હોલિવૂડની ફેમસ એક્ટ્રેસ એમ્મા થોમ્પસન આ સમયે ચર્ચામાં છે, તેમણે એક મોટો ખુલાસો કર્યો છે, જેનાથી બધા ચોંકી ગયા છે. ઓસ્કાર વિજેતા અભિનેત્રીએ એક કાર્યક્રમ દરમિયાન મજાકમાં કહ્યું હતું કે યુએસ રાષ્ટ્રપતિ ડોનાલ્ડ ટ્રમ્પે તેમને ફોન કરીને એક દિવસ માટે ડેટ માટે પૂછ્યું હતું.
અભિનેત્રી એમ્મા થોમ્પસનએ જણાવ્યું હતું કે, ટ્રમ્પે તેમને છૂટાછેડા લીધા તે દિવસે ફોન કરીને આ પ્રસ્તાવ મૂક્યો હતો. જોકે, તેમણે તેનો સ્વીકાર કર્યો ન હતો અને કહ્યું હતું કે જો તેમણે તે સ્વીકારી હોત તો આજે અમેરિકન ઇતિહાસની દિશા બદલાઈ શકી હોત.
આ વાતો 8 ઓગસ્ટના રોજ સ્વિટ્ઝર્લેન્ડના લોકર્નો ફિલ્મ ફેસ્ટિવલમાં કહેવામાં આવી હતી. આ દરમિયાન અભિનેત્રી એમા થોમ્પસનને તેની કારકિર્દીની સિદ્ધિઓ માટે ચિત્તા પુરસ્કારથી સન્માનિત કરવામાં આવી હતી. આ જ એવોર્ડ સમારંભમાં અભિનેત્રી એમા થોમ્પસનએ ટ્રમ્પ વિશે એક આશ્ચર્યજનક ખુલાસો કર્યો હતો.
અહેવાલ મુજબ, તેણીએ કહ્યું કે આ તે જ દિવસે થયું જ્યારે એમ્માના પતિ કેનેથ બ્રાનાઘ સાથે છૂટાછેડાનો કેસ કોર્ટમાં અંતિમ સ્વરૂૂપ આપવામાં આવ્યો હતો. તે દિવસને યાદ કરતાં, અભિનેત્રીએ જણાવ્યું કે જ્યારે તે એક ફિલ્મનું શૂટિંગ કરી રહી હતી, ત્યારે તેના ફોન પર એક ફોન આવ્યો. ફોન ઉપાડતા જ એક અવાજ આવ્યો અને બીજી બાજુના વ્યક્તિએ કહ્યું, નસ્ત્રહેલો, હું ડોનાલ્ડ ટ્રમ્પ છું.
અભિનેત્રી કહે છે કે, પહેલા તો તેમણેને લાગ્યું કે કોઈ મજાક કરી રહ્યું છે. આવી સ્થિતિમાં, અભિનેત્રીએ કહ્યું કે મેં કહ્યું કે, હું તમને કેવી રીતે મદદ કરી શકું. બીજી બાજુથી ફરી એક અવાજ આવ્યો કે જો તમે મારા સુંદર સ્થળોમાંથી એક પર આવીને રોકાઈ જાઓ તો મને ખુશી થશે. કદાચ આપણે સાથે ડિનર કરી શકીએ. આ સાંભળીને એસ્માએ કહ્યું કે આ ખૂબ સારું છે, ખૂબ ખૂબ આભાર, હું તમારી સાથે ફરી વાત કરીશ.ડોનાલ્ડ ટ્રમ્પ લાંબા સમયથી આવા વિવાદો સાથે જોડાયેલા રહ્યા છે.અગાઉ. ટ્રમ્પ પર પોર્ન સ્ટાર સ્ટોર્મી ડેનિયલ્સને ચૂપ રહેવા માટે પૈસા ચૂકવવાનો આરોપ લાગ્યો છે.
