આસામના અંત રિયાળ ગામની હિચકારી ઘટનામાં પિતા-બહેન વચ્ચે પડતાં તેમને પણ ઘાયલ કર્યા : આખરે હત્યારીની ધરપકડ
પશ્ચિમ કાર્બી આંગલોંગ જિલ્લામાં, એક 19 વર્ષીય યુવતીએ તેની માતાનું ગળું કાપી નાખ્યું અને આખી રાત તેના કપાયેલા માથા સાથે છુપાઈ રહી. આ ઘટના જિલ્લાના દેરામુખ લાલુંગ ગામમાં બની. આ ક્રૂર કૃત્યથી માનવતા શરમાઈ ગઈ છે. ઘટનાની માહિતી મળતાં જ પોલીસ ઘટનાસ્થળે પહોંચી અને આરોપી પુત્રીની ધરપકડ કરી.
આરોપીનું નામ 19 વર્ષીય પૂજા મલંગ છે. બુધવારે રાત્રે 10 વાગ્યાની આસપાસ, પૂજાએ તેના 42 વર્ષીય માતા અનુમાઈ મલંગનું તેમના ઘરમાં માથું કાપી નાખ્યું. હુમલા દરમિયાન, તેણે તેના પિતા પ્રેમેન્દ્ર મલંગ અને તેની બહેન પર પણ હુમલો કર્યો. બંનેને ગંભીર ઈજાઓ થઈ હતી અને હાલમાં તેઓ સરકારી હોસ્પિટલમાં સારવાર હેઠળ છે.પોલીસ તપાસમાં બહાર આવેલા ખુલાસાઓથી ભલભલાના રુંવાડા ઊભા થઈ જાય. પોલીસે જણાવ્યું હતું કે જ્યારે પૂજાના પિતા અને બહેને તેને રોકવાનો પ્રયાસ કર્યો ત્યારે તેઓ પણ ઘાયલ થયા હતા. ઘટનાની ભયાનકતાનો અંદાજ એ હકીકત પરથી લગાવી શકાય છે કે પૂજા તેની માતાના કપાયેલા માથા સાથે ઘરમાંથી ભાગી ગઈ હતી અને ગુરુવાર સવાર સુધી પોલીસની પહોંચથી દૂર રહી હતી. તેણે કથિત રીતે આખી રાત તેની માતાના કપાયેલા માથા સાથે છુપાઈને વિતાવી હતી.
શોધખોળ દરમિયાન, પોલીસને ગુના સ્થળ નજીકથી એક દાતરડું, કાતર, સિંદૂર, તેલ અને ધાર્મિક વિધિઓમાં વપરાતો માટીના વાસણ મળી આવ્યા. જોકે પોલીસે હજુ સુધી કોઈ નિવેદન જારી કર્યું નથી, પ્રાથમિક તપાસ સૂચવે છે કે હત્યા અંધશ્રદ્ધા અને મેલીવિદ્યા સાથે જોડાયેલી હોઈ શકે છે.હાલમાં, બૈથલાંગ્સો પોલીસે આરોપીઓ સામે કેસ નોંધ્યો છે. પોલીસ સૂત્રો કહે છે કે પરિવારમાં કોઈ ઘરેલુ ઝઘડા નોંધાયા નથી. પોલીસ હવે તપાસ કરી રહી છે કે મહિલા કોઈ તાંત્રિક વિધિમાં સામેલ હતી કે માનસિક રીતે બીમાર હતી.
