સપ્ટેમ્બરમાં દિલ્હીમાં યોજાશે ભારત-અફઘાનિસ્તાન સિરીઝ
આયર્લેન્ડ અને ઈંગ્લેન્ડના પ્રવાસ પૂર્ણ કર્યા પછી વર્તમાન T20 વર્લ્ડ ચેમ્પિયન ભારતે ઝિમ્બાબ્વેનો પ્રવાસ શરૂૂ કર્યો છે. આ પ્રવાસ આગામી દિવસોમાં પણ ચાલુ રહેશે, જ્યાં ટીમ ઈન્ડિયા 2026 એશિયન ગેમ્સમાં પણ ભાગ લેશે. આ દરમિયાન, ભારતીય ટીમ એક શ્રેણી રમશે જેમાં તેઓ તેમના પોતાના હોમ ગ્રાઉન્ડમાં મહેમાન તરીકે રમશે. આ શ્રેણી ભારત અને અફઘાનિસ્તાન વચ્ચે રમાશે, જે ભારતમાં યોજાશે, પરંતુ ટીમ ઈન્ડિયા યજમાન નહીં, પણ મહેમાન તરીકે રમશે. એક અહેવાલ મુજબ, સપ્ટેમ્બરમાં ભારત અને અફઘાનિસ્તાન વચ્ચે T20 શ્રેણી રમાશે. જોકે, BCCI નહીં, પરંતુ અફઘાનિસ્તાન ક્રિકેટ બોર્ડ (ACB) તેનું યજમાન બનશે. હા, આ વિચિત્ર લાગે છે, પરંતુ તે ખરેખર થઈ રહ્યું છે. ભારત અને અફઘાન ક્રિકેટ બોર્ડ આવી શ્રેણી પર સંમત થયા છે, અને તે સપ્ટેમ્બરમાં યોજાઈ શકે છે. અહેવાલો અનુસાર, નવી દિલ્હીનું અરુણ જેટલી સ્ટેડિયમ આ શ્રેણીનું સ્થળ હોઈ શકે છે.
અહેવાલજે મુજબ ભારત-અફઘાનિસ્તાન શ્રેણી સંપૂર્ણપણે અરુણ જેટલી સ્ટેડિયમમાં રમાઈ શકે છે. આ શ્રેણી માટે ત્રણ T20 મેચો સુનિશ્ચિત થયેલ છે, જે 13, 15 અને 17 સપ્ટેમ્બરના રોજ રમાઈ શકે છે.
જ્યારે સ્થળ અને તારીખો હજુ સુધી બંને બોર્ડ દ્વારા સત્તાવાર રીતે જાહેર કરવામાં આવી નથી, આ પહેલીવાર હશે જ્યારે ભારતીય ટીમ ઘરઆંગણે મહેમાન તરીકે રમશે. જોકે, અફઘાનિસ્તાન આ પહેલીવાર ભારતમાં મેચનું આયોજન નથી કરી રહ્યું. અગાઉ અફઘાનિસ્તાને વેસ્ટ ઈન્ડિઝ, ઝિમ્બાબ્વે અને ન્યૂઝીલેન્ડ જેવી ટીમોની ભારતીય ધરતી પર યજમાની કરી છે. આનું કારણ અફઘાનિસ્તાનમાં આંતરરાષ્ટ્રીય ક્રિકેટ માટે અનુકૂળ પરિસ્થિતિઓનો અભાવ છે.
