રાષ્ટ્રીય
શેરબજારમાં તેજી યથાવત સેન્સેક્સ 83600ને પાર
નિફ્ટીમાં 164 પોઇન્ટનો ઉછાળો
આજે પ્રથમ વખત સેન્સેક્સ 83600ની પાર ખુલવામાં સફળ રહ્યો છે. નિફ્ટીએ પણ તેજીની સદી ફટકારી હતી અને શુક્રવારના ટ્રેડિંગની શરૂૂઆત 25525ના રેકોર્ડ સ્તરે કરી હતી. બીએસઈનો 30 શેરનો બેન્ચમાર્ક ઈન્ડેક્સ સેન્સેક્સ આજે 418 પોઈન્ટના બમ્પર જમ્પ સાથે 83603 પર ખુલ્યો હતો. જ્યારે નિફ્ટી 110 પોઈન્ટના વધારા સાથે ખુલ્યો હતો. ત્યારબાદ નીફટી 164 પોઇન્ટ વધીને 25590ના નવા હાઇ પર પહોંચી છે.
આજે એશિયન માર્કેટમાં તેજી સાથે વેપાર થયો. નિક્કી 225 1.9 ટકા અને ટોપિક્સ 1.63 ટકા વધ્યા હતા. દક્ષિણ કોરિયાનો કોસ્પી 1.45 ટકા અને કોસ્ડેક 1.51 ટકા વધ્યો હતો. હોંગકોંગના હેંગસેંગ ઈન્ડેક્સ ફ્યુચર્સે ઊંચી શરૂૂઆતનો સંકેત આપ્યો હતો.
મનોરંજન
‘દયા દરવાજા તોડ દો’, 6 વર્ષ બાદ CIDની ટીમ ટીવી પર આવશે
ગંભીર શોમાં કોમેડીનો ટચ આપનાર ફ્રેડી જોવા નહીં મળે
ટીવીનો વિશ્વનો સૌથી પ્રખ્યાત શો સીઆઇડી ફરી એકવાર નાના પડદા પર કમબેક કરવા જઈ રહ્યો છે. છ વર્ષ પહેલા એટલે કે વર્ષ 2018માં સોની ટીવીએ શિવાજી સાટમના આ ક્રાઈમ શોને પ્રસારિત કરવાનો નિર્ણય લીધો હતો. આ પહેલા સીઆઈડીએ 20 વર્ષ સુધી દર્શકોનું ખૂબ મનોરંજન કર્યું. આ શો દ્વારા ઈન્ડસ્ટ્રીને ઘણા પ્રતિભાશાળી કલાકારો મળ્યા.
સીઆઈડીનું પ્રસારણ બંધ થયા બાદ છેલ્લા 6 વર્ષથી આ શોને પરત કરવાની માંગ કરવામાં આવી રહી છે. સૂત્રોનું માનીએ તો હવે મેકર્સે ફરી એકવાર આ શોની વાપસી પર કામ શરૂ કરી દીધું છે. જો કે, આ બધું હજી પ્રારંભિક તબક્કામાં છે અને તેથી જ ચેનલ દ્વારા હજી સુધી આ શો અંગે કોઈ પુષ્ટિ કરવામાં આવી નથી. સૂત્રો પાસેથી પ્રાપ્ત માહિતી અનુસાર, બીપી સિંહના ફટાકડા પ્રોડક્શનએ તાજેતરમાં જ સીઆઇડી ટીમ સાથે એમઓયુ સાઈન કર્યા છે. જોકે, સીઆઈડીનો નવો શો બનાવવાની દિશામાં આ પહેલું પગલું છે અને પ્રોડક્શને કલાકારોને ભેગા કરીને બાકીની તૈયારીઓ શરૂ કરી દીધી છે.
હવે મેકર્સે સીઆઇડીની નવી સ્ટોરી પર કામ કરવું પડશે. સ્ક્રિપ્ટ અને કોન્સેપ્ટ પર કામ કર્યા પછી, જ્યારે તેઓ પાયલોટ એપિસોડ શૂટ કરશે અને તેને ચેનલને મોકલશે, ત્યારે તે ચેનલ દ્વારા મંજૂર અથવા નકારવામાં આવશે. જો પાયલોટ એપિસોડને મંજૂરી મળશે તો શોની નવી સિઝન શરૂૂ કરવામાં આવશે. જો શો શરૂૂ થાય છે, તો તે કલાકારો તેમજ સીઆઇડી ચાહકો માટે એક સારા સમાચાર હશે.
ભલે સીઆઇડી સોની ટીવી પર પુનરાગમન કરવા જઈ રહ્યું હોય, પરંતુ આ ગંભીર શોમાં કોમેડીનો સ્પર્શ ઉમેરનાર ફ્રેડી હવે આ શોમાં જોવા મળશે નહીં. ગયા વર્ષે, ફ્રેડીનું પાત્ર ભજવનાર અભિનેતા દિનેશ ફડનીસનું હૃદયરોગના હુમલાથી અવસાન થયું હતું. તેના પાત્રની જગ્યાએ નવા પાત્રને શોમાં સામેલ કરી શકાય છે.
મનોરંજન
રોહિત શેટ્ટીની સિંઘમ-3માં સલમાન ખાનનો કેમિયો
1 નવેમ્બરના રિલીઝ થશે
દિવાળી પર રિલીઝ થનાર રોહિત શેટ્ટીની ફિલ્મ સિંઘમ 3 ને દર્શકો ઘણા ઉત્સાહિત છે. 1 નવેમ્બરના રોજ આ ફિલ્મ થિયેટરોમાં રિલીઝ થશે. ત્યારે સલમાન ખાનના ફેન્સ માટે સારા સમાચાર આવ્યા છે કે આ ફિલ્મમાં હવે સલમાન ખાન પણ એક કેમિયોમાં જોવા મળશે. રિપોર્ટ અનુસાર રોહિત શેટ્ટીએ પોતાની આ એક્શન ફિલ્મ માટે સલમાન ખાનને એક ખાસ કેમિયો માટે એપ્રોચ કર્યા છે.
ખાસ વાત એ છે કે સલમાન ખાને આ માટે કોઈ ફીસ પણ નથી લીધી. જેમાં તેઓ દબંગ ફ્રેન્ચાઈઝીના પોતાના સુપરહીટ અવતાર ચુલબુલ પાંડેના રોલમાં નજર પડશે. દબંગ ફ્રેન્ચાઈઝીના ઈન્સ્પેક્ટર ચુલબુલ પાંડેના રોલમાં સલમાન ખાને મોટા પડદા પર ધુમ મચાવી દીધી હતી. ત્રણેય ફિલ્મોમાં તેમણે આ જ રોલ કર્યો હતો. સિંઘમ 3 ના સ્ટારકાસ્ટમાં અજય દેવગણની સાથે બોલિવૂડના અનેક મોટા નામો સામેલ છે. ફિલ્મમાં દીપિકા પાદુકોણ લેડી સિંઘમના રોલથી આ ફ્રેન્ચાઈઝીમાં એન્ટ્રી લેશે. આ સિવાય ફિલ્મમાં કરીના કપૂર, અક્ષય કુમાર અને ટાઈગર શ્રોફ પણ આ ફિલ્મમાં નજરે પડશે.
રાષ્ટ્રીય
પંત સાથે અફફેરની વાત માત્ર અફવા: ઉર્વશી રોતેલા
મારું ધ્યાન માત્ર મારી કારકિર્દી પર
છેલ્લા ઘણા સમયથી ઉર્વશી રૌતેલાનું નામ ક્રિકેટર ઋષભ પંત સાથે ઘણી વખત જોડાઈ ચૂક્યું છે. એટલું જ નહીં સોશિયલ મીડિયા પર બંનેના નામ ઉમેરીને ઘણા મીમ્સ પણ બનાવવામાં આવે છે અને જે ખૂબ વાયરલ થાય છે. હવે અભિનેત્રીએ આ અંગે પોતાનું મૌન તોડ્યું છે અને પ્રતિક્રિયા આપી છે.
અભિનેત્રીએ આ તમામ અહેવાલોને ખોટા ગણાવ્યા છે અને તેમના વિશે બનેલા તમામ મીમ્સ કોઈપણ માહિતી વિનાના છે. એક ચેનલ સાથે વાત કરતા અભિનેત્રીએ જણાવ્યું કે, ઋષભ પંત સાથે મારું નામ જોડવાની અફવાઓ અંગે હું એક વાત સ્પષ્ટ કરવા માંગુ છું કે આ મીમ્સ તથ્ય વગરના છે. મને મારું અંગત જીવન ખાનગી રાખવું ગમે છે. મારું ધ્યાન ફક્ત મારી કારકિર્દી પર છે અને હું મારા કામ પ્રત્યે ઉત્સાહી છું. તે મહત્વનું છે કે આવી બાબતોને સ્વચ્છ રાખવી જોઈએ અને સત્ય જાણવું અને બિનજરૂૂરી અફવાઓ ન ફેલાવવી તે વધુ સારું છે.
ઉર્વશીએ વધુમાં કહ્યું કે, મારા અંગત જીવનને લગતી નકામી અફવાઓને કારણે મારે ઘણા પડકારોનો સામનો કરવો પડે છે. હું તેને નિયંત્રિત કરું છું અને મારા કામ પર ધ્યાન કેન્દ્રિત કરું છું. મારી ગોપનીયતાને ધ્યાનમાં રાખીને હું સત્ય સાથે તમામ અફવાઓને ક્લિયર કરવા માંગુ છું.
-
રાષ્ટ્રીય2 days ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
ગુજરાત2 days ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય2 days ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
રાષ્ટ્રીય18 hours ago
ઓફિસના વર્કલોડે લીધો CAનો જીવ! માતાનો ભાવુક પત્ર વાંચીને કેન્દ્ર સરકારે લીધો મોટો નિર્ણય
-
રાષ્ટ્રીય2 hours ago
કાશી વિશ્વનાથન મંદિરમાં મંગળા આરતી દરમિયાન મોટી દુર્ઘટના, શોર્ટ સર્કિટના કારણે ગર્ભગૃહની ટોચ પર લાગી આગ
-
કચ્છ2 days ago
કચ્છના ફેમસ જોકીનો મુંબઇમાં આપઘાત
-
ગુજરાત1 day ago
લીંબડી નજીક 120 કરોડના ખર્ચે બનેલા બ્રિજમાંથી સળિયા દેખાયા
-
ક્રાઇમ20 hours ago
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો