દેવ દિવાળીના દિવસે ભક્તો વધુ એક ભયાનક અકસ્માતની ઘટના સામે આવી છે. આજ રોજ એક પરિવારને દર્શન કરીને પરત ફરતા સમયે ગોઝારો અકસ્માત નડ્યો હતો. જેમાં અરવલ્લીના મોડાસાના ગળાદર પાસે પુલ ઉપરથી કાર નીચે ખાબકી હતી. આ અકસ્માતમાં એક જ પરિવારના ચાર લોકોના ઘટનાસ્થળે જ મોત થયા હતા.

આ ઘટના અંગેની મળતી માહિતી અનુસાર અમદાવાદ-ઉદયપુર નેશનલ હાઈ-વે પર થયેલ દુર્ઘટનામાં શામળાજી મંદિર દર્શન કરીને પરિવાર પરત ફરી રહ્યો હતો આ દરમિયાન સર્જાયો આ અકસ્માત સર્જાયો હતો. જેમાં નેશનલ હાઈ-વેના પુલ ઉપરથી કાર નીચે ખાબકી હતી. ગાડીમાં બેઠેલા એક મહિલા, બે પુરૂષ અને એક બાળકનું ઘટનામાં મોત થયું હતુ.

આ અકસ્માત એટલો ભયાનક હતો કે કારનો કચ્ચરઘાણ વળી ગયો. કારમાં સવાર એક જ પરિવારના ચારેય લોકોના ઘટનાસ્થળે જ મોત નીપજ્યાં હતા. ટીંટોઈ પોલીસે ઘટનાસ્થળે પહોંચી તપાસ હાથ ધરી છે. મૃતકોને હાલ શામળાજી સિવિલ હોસ્પિટલ પોસ્ટમોર્ટમ અર્થે ખસેડાયા છે. મળતી માહિતી મુજબ મૃતકો નડિયાદ બાજુના છે.

ટીંટોઈ પોલીસે ઘટનાસ્થળે પહોંચી તપાસ હાથ ધરી છે. મૃતકોને હાલ શામળાજી સિવિલ હોસ્પિટલ પોસ્ટમોર્ટમ અર્થે ખસેડાયા છે. મળતી માહિતી મુજબ મૃતકો નડિયાદ બાજુના છે.

ગુજરાતનો દરિયાકાંઠો બન્યો દરુગ્સનો દરિયો. આ વખતે 500 કરોડથી વધુની કિંમતનું ડ્રગ્સ પોરબંદરના દરિયામાંથી જપ્ત કરવામાં આવ્યું છે. ATS અને NCBની સંયુક્ત કાર્યવાહીના આધારે આ ડ્રગ્સ પકડવામાં આવ્યું હતુ. સૂત્રોના જણાવ્યા અનુસાર ટૂંક સમયમાં ડ્રગ્સનો જથ્થો પોરબંદર પોર્ટ ઉપર લાવવામાં આવશે.

મધદરિયે એક બોટમાંથી કરોડોની કિંમતનું સેંકડો કિલો ડ્રગ્સ સેન્ટ્રલ એજન્સી દ્વારા પકડી પાડવામાં આવ્યું છે. દરિયામાં બોટમાં ડ્રગ્સ આવતું હોવાની બાતમી દિલ્હી NCBની ટીમને મળી હતી. જેના આધારે દિલ્હી NCBની ટીમે નેવીનો સંપર્ક કરીને એક ઓપરેશન મોડી રાતે હાથ ધર્યું હતું. જેમાં મધદરિયે એક બોટને આંતરવામાં આવી હતી. જેમાં 500 કિલો ડ્રગ્સ હોવાનું જાણવા મળ્યું છે.

ગઈકાલે મોડી રાતથી ચાલેલા ઓપરેશનમાં 500 કિલોથી વધુ ડ્રગ્સ પકડાયું હોવાની વિગતો હાલ જાણવા મળ્યું છે. હજી સત્તાવાર રીતે કેન્દ્રીય એજન્સીએ જાહેરાત કોઈ કરી નથી, પરંતુ સ્થાનિક સૂત્રો પાસેથી મળતી માહિતી પ્રમાણે હાલ આ બોટને ગુજરાતના દરિયાકાંઠે લાવવામાં આવી રહી છે.

વર્લ્ડ હેરિટેજ સિટી અમદાવાદની યશગાથામાં વધુ એક સિદ્ધિ મેળવવામાં આવશે. અમદાવાદ શહેરના સૌથી લોકપ્રિય સિંધુભવન રોડ ઉપર ખાસ સિટી સ્કેવર તૈયાર કરવામાં આવશે. જોકે આ સિટિ સ્કેવરને સિંધુભવન રોડ ઉપર આવેલા ઓક્સિજન પાર્કની નજીક ઊભું કરવામાં આવશે. ત્યારે આ સિટિ સ્કેવરના નિર્માણની કમાન અમદાવાદ મહાનગર પાલિકને સોંપવામાં આવી છે. આ સિટિ સ્કેવરને કારણે અમદાવાદને એક આગવી ઓળખ મળવાની આશા છે.

મળતી માહિતી મુજબ, અમદાવાદમાં આવેલા સિંધુભવન રોડ ઉપર 175 મીટર ઊંચાઈ ધરાવતું અનોખું સિટિ સ્કેવરતૈયાર કરવામાં આવશે. તો આ સિટિ સ્કેવરના બેઝમેન્ટમાં પાર્કિંગ માટે અંદાજે 400 જેટલી કાર તેમજ 1500 જેટલા ટુવિલર પાર્કની સુવિધા તૈયાર કરાશે. સિટિ સ્કેવરમાં 40 મીટરની ઊંચાઈ પર બે ફ્લોર રેસ્ટોરન્ટ માટે ફાળવવામાં આવશે. જેમાં એક સાથે 900 લોકો બેસીને જમી શકે છે. તે ઉપરાંત નાગરિકો માટે સ્કાય ડેક અને સ્કાય વોક સહિત રેસ્ટોરન્ટ, કાફે એરિયા અને એમ્ફીથિયેટર હશે.

આ સિટિ સ્કેવર આશરે 110 કરોડ રૂૂપિયાના ખર્ચે નિર્માણ કરવામાં આવશે. સિટિ સ્કેવરની છત ઉપરથી એકસાથે 75 લોકો સંપૂર્ણ અમદાવાદનો નજારો નર્યા નયને જોઈ શકશે. કારણ કે. આ સિટિ સ્કેવરને એ રીતે તૈયાર કરવામાં આવી રહ્યું છે. જે રીતે વિકસિત દેશ જેમ કે ન્યૂ યોર્કમાં આવેલા સિટિ સ્કેવરની સમાન બનાવવામાં આવશે. તે ઉપરાંત લોઅર ગ્રાઉન્ડમાં શોપ્સ અને આર્ટ ગેલેરી બનશે. આ ઈમારતમાં ગાર્ડન, ફૂડ કોર્ટ, બેસવાની વ્યવસ્થા, વોટર ફાઉન્ટેન વગેરે ડેવલપ કરી એક અર્બન પ્લાઝા તરીકે ડેવલપમેન્ટ કરાશે. 175 મીટરના ટાવરની વચ્ચે 40 મીટરની ઊંચાઈ ઉપર બે ફ્લોરમાં રેસ્ટોરન્ટ બનશે. જેમાં 900 વ્યક્તિઓ બેસીને મનપસંદ ભોજનનો આસ્વાદ માણી શકશે.