યવાહી કરી હતી.વધુ વિગતો મુજબ,બનાવ અંગે માધાપર ગામ આંબેડકર નગર શેરી નં. 01 માં રહેતાં નાથીબેન ડાયાભાઈ પરમાર (ઉ.વ.63) એ એ. ડિવિઝન પોલીસ મથકમાં નોંધાવેલી ફરીયાદમાં આરોપી તરીકે અજાણી મહિલા અને અજાણ્યાં પુરૂૂષનું નામ આપી જણાવ્યું હતું કે, તેઓ ઘરકામ કરે છે અને તેના પતિ હયાત નથી છે.તે તેના નાના બહેન અમૃતબેન પરમાર સાથે રહે છે.
ગઇ તા.23/12/2024 ના વિધવા સહાય અંગેનું પેન્સન બંધ થઇ ગયેલ હોય જેથી તેઓ સવાર ના દસેક વાગ્યે માધાપરથી રીક્ષામાં બેસી જુની કલેકટર કચેરી પર આવેલ અને ત્યાં કામ પુરૂૂ કરી ચાલતાં ચાલતાં મોચીબજારમાં આવેલ ચર્ચની સામે આવેલ કરિયાણાની દુકાન સામે પહોંચતા તેઓને ચકકર આવતા હનુમાનજીના મંદીર પાસે બેસી ગયેલ અને ત્યારે દિયર હીરાભાઈ સાથે ફોનમાં વાત કરતી હતી. દરમિયાન તેમની પાસે એક ભાઈ તથા એક બહેન આવેલા અને બહેને કહેલ ડોસીમાં તમને ચકકર આવતા હોય તો અહીં બેસો અને હું તમારા દીયર હીરાભાઈને ઓળખું છું એમ કહી વાતચીત કરવા લાગેલ અને તેઓ માટે નજીકની દુકાનમાં જઇ લચ્છી લઈ આવેલ અને લચ્છી આપતા તેઓએ લચ્છી પીધેલ, લચ્છી પીધા બાદ તેઓ અર્ધ બેભાન જેવા થઈ ગયેલ હતાં.તે દરમિયાન અજાણ્યા બહેન કાનના પહેરેલ બુટીયા કાનમાંથી કાઢી લેવા માટે બળજબરી કરતા હોય જેથી તેને રોકી પ્રતિકાર કરતા અજાણ્યા બહેને ત્રણ ફડાકા મારી દીધેલ અને ત્યારબાદ તેઓ બેભાન થઇ ગયેલ હતાં.
ત્યારબાદ તેઓ ચારથી પાંચ દીવસ બેભાન અવસ્થામાં રહેલ અને રાજકોટ સીવીલમાં સારવારમાં રહેલ અને ત્યારબાદ ભાનમાં આવતાં જોયુ તો બંન્ને કાનમાં પહેરેલ સોનાના કોપ રૂ.60 હજાર, બંન્ને કાનની નખશી, બંને પગના ચાંદીના સાંકળા અને એક મોબાઇલ મળી કુલ રૂૂ.1,07,500 નો મુદામાલ જોવામાં આવ્યો નહીં.બીજા બનાવમાં મોચીબજાર તીલક પ્લોટ શેરી નં-01 માં રહેતાં જાનાબેન હરીભાઈ ખીમસુરીયા (ઉ.વ.65)એ એ-ડિવિઝન પોલીસ મથકમાં કરેલી ફરીયાદમાં જણાવ્યું હતું કે,ગઇ તા.13 ના બપોરના દોઢેક વાગ્યાની આસપાસ તેઓ ઘરેથી જયુબેલી શાક માર્કેટમાં શાક બકાલુ લેવા માટે ગયેલ અને નાગરીક બેંક ચોક સામે રોડ ઉપર શાક બકાલુ ખરીદ કરતાં હતાં ત્યારે એક અજાણ્યા બહેન આવેલા અને કહેલ કે, તુ મારી દીકરી છે, તને મારે ઠંડુ પીવડાવવું છે, તેમ કહી લચ્છી તેમજ ગુલાબ સરબતમાં કંઇક પ્રવાહી ભેળવીને પીવડાવી દેતાં તેઓ અર્ધ-બેભાન થઈ ગયેલ હતાં.
ત્યારબાદ તેમના સોનાના બુંટીયા, કાનની સોનાની બૂંટીઓ રોકડ રૂૂપીયા મળી કુલ રૂૂ.80500 નો મુદામાલ જોવામાં આવ્યા નહોતા.આ બનાવ અંગેની ફરીયાદ પરથી તાલુકા પોલીસના પીઆઇ ડી.એમ.હરિપરા અને ટીમે બંટી-બબલીને સકંજામાં લઈ પૂછતાછ હાથ ધરી વધું લૂંટના ભેદ ખોલવા તજવીજ હાથ ધરી હતી.
એક વૃધ્ધા બેભાન થતા બીજા દિવસે સવારે ભાનમાં આવ્યા:પરિવારે આખી રાત શોધખોળ કરી
મવડી-કણકોટ રોડ પર લાભુભાઈ પારેખ ટાઉનશીપમાં રહેતાં પુષ્પાબેન લાલજીભાઈ નકુમ (ઉ.વ.62) એ તાલુકા પોલીસ મથકમાં નોંધાવેલ ફરીયાદમાં જણાવ્યું હતું કે, ગઇ તા.14 ના તેઓ રામધણ આશ્રમ દર્શન કરવા માટે ઘરેથી સવારના અગિયારેક વાગ્યે ચાલીને જવા નિકળેલ અને રામધણ આશ્રમ દર્શન કરી તેઓને દવાખાને જવું હોય તેઓ હોસ્પિટલ જવા નીકળ્યા હતા.ત્યારે તેમને એક અજાણ્યા બહેન મળતા કહેલ કે,મારે પણ દવાખાને જવુ છે તો ચાલો હું તમને સરકારી દવાખાને લઈ જાવ, તે બહેન સાથે એક અજાણ્યો પુરૂૂષ પણ હતો અને તે બહેન ચાની કેબીનેથી ચા લાવી પીવડાવેલ હતી.તેમજ રસ્તામાં મવડી કણકોટ રોડ ડ્રીમ સીટી ચોક નજીક અવાવારૂ જગ્યાએ રેતીના ઢગલા પાસે બેઠેલ હતા.તેઓનું માથુ ભારે લાગતુ હતુ ત્યારે તે બહેને કહ્યું કે, થોડીવાર નિંદર કરી લ્યો પરંતુ તેઓએ ના પાડેલ હતી.બાદમાં દાગીના વિષે પૂછી તે બહેન રેતીના ઢગલામાં આડા પડેલ અને તેઓને આરામ કરવાનું કહેતા તેને ના પાડતા ફડાકા મારવા લાગતાં તેઓ અર્ધ બેભાન જેવી થઇ જતા તે બંને સોનાની બુટી,નાકમાં પહેરેલ સોનાનો દાણો તથા પાકીટમાં પડેલ રોકડા રૂૂપિયા લઇ ભાગી ગયા હતા અને તેઓ બીજા દિવસે ભાનમાં આવતા તેની પાસેની ડાયરીમાંથી મોબાઈલ નંબર લઇ સવારે કોઈ પાસેથી ઘરે ફોન કરાવડાવી 108 મારફતે સિવિલમાં ખસેડાયા હતા.આ ઘટનામાં પરિવારે આખી રાત તેમની શોધખોળ આદરી કરી હતી.
