જામનગરના કાલાવડ નાકા બહાર પાંચ હાટડી વિસ્તારમાં રહેતા ઓસમાણભાઈ ખફી નામના 37 વર્ષના સુમરા યુવાન પર આજથી ત્રણ દિવસ પહેલાં રાત્રિના સમયે હુમલો કરાયો હતો, અને અજાણ્યા 7 થી 8 જેટલા શખ્સો ધોકા પાઇપ જેવા હથિયારો સાથે ધસી આવ્યા હતા, અને સુમરા યુવાનને ઘાયલ કરી દીધો હતો. જેથી ઈજાગ્રસ્તને સારવાર માટે જામનગરની સરકારી જી.જી હોસ્પિટલમાં ખસેડવામાં આવ્યો હતો.
જ્યાં સિટી એ. ડિવિઝનના એન.એ ચાવડા અને તેઓની ટીમેં બનાવવાના સ્થળે અને ત્યારબાદ જી.જી. હોસ્પિટલમાં દોડી જઈ ઈજાગ્રસ્ત યુવાન ઓસમાણભાઈ ખફી ની ફરિયાદના આધારે 8 આરોપીઓ સામે ગુનો નોંધ્યો હતો. જે હુમલા પ્રકરણમાં સીટી એ. ડિવિઝનના પીઆઈ એન.એ. ચાવડા અને તેઓની ટીમ દ્વારા રેહાન ઇકબાલભાઇ બેલીમ સદામ ઉર્ફે ઈન્ડો અસગર શેખ, શાકિર રફીકભાઇ ખીલજી, રઉફ ગુલામભાઇ બેલીમ, મહમદ અખ્તર પંજા , અસલમ ઉર્ફે અસલો કાદરભાઇ શેખ અને સદામ હનીફભાઇ પંજા ની અટકાયત કરી લેવામાં આવી છે. જે તમામની વધુ પૂછપરછ ચલાવાઇ રહી છે. હજુ એક આરોપી શાહનવાઝ મોહમદ હનીફ ખીલજીને ફરારી જાહેર કરાયો છે.
