આંધ્રપ્રદેશના વતનીએ કામ પૂરું કર્યા બાદ કુવૈતથી યુટયુબ પર ગુનાની કબુલાત કરતો વીડિકયો અપલોડ કર્યો

હત્યાનો એક સનસનીખેજ મામલો સામે આવ્યો છે. વિદેશમાં રહેતા પિતાએ પુત્રીના બળાત્કારીની હત્યા કરવા માટે ભારત આવે છે અને બળાત્કારીની હત્યા કરી પાછા વિદેશ પરત ફરે છે. પુત્રીના બળાત્કારીની હત્યા કરી ખૌફનાખ બદલો લેવામાં આવ્યો હતો. આ વ્યક્તિ હત્યા કરવા કુવૈતથી ભારત આવ્યો હતો અને પછી પાછો ગયો અને વીડિયો પોસ્ટ કર્યો છે.

આંધ્રપ્રદેશમાંથી હત્યાનો એક ભયાનક કિસ્સો પ્રકાશમાં આવ્યો છે. આ હત્યા એક એનઆરઆઇ વ્યક્તિ દ્વારા કરવામાં આવી હતી, જે તેની 12 વર્ષની માસૂમ પુત્રી પર બળાત્કાર કરનાર વ્યક્તિ પાસેથી બદલો લેવા કુવૈતથી ભારત આવ્યો હતો. આ પછી તેની નિર્દયતાથી હત્યા કરવામાં આવી અને તે કુવૈત પરત ફર્યો. બાદમાં તેણે પોતે જ તેની યુટ્યુબ ચેનલ પર ગુનો કબૂલી લીધો હતો.

આંધ્રપ્રદેશના અન્નમય જિલ્લાનો રહેવાસી આ વ્યક્તિ 15 વર્ષથી કુવૈતમાં કામ કરતો હતો. તે પોતાની યુટ્યુબ ચેનલ પણ ચલાવે છે. પોલીસે કહ્યું કે આરોપી પિતા વીડિયો દ્વારા લોકોને ભ્રમિત કરવાનો પ્રયાસ કરી રહ્યો છે. જો તે આત્મસમર્પણ કરવા માંગતો હતો તો હત્યા કરીને કુવૈત પરત કેમ ફર્યો? વ્યક્તિએ જણાવ્યું કે આ પછી તેણે કાયદો પોતાના હાથમાં લેવાનું નક્કી કર્યું અને કુવૈતથી ભારત આવ્યો.

આ વ્યક્તિએ વીડિયોમાં સમગ્ર ઘટના વર્ણવી છે. આ વ્યક્તિ લાંબા સમયથી કુવૈતમાં રહે છે. તેની પુત્રી અને પત્ની પણ તેની સાથે રહેતી હતી પરંતુ બાદમાં તેણે તેની પુત્રીને આંધ્રપ્રદેશમાં તેની માસી પાસે મોકલી દીધી હતી. તે તેની પુત્રીના ઉછેર માટે તેના સંબંધીઓને પૈસા પણ આપતો હતો.
વ્યક્તિનો આરોપ છે કે તેની પત્નીની બહેન (સંબંધમાં સાળી) અને તેના પતિએ શરૂૂઆતમાં બાળકની સારી સંભાળ લીધી હતી. બાદમાં તાજેતરમાં જ જ્યારે બાળકીની માતા તેની પુત્રીને મળવા આવી ત્યારે પુત્રીએ જણાવ્યું કે તેની માસીના સસરાએ તેનું યૌન શોષણ કર્યું હતું.
આ પછી જ્યારે માતા-પુત્રીએ સ્થાનિક પોલીસ સ્ટેશનમાં એફઆઈઆર દાખલ કરવાનો પ્રયાસ કર્યો, તો પોલીસે તેમ કર્યું નહીં અને ચેતવણી આપીને જ આરોપીઓને છોડી દીધા. વ્યક્તિએ જણાવ્યું કે આ પછી તેણે કાયદો પોતાના હાથમાં લેવાનું નક્કી કર્યું અને કુવૈતથી ભારત આવ્યો. અહીં તેણે પોતાની પુત્રીના બળાત્કારીને લોખંડના સળિયાથી મારી નાખ્યો અને પછી કુવૈત પાછો ફર્યો. પછી ત્યાં જઈને કબૂલાતનો વીડિયો બહાર પાડ્યો.

બીજી તરફ પોલીસે ફરિયાદ નોંધાઈ ન હોવાનો ઈન્કાર કર્યો છે. તેના બદલે તેમણે કહ્યું કે છોકરીની માતા અને તેની બહેન વચ્ચે પારિવારિક વિવાદ હતો. હવે આરોપી પિતા અલગ જ વાત કહી રહ્યા છે.
આ હત્યામાં યુવતીના પિતા ઉપરાંત અન્ય સંબંધીઓ પણ સામેલ છે. તપાસ બાદ ટૂંક સમયમાં સત્ય બહાર આવશે. તેમજ પોલીસે કહ્યું કે આરોપી પિતા વીડિયો દ્વારા લોકોને ભ્રમિત કરવાનો પ્રયાસ કરી રહ્યો છે. જો તે આત્મસમર્પણ કરવા માંગતો હતો તો હત્યા કરીને કુવૈત પરત કેમ ફર્યો? હવે અમે તેને કુવૈતથી પરત લાવવાનો પ્રયાસ કરી રહ્યા છીએ.

આર્યનગર અને ચંપકનગરમાં બે મરાઠી વેપારીઓને બિલ વગરની ચાંદીના નામે ધાક ધમકી આપી મોટી રોકડ રકમ પડાવી

બે પોલીસમેન અને દલાલનું કારસ્તાન, બુલિયન બજારમાં ભારે દેકારો, ગૃહ મંત્રી સુધી રજૂઆત કરવા તૈયારી

સલામત ગુજરાત અને સમૃધ્ધ ગુજરાતના રાજય સરકારના નારાઓ વચ્ચે શાંતિથી વેપાર-ધંધા કરતા લોકો તથા વેપારીઓને ખુદ પોલીસ જ તેના મળતીયાઓ સાથે મળીને ઉઘાડી લુંટ ચલાવી રહી છે અને ઉપરી અધિકારીઓ તમાશો નિહાળી રહયા હોય તેવી એક ચોંકાવનારી ઘટના રાજકોટ શહેરના સામાકાંઠા વિસ્તારમાં ગત ગુરૂવારે મોડી સાંજે બની છે. આ ઘટનામાં ચાંદીનો ધંધો કરતા બે મરાઠી વેપારીઓને બે પોલીસમેન અને એક હિસ્ટ્રીશીટર દલાલે ડરાવી-ધમકાવી રૂા. 12 લાખની લુંટ ચલાવી હોવાની સનસનીખેજ વિગતો બહાર આવી છે.

બુલિયન બજારમાંથી મળતી વિગતો મુજબ શહેરના સામાકાંઠા વિસ્તારમાં આર્યનગર અને ચંપકનગર વિસ્તારમાં રહી ચાંદીનો વ્યવસાય કરતા બે મરાઠી વેપારીઓને પોલીસ અને લુખ્ખાઓની ટોળકીએ નિશાન બનાવ્યા હતા. આર્યનગરમાં રહેતા વેપારીની રેકી કરી તે ઘરે ચાંદી લઇને પહોંચતા જ બે પોલીસમેન અને એક હિસ્ટ્રીશીટર તેના ઘરમાં ત્રાટકયા હતા અને પરપ્રાંતિય વેપારી કંઇ પણ સમજે કે વિચારે તે પહેલા ધાક-ધમકી આપી બે નંબરની ચાંદી છે, બિલ વગરની ચાંદી છે, કેસ કરવો પડશે. તેવી ધાક-ધમકી આપી સેટલમેન્ટના નામે રૂા. 7 લાખની રોકડ રકમ પડાવ્યાની ચર્ચા છે. આજ રીતે ચંપકનગરમાં રહેતા મરાઠી વેપારીને પણ નિશાન બનાવી તેની પાસેથી પણ રૂા. પ લાખનો તોડ કર્યાનુ બહાર આવ્યુ છે. આ બંને ઘટના સમયે બુલિયન એશો.ના હોદેદારો પણ દોડી ગયા હતા. પરંતુ ગભરાયેલા મરાઠી વેપારીઓએ ફરીયાદ કરવાના બદલે સેટલમેન્ટ કરી વાત પુરી કરી દીધી હોવાનુ જાણવા મળ્યુ છે. આ ઘટના અંગે બુલિયન એશો.ના હોદેદારોને પુછતા તેમણે પણ ઘટના બની હોવાનુ અને તોડ થયો હોવાનુ સ્વીકાર્યુ હતું.

તેમણે જણાવ્યુ હતુ કે અગાઉ પણ આ રીતે 3 વખત પોલીસ અને લુખ્ખાઓ તોડ કરી ગયા છે. હવે સહન શકિતની હદ આવી ગઇ છે. આ અંગે બુલિયન એશો. દ્વારા પોલીસ કમિશ્નરથી માંડી ગૃહ મંત્રી સુધી રજુઆત કરવા તૈયારી કરવામાં આવી છે. બીજી તરફ આ મામલે ભારે ઉહાપોહ થતા લુંટ ચલાવનાર પોલીસમેન અને હિસ્ટ્રીશીટરે બુલિયન એશો.ના હોદેદારોને બે નંબરી ધંધા કરતા હોવાના નામે ધમકાવી આ મામલો આગળ નહીં વધારવા ગર્ભિત ધમકી આપ્યાનુ પણ ચર્ચાય છે. આ ઘટનામાં પોલીસ કમિશ્નર જાતે રસ લઇ તટસ્થ તપાસ કરાવે તો ખંડણી ઉઘરાવવાનુ મસમોટુ રેકેટ બહાર આવવાની પણ શકયતા દર્શાવાય રહી છે.

ભાજપના તોખાર ધારાસભ્ય ઉદય કાનગડ તપાસ કરાવે
સામાકાંઠા વિસ્તારમાં ચાંદી અને ઇમિટેશનનો મોટા પ્રમાણમાં વ્યવસાય વિકસ્યો છે અને કરોડો રૂપિયાનુ ટર્નઓવર થાય છે. ત્યારે થોડે ઘણે અંશે થતા બે નંબરી વેપારનો ગેરલાભ લઇ પોલીસ અને હિસ્ટ્રીશીટરોની ગેંગ લાંબા સમયથી ખંડણી ઉઘરાવી રહી છે અને વેપારીઓમાં ધાક જમાવી રહી છે. વેપારીઓના આક્ષેપ મુજબ ઉચ્ચ અધિકારીઓને રજુઆત કરવા છતા કોઇ પગલા ભરાતા નથી. ત્યારે ભાજપના તોખાર અને આખાબોલાની છાપ ધરાવતા આ વિસ્તારના ધારાસભ્ય ઉદય કાનગડ વેપારીઓને હિંમત આપી યોગ્ય તપાસ કરાવે અને ખંડણીખોર ગેંગને ઉઘાડી પાડે તેવી માંગણી ઉઠવા પામી છે.

અગાઉ પણ ત્રણેક વખત તોડ કર્યો હોવાનો ઘટસ્ફોટ
સામાકાંઠાના બુલિયન બજારના વેપારીઓમાંથી જાણવા મળ્યા મુજબ ચાંદીના ધંધાર્થીઓ થોડે ઘણે અંશે બે નંબરનો વેપાર કરતા હોવાથી સ્થાનિક પોલીસ તથા હિસ્ટ્રીશીટરોની ગેંગ વેપારીઓને ડરાવી-ધમકાવી ખંડણી પડાવી રહી છે. ગત ગુરૂવારે બે વેપારીઓ પાસેથી રિતસર લુંટ ચલાવી હતી. જયારે આ અગાઉ પણ ત્રણેક વખત આ ટોળકીએ વેપારીઓને ધમકાવી પૈસા પડાવ્યા હતા. વેપારીઓએ એવો ચોંકાવનારો આક્ષેપ પણ કર્યો હતો કે આ અંગે ઉચ્ચ અધિકારીઓ સમક્ષ રજુઆત કરવા છતા કોઇ પગલા ભરાયા નથી. તેના કારણે વેપારીઓ ભયભિત બની આ ટોળકીના શરણે થઇ રહયા છે.

શહેરની ભાગોળે કોઠારીયા સોલવન્ટમાં છેડતીનો કેસ પાછો ખેંચી લેવાનું કહી સગીરા ઉપર આરોપીએ હુમલો કરી માર મારતા તેને ઇજાગ્રસ્ત હાલતમાં સારવારમાં ખેસડાઇ છે.

જાણવા મળતી વિગત મુજબ કોઠારીયા સોલવન્ટ વિસ્તારમાં રહેતી 17 વર્ષીય સગીરા પોતાના ઘરે હતી ત્યારે શની પાસવાને આવી માટીના કુંજા વડે માર મારતા સગીરાને ઇજાગ્રસ્ત હાલતમાં સારવાર માટે સિવિલ હોસ્પીટલમાં ખસેડવામા આવી છે. આ અંગે સિવિલ ચોકીના સ્ટાફે પ્રાથમિક નોંધ કરી આજીડેમ પોલીસને જાણ કરી હતી.પ્રાથમિક તપાસમાં આરોપીએ એક વર્ષ પહેલા સગીરાની છેડતી કરી હતી જે અંગે પોલીસમાં ફરીયાદ કરતા આરોપી વિરૂધ્ધ પોકસોની કલમ હેઠળ ગુનો નોંધાયો હતો. જેનો ખાર રાખી આરોપીએ સગીરાને કેસ પાછો ખેંચી લેવા ખુનની ધમકી આપી માર માર્યો હતો. આરોપી મુળ બિહારનો વતની અને દારૂનો ધંધો કરતો હોવાનું જણાવ્યુ હતું. આ અંગે પોલીસે વધુ તપાસ હાથ ધરી છે.