મસૂરીના પહાડોમાં શરૂ થયેલી પ્રેમ કહાની ભવોભવના બંધન સુધી પહોંચી, હવે પરંપરાગત ફેરા ફરશે
2023 બેચના બે યુવાન IAS અધિકારીઓના લગ્ન હાલમાં ચર્ચામાં છે. તે ફક્ત એટલા માટે નથી કારણ કે તેઓ વહીવટી સેવામાં છે, પરંતુ એટલા માટે પણ છે કારણ કે તેઓએ દેખાડો ટાળીને પહેલા કોર્ટ મેરેજ કર્યા અને પછી પરંપરાગત ફેરા લેવાનો નિર્ણય કર્યો છે. મસૂરીના પહાડીઓમાં એક પરિચયથી શરૂૂ થયેલી આ પ્રેમકથા હવે જીવનભરનું જોડાણ બની ગઈ છે.અલવરમાં SDM તરીકે પોસ્ટેડ માધવ ભારદ્વાજ અને જામનગરમાં SDM તરીકે પોસ્ટેડ અદિતિ વાસનેએ અલવર મિની સચિવાલયમાં જિલ્લા કલેક્ટર અર્પિતા શુક્લા સમક્ષ તેમના મેરેજ રજીસ્ટર કરાવ્યા. તે એક સિમ્પલ પ્રસંગ હતો, જેમાં કોઈ બેન્ડ, લાંબી મહેમાનોની યાદી અને કોઈ ઠાઠમાઠ નહતો. ફક્ત તેમના માતા-પિતા, ભાઈ-બહેનો અને થોડા વહીવટી અધિકારીઓ હાજર હતા.
બંને તેમની IAS ટ્રેનિંગ દરમિયાન મળ્યા હતા. એક જ બેચ, સમાન ધ્યેયો અને રાષ્ટ્રની સેવા કરવાનો સંકલ્પ ધીમે ધીમે મિત્રતામાં બદલ્યો. ટ્રેનિંગ દરમિયાન સાથે અભ્યાસ અને વહીવટી પડકારો વિશે ચર્ચાઓએ તેમને નજીક લાવ્યા. સમય જતાં આ સંબંધ વિશ્વાસ અને સમજણમાં ખીલ્યો. જ્યારે તેઓએ જીવનસાથી બનવાનું નક્કી કર્યું, ત્યારે તેઓએ તેમના પરિવારોને જાણ કરી. બંને પક્ષોની સંમતિ પ્રાપ્ત કર્યા પછી લગ્ન પ્રક્રિયાને અંતિમ સ્વરૂૂપ આપવામાં આવ્યું. તેમની વ્યસ્ત વહીવટી જવાબદારીઓ વચ્ચે તેઓએ પહેલા તેમના લગ્ન રજીસ્ટર કરાવવાનું નક્કી કર્યું.
અલવરના મિની સચિવાલયમાં મેરેજ રજીસ્ટર કરવવાની ઔપચારિકતાઓ પૂર્ણ કરવામાં આવી. જિલ્લા કલેક્ટર અર્પિતા શુક્લાની હાજરીમાં ડોક્યુમેન્ટ પર સાઈન કરવામાં આવી હતી અને લગ્ન કાયદેસર રીતે પૂર્ણ થયા હતા. વાતાવરણ ઔપચારિક હતું, પરંતુ તેમાં આત્મીયતાની કમી નહતી. જે પરિસરમાં દૈનિક વહીવટી નિર્ણયો લેવામાં આવે છે, ત્યાં જ બે અધિકારીઓએ તેમના અંગત જીવનનો સૌથી મહત્ત્વપૂર્ણ નિર્ણય લીધો. ફંક્શન નાનું હતું, પરંતુ સંદેશ મોટો હતો. લગ્ન દેખાડા વિશે નથી, પરંતુ પરસ્પર સમજણ અને પ્રતિબદ્ધતા વિશે છે.
માધવ અને અદિતિએ ખુલાસો કર્યો કે તેઓ ટૂંક સમયમાં શુભ સમયે મંદિરમાં હિન્દુ રીત-રિવાજ લગ્ન કરશે. તેમના મતે લગ્ન સમારોહ અને પરંપરાગત વિધિઓ લગ્ન પૂર્ણ થવાનું પ્રતીક છે. જોકે, સમારોહ મર્યાદિત હશે, જેમાં ફક્ત પરિવારના સભ્યો જ હાજર રહેશે.
