વર્લ્ડકપ વિજેતા ટીમ ઇન્ડિયાને 20.42 કરોડ મળેલ જ્યારે ગુકેશ-લિરેનને 21.2 કરોડ મળ્યા

કોણ કહે છે કે પૈસા માત્ર ક્રિકેટમાં જ છે? એવું કહેવા વાળાને ચેસ ચેમ્પિયન ગુકેશે જવાબ આપ્યો છે. ગુકેશે ડિંગ લિરેનને હરાવીને વર્લ્ડ ચેમ્પિયન બની ગયો છે. ગુકેશે જણાવ્યું કે, જો તમે ચેમ્પિયન બનવાની ક્ષમતા ધરાવો છો તો તમારા માટે પૈસા કમાવવા સરળ છે. તે ટીમ ઇન્ડિયાના વર્લ્ડ કપ 2024ની પ્રાઇઝ મનીથી વધુ પ્રાઇઝ મની જીતીને ભારત પરત ફરશે.

ટીમ ઇન્ડિયાએ જ્યારે 2024માં વર્લ્ડ કપ જીત્યો હતો ત્યારે તેને પ્રાઇઝ મનીમાં 20.42 કરોડ રૂૂપિયા મળ્યાં હતા. રોહિત શર્માની ટીમે 21 કરોડ રૂૂપિયાથી પણ ઓછી રકમ જીતી હતી. પરંતુ ગુકેશ ડી અને ડિંગ લિરેન એકલાએ જ ટીમ ઇન્ડિયાથી વધુ રકમ જીતી લીધી છે. બંનેએ મળીને કુલ 21.2 કરોડ રૂૂપિયાની રકમ આપવામાં આવી છે.
નિયમ અનુસાર દરેક જીત માટે પ્લેયર્સને 1.79 કરોડ રૂૂપિયા આપવામાં આવ્યાં. ત્રણ ગેમ જીતનાર ગુકેશના ખાતામાં 5.07 કરોડ રૂૂપિયા આવ્યાં હતા. જ્યારે 2 ગેમ જીતીને લિરેનને 3.38 કરોડ મળ્યાં. બાકીની રકમ 12 કરોડ રૂૂપિયામાંથી ડ્રો રમવા માટે બંને પ્લેયર્સને અડધા અડધા રૂૂપિયા વહેંચવામાં આવ્યાં. આમ ગુકેશના ખાતામાં 11.45 કરોડ આવ્યાં હતા, લિરેને 9.75 કરોડ રૂૂપિયા જીત્યાં.

સિંગાપુરમાં ઐતિહાસિક જીત પછી ગુકેશે સંવાદદાતાઓને કહ્યું, હું છેલ્લા 10 વર્ષથી આ ક્ષણનું સપનું જોઈ રહ્યો હતો. મને ખુશી છે કે, મેં પોતાનું સપનું સાકાર કર્યું અને તેને હકીકતમાં પરિવર્તિત કર્યું. હું થોડો ભાવુક થઈ ગયો હતો. કેમ કે મને જીતની આશા નહોતી. પરંતુ પછી મને આગળ વધવાની તક મળી. દરેક ચેસ ખેલાડી આ સપનાને જીવવા માંગે છે.

પૂર્વ ભારતીય ક્રિકેટર વિનોદ કાંબલીએ કપિલ દેવના રિહેબમાં જવાના પ્રસ્તાવ પર સહમતિ દર્શાવી હતી અને કહ્યું હતું કે જ્યાં સુધી તેમનો પરિવાર તેમની સાથે છે ત્યાં સુધી તેઓ કોઈ વાતથી ડરતા નથી. પૂર્વ ભારતીય ક્રિકેટર કાંબલીનો એક વીડિયો સોશિયલ મીડિયા પર વાયરલ થયા બાદ દિગ્ગજ ક્રિકેટરોએ તેની તબિયત અંગે ચિંતા વ્યક્ત કરી હતી. 3 ડિસેમ્બરના રોજ, ભારતીય ક્રિકેટના દિગ્ગજ સચિન તેંડુલકર છત્રપતિ શિવાજી મહારાજ પાર્ક ખાતે પ્રખ્યાત ક્રિકેટ કોચ રમાકાંત વિટ્ટલ આચરેકરની યાદમાં એક સ્મારકના અનાવરણ સમારોહ દરમિયાન તેમના બાળપણના મિત્ર વિનોદ કાંબલીને મળ્યા હતા.

આ કાર્યક્રમનો એક વીડિયો ભારતીય ક્રિકેટ સમુદાયમા્ં વાયરલ બન્યો અને વીડિયો વાયરલ થયા બાદ ઘણા ક્રિકેટરોએ વિનોદ કાંબલીની તબિયત પૂછપરછ કરી, જ્યારે કપિલ દેવ અને સુનીલ ગાવસ્કર જેવા અન્ય લોકોએ પણ તેમને મદદ કરવાની ઓફર કરી. તાજેતરમાં જ ભારતના ભૂતપૂર્વ ફાસ્ટ બોલર બલવિંદર સિંહ સંધુએ ખુલાસો કર્યો હતો કે કપિલ દેવે કાંબલીના સ્વાસ્થ્ય વિશે તેમનો સંપર્ક કર્યો હતો અને મદદનું વચન આપ્યું હતું. કપિલ દેવની દરખાસ્ત સાથે સંમત થતાં વિનોદ કાંબલીએ સ્વીકાર્યું કે તે અત્યારે નસ્ત્રખરાબસ્ત્રસ્ત્ર નાણાકીય પરિસ્થિતિમાં છે અને તે તેના પરિવારની સંભાળ રાખવા માટે બીસીસીઆઇ તરફથી મળતા ₹30,000ના પેન્શન પર નિર્ભર છે.

ભૂતપૂર્વ ભારતીય સ્ટાર 14 વખત રીહર્બમાં માટે ગયો છે, પરંતુ કહે છે કે જો તે તેની નાણાકીય અને શારીરિક સ્થિતિમાં સુધારો કરે તો તે ફરીથી પ્રયાસ કરવા તૈયાર છે. વિકી લાલવાનીની યુટ્યુબ ચેનલ પર વાત કરતાં કાંબલીએ કહ્યું, પપણ મારી પત્નીએ જે રીતે બધું સંભાળ્યું છે તેના માટે હું તેને સલામ કરું છું. અલબત્ત, મને રીહર્બમાં જવા કોઈ ખચકાટ નથી કારણ કે જ્યાં સુધી મારો પરિવાર મારી સાથે છે, ત્યાં સુધી મને કોઈ વાતનો ડર નથી. હું તેને પૂર્ણ કરીશ અને પાછો આવીશ. હું પાછો આવીશ.

ચેમ્પિયન્સ ટ્રોફી 2025 સંબંધિત બાબતો સ્પષ્ટ થતી જણાય છે. રિપોર્ટમાં જાણવા મળ્યું છે કે ટૂર્નામેન્ટ માટે ‘હાઈબ્રિડ મોડલ’ને મંજૂરી આપવામાં આવી છે. પાકિસ્તાન ક્રિકેટ બોર્ડ (PCB) હાઇબ્રિડ મોડલ હેઠળ ચેમ્પિયન્સ ટ્રોફી યોજવા માટે સંમત છે. આ સિવાય ICCએ પાકિસ્તાન બોર્ડની એક મોટી શરત પણ સ્વીકારી છે.

સ્પોર્ટ્સ તકમાં પ્રકાશિત એક અહેવાલમાં કહેવામાં આવ્યું છે કે BCCI અને પાકિસ્તાન ક્રિકેટ બોર્ડ વચ્ચેના કરાર બાદ નક્કી કરાયેલી ચેમ્પિયન્સ ટ્રોફીની મેચો પાકિસ્તાન અને દુબઈમાં હાઈબ્રિડ મોડલ હેઠળ રમાશે. ટુર્નામેન્ટમાં ટીમ ઈન્ડિયાની મેચો દુબઈમાં યોજાશે.

પાકિસ્તાન ચેમ્પિયન્સ ટ્રોફીની 10 મેચોની યજમાની કરશે. લીગ તબક્કામાં ભારતની ત્રણેય મેચ દુબઈમાં રમાશે. ભારતની લીગ મેચો ઉપરાંત ટુર્નામેન્ટની સેમી ફાઈનલ અને ફાઈનલ મેચ પણ દુબઈમાં યોજાશે. જો ટીમ ઈન્ડિયા નોકઆઉટ સ્ટેજ પહેલા બહાર થઈ જશે તો સેમીફાઈનલ અને ફાઈનલ લાહોર અને રાવલપિંડીમાં યોજાશે.

રિપોર્ટમાં એવો પણ ઉલ્લેખ કરવામાં આવ્યો હતો કે પાકિસ્તાન ક્રિકેટ બોર્ડે ICC પાસે માંગ કરી હતી કે જો ભારતીય ટીમ પાકિસ્તાનના પ્રવાસે જવાની ના પાડે છે તો તેને વળતર આપવામાં આવશે. ICCએ વળતરની માંગને પણ ફગાવી દીધી છે.

1996ના વર્લ્ડ કપ પછી પાકિસ્તાનની આ પ્રથમ ICC ઈવેન્ટ છે, જ્યારે ભારત અને પાકિસ્તાન પણ ઈવેન્ટના સહ-યજમાન હતા. ભારત અને પાકિસ્તાને 2012 થી દ્વિપક્ષીય શ્રેણી રમી નથી, પરંતુ તેઓ ગયા વર્ષે ભારતમાં યોજાયેલા ODI વર્લ્ડ કપ સહિત ICC ટૂર્નામેન્ટમાં એકબીજાનો સામનો કરી ચૂક્યા છે. ગયા વર્ષે, ભારતે પાકિસ્તાનમાં રમવાનો ઇનકાર કર્યા પછી પાકિસ્તાન દ્વારા આયોજિત એશિયા કપને પણ પહાઈબ્રિડ મોડલથમાં બદલવામાં આવ્યો હતો. ત્યારબાદ ભારતે તેની તમામ મેચ શ્રીલંકામાં રમી હતી.

ચેમ્પિયન્સ ટ્રોફી 2017 પછી ICC કેલેન્ડરમાં પરત ફરી રહી છે. પાકિસ્તાને 2017માં ઈંગ્લેન્ડમાં યોજાયેલી ચેમ્પિયન્સ ટ્રોફીની છેલ્લી આવૃત્તિ જીતી હતી. ભારતે 2008થી પાકિસ્તાનનો પ્રવાસ કર્યો નથી. ભારતીય ટીમ છેલ્લે 2008માં એશિયા કપ માટે પાકિસ્તાન ગઈ હતી. ભારત અને પાકિસ્તાન વચ્ચે છેલ્લે 2012-13માં દ્વિપક્ષીય શ્રેણી રમાઈ હતી. આ પછી બંને ટીમો માત્ર એશિયા કપ અને આઈસીસી ટૂર્નામેન્ટમાં જ આમને સામને થઈ છે.