ટ્રમ્પના ઇશારે ટેક્સાસે વિદ્યાર્થીઓ અને પ્રોફેશનલ્સ માટે કર્યા દરવાજા બંધ

ભારત-EU ફ્રી ટ્રેડ ડીલથી અમેરિકા નારાજ! ભારતીયો માટે H-1B વિઝામાં મોટો ફટકોભારત અને યુરોપિયન યુનિયન (ઊઞ) વચ્ચે થયેલા ઐતિહાસિક મુક્ત વ્યાપાર કરાર બાદ અમેરિકાની અકળામણ સ્પષ્ટપણે જોવા મળી રહી છે. આ મોટી ડીલના તરત જ બાદ, અમેરિકાના ટેક્સાસ રાજ્યએ ભારતીય વ્યાવસાયિકો અને વિદ્યાર્થીઓ માટેની વિઝા નીતિમાં અનેક ફેરફારો કર્યા છે.

ડોનાલ્ડ ટ્રમ્પની નવી ઈમિગ્રેશન નીતિઓને સમર્થન આપતા ટેક્સાસે રાજ્યની એજન્સીઓ અને યુનિવર્સિટીઓ માટે નવા વિઝા પર રોક લગાવી દીધી છે. ટેક્સાસના ગવર્નર ગ્રેગ એબોટે એક સત્તાવાર પત્ર જાહેર કરીને આ કડક નિર્ણયની જાહેરાત કરી છે. આ નિર્ણય ટ્રમ્પ દ્વારાH-1B વિઝા ફીમાં 1,00,000 ના જંગી વધારાની જાહેરાત બાદ લેવામાં આવ્યો છે.

ગવર્નર એબોટના જણાવ્યા અનુસાર,H-1B વિઝા પ્રોગ્રામને કારણે અમેરિકનોને મળતી નોકરીઓ વિદેશી કામદારોના હાથમાં જતી રહી છે. સ્થાનિકોને પ્રાધાન્ય: તેમણે ઉમેર્યું કે, આ પ્રોગ્રામનો હેતુ વિશ્વભરની પ્રતિભાઓને આકર્ષવાનો હતો, પરંતુ તેના બદલે તેનો ઉપયોગ એવી નોકરીઓ ભરવા માટે થઈ રહ્યો છે જે ટેક્સાસના સ્થાનિક નાગરિકો દ્વારા ભરી શકાય તેમ હતી. આ આદેશથી ખાસ કરીને સરકારી હોસ્પિટલો, રાજ્યની યુનિવર્સિટીઓ અને અન્ય એજન્સીઓમાં કામ કરતા ભારતીય ડોક્ટરો અને પ્રોફેસરોને સીધી અસર થશે.

ગવર્નરે તમામ રાજ્ય એજન્સીઓને 27 માર્ચ સુધીમાં વિગતવાર રિપોર્ટ સોંપવા સૂચના આપી છે, જેમાં વિઝા ધારકોની સંખ્યા, તેમના મૂળ દેશ અને વિઝાની સમાપ્તિ તારીખ જેવી માહિતી માંગવામાં આવી છે.
ટેક્સાસમાં ભારતીય વસ્તી: પ્યુ રિસર્ચ સેન્ટર મુજબ, અમેરિકામાં રહેતા 52 લાખ ભારતીયોમાંથી અંદાજે 5,70,000 ભારતીયો માત્ર ટેક્સાસમાં રહે છે. આ આંકડો અન્ય રાજ્યો જેમ કે ન્યુ જર્સી (4,40,000) અને ન્યૂયોર્ક (3,90,000) કરતા પણ વધુ છે.

ભારતે વ્યાપાર બાબતે અમેરિકાની તમામ શરતો સ્વીકારી નથી, જેના કારણે ટ્રમ્પ વહીવટીતંત્ર નવી દિલ્હીથી નારાજ હોવાનું મનાય છે. રશિયા પાસેથી તેલની ખરીદી અને અમેરિકન સામાન પર ભારત દ્વારા લાદવામાં આવતી ડ્યુટીને કારણે ટ્રમ્પ પહેલેથી જ ભારત પર 50% ટેરિફ લગાવી ચૂક્યા છે.
સપ્ટેમ્બર 2025 માં જાહેર કરવામાં આવેલી નવી વિઝા નીતિઓ હેઠળ ભારતીય સમુદાયને સૌથી વધુ નિશાન બનાવવામાં આવી રહ્યો છે. યુએસ સેન્સસ બ્યુરો મુજબ, અમેરિકામાં ઓછામાં ઓછા 66% ઇમિગ્રન્ટ્સ ભારતીય મૂળના છે.

ભારત અને યુરોપ વચ્ચેની મિત્રતા અમેરિકા માટે આર્થિક પડકાર બની રહી હોય તેવું લાગે છે. આ નિર્ણયથી ટેક્સાસમાં અભ્યાસ કરતા હજારો ભારતીય વિદ્યાર્થીઓ અને ત્યાં સ્થાયી થવા ઈચ્છતા ટેક-પ્રોફેશનલ્સના સપનાઓને મોટો ફટકો પડ્યો છે.