લશ્કરી કાર્યવાહી બાદ ચડી બેઠા,સોશિયલ મીડિયા પર કરી સત્તાવાર જાહેરાત
અમેરિકન રાષ્ટ્રપતિ ડોનાલ્ડ ટ્રમ્પે તેમના સોશિયલ મીડિયા પ્લેટફોર્મ, ટ્રુથ સોશિયલ પર એક પોસ્ટ શેર કરીને આંતરરાષ્ટ્રીય સ્તરે ખળભળાટ મચાવ્યો છે. ટ્રમ્પના સત્તાવાર ફોટા સાથેની પોસ્ટમાં જણાવાયું છે કે તેઓ હાલમાં વેનેઝુએલાનો ’કાર્યકારી રાષ્ટ્રપતિ’ છે. તેમણે 20 જાન્યુઆરી, 2025 ના રોજ પદ સંભાળ્યા બાદ પોતાને યુનાઇટેડ સ્ટેટ્સના 45મા અને 47મા રાષ્ટ્રપતિ તરીકે પણ રજૂ કર્યા હતા.
આ પોસ્ટ એવા સમયે આવી છે જ્યારે અમેરિકાએ તાજેતરમાં વેનેઝુએલા સામે “મોટા પાયે” લશ્કરી કાર્યવાહી શરૂૂ કરી છે. આ કાર્યવાહી દરમિયાન, વેનેઝુએલાના રાષ્ટ્રપતિ નિકોલસ માદુરો અને તેમની પત્ની, સિલિયા ફ્લોરેસને અમેરિકા લઈ જવામાં આવ્યા હતા અને હવે તેઓ કસ્ટડીમાં છે અને ન્યૂ યોર્કમાં નાર્કો-ટેરરિઝમના આરોપસર ન્યાયિક કાર્યવાહીનો સામનો કરી રહ્યા છે.
ટ્રમ્પે જણાવ્યું હતું કે જ્યાં સુધી સત્તાનું સુરક્ષિત, ન્યાયી અને સમજદારીપૂર્વક સંક્રમણ ન થાય ત્યાં સુધી અમેરિકા વેનેઝુએલામાં સત્તા પર નિયંત્રણ રાખશે. તેમણે દાવો કર્યો હતો કે અમેરિકા વેનેઝુએલાના લોકોના શ્રેષ્ઠ હિતમાં આ જવાબદારી નિભાવી રહ્યું છે.
આ દરમિયાન, વેનેઝુએલાના ઉપરાષ્ટ્રપતિ અને તેલ મંત્રી, ડેલ્સી રોડ્રિગ્ઝે દેશના વચગાળાના રાષ્ટ્રપતિ તરીકે શપથ લીધા છે, પરંતુ ટ્રમ્પના દાવાએ આ વચગાળાની સરકારની કાયદેસરતા પર પ્રશ્નો ઉભા કર્યા છે.
ટ્રમ્પે એમ પણ કહ્યું હતું કે વેનેઝુએલાની વચગાળાની સરકાર અમેરિકાને 30 થી 50 મિલિયન બેરલ “ઉચ્ચ-ગુણવત્તાવાળા પ્રતિબંધિત તેલ” પૂરા પાડશે, જે બજાર ભાવે વેચવામાં આવશે, અને તેમાંથી મળેલી રકમનો ઉપયોગ અમેરિકા અને વેનેઝુએલા બંનેના લાભ માટે કરવામાં આવશે. તેમણે યુએસ ઉર્જા સચિવ ક્રિસ રાઈટને આ યોજના તાત્કાલિક અમલમાં મૂકવાની સૂચના પણ આપી છે.
વાસ્તવમાં વેનેઝુએલા સામેની કાર્યવાહી પછી સોશિયલ મીડિયામાં આ બાબતે અનેક મીર્મ્સ મુકાઇ રહ્યા છે. ટ્રમ્પે જે પોસ્ટ મુકી છે. તે વીકીપીડિયામાં લેવાઇ છે. કેટલાક નિષ્ણાંતો કહે છે કે, સોશિયલ મીડિયામાં ચાલતા પ્રચારનો લાભ ટ્રમ્પ લઇ રહ્યા છે.
તેમણે આ પોસ્ટમાં અમેરિકી પ્રમુખ જેડી વેન્સને પોતાના ડેપ્યુટી તરીકે પણ જાહેર કર્યા છે. જોકે, આ બાબતે કોઇ સતાવાર દસ્તાવેજ જાહેર કરાયો નથી. એવુ કોઇ કાનુની માળખુ નથી કે અમેરિકન પ્રમુખ હાલમાં વેનેઝુએલામાં શાસન સંભાળતુ હોય
