સ્પેશિયલ ઈન્ટેન્સિવ રિવિઝનની મુદતમાં સર્વોચ્ચ અદાલતે કર્યો વધારો
પાટનગર નવીદિલ્હી અને સર્વોચ્ચ અદાલતના આંગણેથી વિલે મોઢે પાછા ફરેલા બંગાળના મુખ્યમંત્રીના ઘોર કાનૂની પરાજયને કારણે તથા એસઆઈઆર સંદર્ભે ઉચ્ચ સ્તરે પણ પોતાની પિપુડી ન વાગતા અને ઉલટાનો ન્યાયમૂર્તિઓના આકરા ઠપકાનો માર ખાવાથી રાજ્યમાં તૃણમુલ કોંગ્રેસ પક્ષમાં સન્નાટો વ્યાપી ગયો છે અને વિધાનસભાની ચૂંટણીઓ માટે તૈયારી કરી રહેલા ભાજપમાં ઉત્સવનો માહોલ છવાઈ ગયો છે.
ઘણા રાજ્યોમાં સ્પેશિયલ ઇન્ટેન્સિવ રિવિઝન (SIR) ને લઈને ચાલી રહેલા વિવાદ વચ્ચે, પશ્ચિમ બંગાળના મુખ્યમંત્રી મમતા બેનર્જીને સુપ્રીમ કોર્ટ તરફથી બેવડી નિરાશાનો સામનો કરવો પડ્યો છે. વકીલ તરીકે પોતાને રજૂ કરવાનો તેમનો પ્રયાસ નિષ્ફળ ગયો, બીજી તરફ, સુપ્રીમ કોર્ટે ચૂંટણી પંચ (ECI) ના અધિકારીઓ સામે હિંસા અને ધમકીઓ અંગે બંગાળ સરકારને સખત ઠપકો આપ્યો છે.
મુખ્ય ન્યાયાધીશ ડી.વાય. ચંદ્રચુડ અને ન્યાયાધીશ સૂર્યકાંતની અધ્યક્ષતાવાળી બેન્ચે સ્પષ્ટ કર્યું કે SIR કાર્યવાહી પર કોઈ રોક લગાવી શકાય નહીં. કોર્ટે સ્પષ્ટપણે કહ્યું કે આ પ્રક્રિયામાં કોઈ દખલગીરીની મંજૂરી આપવામાં આવશે નહીં. સર્વોચ્ચ અદાલતે રાજ્યોને ચેતવણી આપી કે આ તપાસ પ્રક્રિયામાં કોઈ દખલગીરીની મંજૂરી આપવામાં આવશે નહીં.
સુનાવણી દરમિયાન, સોલિસિટર જનરલ (SG) અને અન્ય વકીલોએ કોર્ટને જાણ કરી કે બંગાળમાં ચૂંટણી પંચના અધિકારીઓને ડરાવવામાં આવી રહ્યા છે અને હિંસાનો ભોગ બનાવવામાં આવી રહ્યા છે. આ બાબતને ગંભીરતાથી લેતા, કોર્ટે બંગાળના પોલીસ મહાનિર્દેશક (DGP) ને વ્યક્તિગત સોગંદનામું દાખલ કરવાનો આદેશ આપ્યો. તેમણે ચૂંટણી પંચ દ્વારા લગાવવામાં આવેલા આરોપો અને સુરક્ષામાં ખામીઓ અંગે ખુલાસો કરવો પડશે.
અરજદારો (નાયડુ અને ગિરી) એ કોર્ટને જણાવ્યું હતું કે રસ્તાઓ પર હિંસા થઈ રહી છે અને પોલીસ એફઆઈઆર પણ નોંધી રહી નથી. મુખ્ય ચૂંટણી અધિકારી (સીઈઓ) ને પણ છોડવામાં આવ્યા નથી. મુખ્ય ન્યાયાધીશ ડી.વાય. ચંદ્રચુડ અને ન્યાયાધીશ સૂર્યકાંતની બનેલી બેન્ચે સ્પષ્ટપણે કહ્યું કે, પ્રક્રિયામાં કોઈ દખલગીરીની મંજૂરી આપવામાં આવશે નહીં.
બંગાળમાં, દસ્તાવેજ ચકાસણી અને અંતિમ મતદાર યાદીના પ્રકાશન માટે 14 ફેબ્રુઆરીની અંતિમ તારીખ એક અઠવાડિયા માટે લંબાવવામાં આવી છે. કોર્ટે રાજ્ય સરકારને નિર્દેશ આપ્યો છે કે યાદીમાં રહેલા તમામ 8,505 ગ્રુપ ઇ અધિકારીઓ આવતીકાલે સાંજે 5 વાગ્યા સુધીમાં ફરજ પર હાજર થાય. ચૂંટણી પંચ પાસે હાલના ઊછઘ/અઊછઘ ને બદલવાનો અથવા જો યોગ્ય જણાય તો તેમની સેવાઓ જાળવી રાખવાનો અધિકાર રહેશે.
