મુખ્યમંત્રી રેખા ગુપ્તાના બજેટ રજૂ થવાના કલાકો પહેલા, મંગળવારે સવારે દિલ્હી વિધાનસભાને બોમ્બથી ઉડાવી દેવાની ધમકી મળી હતી, એમ પોલીસે જણાવ્યું હતું.
પોલીસે જણાવ્યું હતું કે વિધાનસભા પરિસરની તપાસ બાદ અત્યાર સુધી કંઈ શંકાસ્પદ મળ્યું નથી, જ્યારે ઉમેર્યું હતું કે શોધખોળ હજુ પણ ચાલુ છે. સવારે 7:28 વાગ્યે વિધાનસભાને એક ઈમેલ દ્વારા ધમકી મળી હતી, ત્યારબાદ સવારે 7:49 વાગ્યે સ્પીકર વિજેન્દ્ર ગુપ્તાને બીજો ઈમેલ મોકલવામાં આવ્યો હતો. બોમ્બની ધમકી મળતાં જ સુરક્ષા દળો ઘટનાસ્થળે દોડી ગયા હતા અને તપાસ શરૂૂ કરી હતી. એક અધિકારીએ જણાવ્યું હતું કે, “અમે પરિસરમાં અને તેની આસપાસ સુરક્ષા વ્યવસ્થા વધારી દીધી છે.”
વિધાનસભામાં બોમ્બ ડિસ્પોઝલ ટીમો સહિત વિવિધ એજન્સીઓ દ્વારા તપાસ હાથ ધરવામાં આવી હતી, એમ ડેપ્યુટી કમિશનર ઓફ પોલીસ (ઉત્તર) રાજા બંઠિયાએ એક નિવેદનમાં જણાવ્યું હતું. અત્યાર સુધી કંઈ શંકાસ્પદ મળ્યું નથી. જરૂૂરી પોલીસ બંદોબસ્ત ગોઠવી દેવામાં આવ્યો છે, એમ તેમણે કહ્યું. આ ઈમેલમાં લેફ્ટનન્ટ ગવર્નર તરનજીત સિંહ સંધુ, સીએમ ગુપ્તા અને કેબિનેટ મંત્રી મનજિંદર સિંહ સિરસા સહિત અનેક ઉચ્ચ-પ્રોફાઇલ મહાનુભાવોનો ઉલ્લેખ કરવામાં આવ્યો હોવાનું કહેવાય છે. અધિકારીઓએ જણાવ્યું હતું કે પોલીસ અને સુરક્ષા એજન્સીઓએ ઈમેલના મૂળ શોધવા માટે તપાસ શરૂૂ કરી છે.
