ચૂંટણી રેલી માટે ઝારખંડ પહોંચેલા પીએમ મોદીના વિમાનમાં ટેકનિકલ ખામી સર્જાઈ હતી. જેના કારણે દેવઘર એરપોર્ટ પર જ પ્લેનને રોકવું પડ્યું હતું. તેના કારણે દિલ્હી પરત ફરવામાં થોડો વિલંબ થયો. આ પહેલા પીએમ મોદીએ આદિવાસી ગૌરવ દિવસને સંબોધન કર્યું હતું.

દેવઘર પહેલા પીએમ મોદી બિહારના જમુઈ પહોંચ્યા હતા. અહીં વડા પ્રધાન નરેન્દ્ર મોદીએ ભારતની સ્વતંત્રતા ચળવળમાં આદિવાસી સમુદાયોના યોગદાનને માન્યતા ન આપવા બદલ કોંગ્રેસની આગેવાની હેઠળની અગાઉની સરકારોની ટીકા કરી હતી. કોંગ્રેસ અથવા કોઈનું નામ લીધા વિના પીએમએ કહ્યું કે તમામ શ્રેય માત્ર એક પક્ષ અને એક પરિવારને આપવાનો પ્રયાસ કરવામાં આવ્યો છે. તેમણે પૂછ્યું કે જો આપણા દેશને એક પરિવારના કારણે આઝાદી મળી છે તો બિરસા મુંડાએ ‘ઉલગુલાન’ આંદોલન શા માટે શરૂ કર્યું?

આજના દિવસે જ ઝારખંડમાં ચૂંટણી પ્રચાર કરવા પહોંચેલા કોંગ્રેસ નેતા રાહુલ ગાંધીનું હેલિકોપ્ટર પણ રોકી દેવાયું છે. જણાવવામાં આવી રહ્યું છે કે, ક્લિયરન્સ ન મળવાના કારણે રાહુલ ગાંધીના હેલિકોપ્ટરને ઉડાન ભરવાની મંજૂરી નથી મળી. રાહુલ ગાંધીના હેલિકોપ્ટરને મહાગામામાં રોકી દેવાયું છે.

તમિલનાડુની ચેતવણીરૂપ ઘટના

તમિલનાડુમાં હવામાં ભળી રહેલા ઉંદરોને મારવા માટે રાખવામાં આવેલા ઝેરને કારણે એક મોટી ઘટના બની છે. શ્વાસ રૂૂંધાવાથી બે બાળકોના મોત થયા છે. જ્યારે તેના માતા-પિતા ગંભીર રીતે બીમાર થઈ ગયા છે. તેમને હોસ્પિટલમાં દાખલ કરવામાં આવ્યા છે.

મળતી માહિતી મુજબ, 34 વર્ષીય ગિરિધરન અને તેની પત્ની પવિત્રા ચેન્નઈના મનંજેરી વિસ્તારના દેવેન્દ્ર નગરના એક એપાર્ટમેન્ટમાં રહે છે. બુધવારે સવારે ગિરિધરન, તેની પત્ની અને બંને બાળકોને ચક્કર આવવા લાગ્યા અને પછી ઉલ્ટી થવા લાગી. જ્યારે પડોશીઓને આ વાતની જાણ થઈ તો તેઓએ આખા પરિવારને બચાવીને હોસ્પિટલમાં દાખલ કર્યા.

આ સમય દરમિયાન, ગિરિધરનના એક વર્ષના પુત્ર સાઈ સુદર્શન અને છ વર્ષની પુત્રી વિશાલિનીનું મૃત્યુ થયું હતું. જ્યારે ગિરિધરન અને તેની પત્ની પવિત્રાની હાલત નાજુક છે. ડોક્ટરોનું કહેવું છે કે બંનેના સ્વાસ્થ્ય પર નજર રાખવામાં આવી રહી છે. બંને ગંભીર રીતે બીમાર છે.

ઘટનાની જાણ કુન્દ્રાથુર પોલીસને કરવામાં આવી હતી. પોલીસે આ મામલે તપાસ શરૂ કરી અને જાણવા મળ્યું કે ગિરિધરન તેના ઘરમાં ઉંદરોથી પરેશાન હતો. ઉંદરો ઘરની વસ્તુઓને નુકસાન પહોંચાડતા હતા. તેણે ઉંદરોથી છુટકારો મેળવવા માટે પેસ્ટ કંટ્રોલ કંપનીની મદદ લીધી. કંપનીમાંથી બે લોકો આવ્યા હતા અને કથિત રીતે પાવડરના રૂૂપમાં ઉંદરનું ઝેર રાખ્યું હતું. તે પાવડર સ્વરૂૂપે હવામાં ભળી જાય છે.

ગિરિધરનનો આખો પરિવાર એસી રૂૂમમાં સૂતો હતો. રાત્રે ઝેરની અસર થઈ અને આખો પરિવાર ગંભીર રીતે બીમાર થઈ ગયો. જ્યારે પરિવાર જાગી ગયો, ત્યારે બધાએ ચક્કર આવવાની ફરિયાદ કરી. પરિવારના સભ્યોને ઉલ્ટી થવા લાગી હતી. જ્યારે પડોશીઓને આ વાતની જાણ થઈ તો તેઓએ તરત જ બધાને હોસ્પિટલમાં દાખલ કર્યા.

અનુયાયીઓ વચ્ચે કાંસીજોડા વગાડયા

મહારાષ્ટ્ર વિધાનસભા ચૂંટણીને લઈને વડાપ્રધાન નરેન્દ્ર મોદી ગુરુવારે મહારાષ્ટ્રના પ્રવાસે હતા. આ દરમિયાન તેમણે રાયગઢ જિલ્લાના પનવેલ સ્થિત ઈસ્કોન મંદિરની પણ મુલાકાત લીધી હતી. જ્યાં ઇસ્કોન તરફથી તેમનું વિશેષ સ્વાગત કરવામાં આવ્યું હતું. અહીં તેમણે ઈસ્કોનના અનુયાયીઓ સાથે મળીને કાંસીજોડાં વગાડ્યા હતા.
વડાપ્રધાનના આગમન પર ઇસ્કોનના ભક્તોએ વિશેષ પ્રાર્થના કરી અને ભક્તિ ગીતો ગાયા.

આ સમારોહમાં વિવિધ સાંસ્કૃતિક પ્રસ્તુતિઓનું આયોજન કરવામાં આવ્યું હતું, જેમાં ભારતીય સંસ્કૃતિ અને પરંપરાને દર્શાવવામાં આવી હતી. ઇસ્કોને જણાવ્યું હતું કે આ કાર્યક્રમ માત્ર ધાર્મિક લાગણીને જ પ્રોત્સાહન આપતો નથી પરંતુ સમાજમાં એકતા અને ભાઈચારાની લાગણીને પણ મજબૂત બનાવે છે.