ત્રંબાનો યુવાન રાજકોટ ઇમિટેશનનો માલ લેવા આવતો હતો

શહેરના ભાવનગર રોડ પર આવેલા વિઠ્ઠલવાવ ગૌશાળા પાસે બાઇક સ્લીપ થતા ત્રંબાના ઇમિટેશનના ધંધાર્થીને ગંભીર ઇજા થવાથી સારવાર અર્થે હોસ્પિટલમાં ખસેડાયો હતો. આ ઘટનામાં ઘવાયેલા ઇમિટેશનના ધંધાર્થીનુ સારવાર દરમિયાન મોત નિપજતા પરિવારમાં શોક છવાયો છે.

મળતી વિગતો મુજબ ત્રંબા ગામે રહેતા કિશોરભાઇ ધીરૂભાઇ મોરવાડીયા નામના કોળી યુવાન ગઇ તા. 12 ના રોજ સાંજના સમયે પોતાનુ બાઇક લઇ રાજકોટ શહેરમાં ઇમિટેશનનો માલ લેવા આવતો હતો
ત્યારે ભાવનગર રોડ પર વિઠ્ઠલવાવ ગૌશાળા પાસે પહોંચતા તેમનુ બાઇક સ્લીપ થયુ હતુ અને કિશોરને માથામાં અને શરીરે ગંભીર ઇજાઓ પહોંચી હતી જેને લઇ તેને સૌપ્રથમ સિવિલ હોસ્પિટલ બાદમાં વધુ સારવાર માટે કુવાડવા રોડ પર આવેલી ગોકુલ હોસ્પિટલમાં ખસેડાયો હતો જયા તેમનુ ટુંકી સારવાર બાદ મોત નિપજયુ હતુ.
કિશોર પોતાના ઘરે જ ઇમિટેશનનુ કામ કરતો હતો તેમને સંતાનમાં એક પુત્ર અને એક પુત્રી છે.

તેમજ પોતે 3 ભાઇ 3 બહેનમાં બીજા નંબરના હોવાનુ જાણવા મળ્યુ હતુ. કિશોરભાઇના મૃત્યુથી તેમના બંને સંતાનોએ પિતાની છત્રછાયા ગુમાવી હતી તેમજ પતિના મૃત્યુથી પત્નિ પણ આઘાતમાં સરી પડી હતી. આ ઘટના અંગે આજીડેમ પોલીસ મથકના સ્ટાફે કાગળો કર્યા હતા.

એમ.ડી. સાથે બેઠકમાં ભાવ વધારાની શરતો સ્વીકારી લેવાતા સમાધાન

કચ્છ સૌરાષ્ટ્ર પીજીવીસીએલ કોન્ટ્રાક્ટર એસોસીએશન દ્વારા તા. 11 અને સોમવારથી ચાલુક રવામાં આવેલી હડતાલનો આજે અંત આવ્યો છે. મજુરી, લાઈનકામ, ફેબ્રીકેશન અને વાહનભાડા તેમજ લોડીંગ, અનલોડીંગના ચાર્જ વગેરે જેવા મુદ્દાઓ પર શરૂ થયેલી હડતાલ આજે પીજીવીસીએલના એમ.ડી. સાથે મીટીંગ બાદ સમાપ્ત થઈ હતી.

આ અંગે જાણવા મળતી વિગત પ્રમાણે પૂર્વ રાજ્યમંત્રી વાસણાભાઈ આહિરની મધ્યસ્થિથી કોન્ટ્રાક્ટર એસોસીએશને આજે પીજીવીસીએલ મેનેજમેન્ટ સમક્ષ મીટીંગ કરી હતી. જેમાં પીજીવીસીએલ મેનેજમેન્ટ દ્વારા જ ભાવવધારાનું કરી આપવાની લેખીતમાં ખાતરી આપી હતી. જેને પરિણામે 700થી વધુ કોન્ટ્રાક્ટરો દ્વારા છ દિવસથી ચાલી રહેલી હડતાલનો આજે અંત આવ્યો છે.

આ અંગેની યાદીમાં કચ્છ-સૌરાષ્ટ્ર પીજીવીસીએલના એસોસીએશનના પ્રમુખ ગોપાલભાઈ માતાએ જણાવ્યું છે કે, ગત તારીખ 11.11.2024 થી કચ્છ-સૌરાષ્ટ્ર પી.જી.વી.સી.એલ કોન્ટ્રાક્ટર એસોસિએશન દ્વારા ભાવ વધારા બાબતે પી.જી.વી.સી.એલ મેનેજમેન્ટ પાસે અનેક રજુઆતો કરવા છતા યોગ્ય પ્રતિસાદ ન મળતા હડતાલ પાડવામાં આવેલ, પરંતુ પૂર્વ રાજ્યમંત્રી શ્રી વાસણભાઈ આહીર સાહેબની મધ્યસ્થી અને સરકારશ્રી તેમજ પી.જી.વી.સી.એલ મેનેજમેન્ટ સમક્ષ રજુઆતો કરતા અને તે બાબતે કોન્ટ્રાક્ટરો સાથે પણ વિગતવાર ચર્ચા કરતા આજરોજ મેનેજીંગ ડાયરેક્ટર સાથે સંગઠન ની રૂૂબરૂૂ મિટિંગ થતા ચાલી રહેલી હડતાલ બાબતે સુખદ સમાધાન થતા હડતાલનો અંત આવેલ હતો.

આજરોજ મેનેજમેન્ટ દ્વારા બોર્ડ મિટીંગ મળ્યા બાદ ભાવ વધારો મંજુર કરવામાં આવશે તેમજ અન્ય જે કઈ ભાવ વધારો વ્હીકલ હાયરિંગ, ફેબ્રિકેશન, લોડીંગ-અનલોડીંગ વગેરે નું પી.જી.વી.સી.એલ મેનેજમેન્ટ દ્વારા જ ભાવ વધારો કરી આપવામાં આવશે તેવી લેખિતમાં ખાત્રી આપવામાં આવેલ છે. વધુમાં છેલ્લા 05 દિવસ દરમ્યાન પ્રજાને મુશ્કેલી પડી હોય તો કચ્છ-સૌરાષ્ટ્ર પી.જી.વી.સી.એલ કોન્ટ્રાક્ટર એસોસિએશન દિલગીરી વ્યક્ત કરે છે.

પુરવઠા સલાહકાર સમિતિની બેઠકમાં બોલાવી સટાસટી, નબળું અનાજ સરકારમાંથી આવે છે કે, નીચે ભેળસેળ થાય છે? તપાસની કરી માગણી

રાજકોટમાં રેશનકાર્ડ ધારકોને સડેલુ અને હલકી ગુણવત્તાવાળુ અનાજ ધાબડવામાં આવતુ હોવાનો રાજ્યસભાના સાંસદ રામભાઈ મોકરિયાએ પર્દાફાશ કર્યો હતો અને સાંસદે આજે મળેલી પૂરવઠા સલાહકાર સમિતિની બેઠકમાં સડેલા ચણાદાળ, ઘઉં, અને ચોખા સહિતના અનાજના નમુના રજૂ કરી સટાસટી બોલાવી હતી.

રામભાઈ મોકરિયાએ બેઠકમાં જ ટેબલ ઉપર સડેલા અનાજના નમુનાઓની કોથળીઓ ખોલી જિલ્લા કલેક્ટર સહિતના અધિકારીઓને બતાવ્યા હતાં અને જણાવ્યું હતું કે, આવુ અનાજ સરકારમાંથી આવતું હોય તો અમારુ ધ્યાન દોરો અમે ઉપર રજૂઆત કરશું એન જો એફસીઆઈના ગોડાઉનમાં કે વેપારીઓ દ્વારા ભેળસેળ થતી હોય તો દરોડા પાડીને તપાસ કરો.

સાંસદે કરેલા અચાનક આક્રમણથી અધિકારીઓ પણ ડઘાઈ ગયા હતા અને એક પણ અધિકારી આ અંગે જવાબ આપી શકેલ નહીં.બેઠક બાદરામભાઈ મોકરિયાએ જણાવેલ કે, રેશનકાર્ડ ઉપર ગરીબોને સડેલુ અનાજ અપાતુ હોવાની મને સ્થાનિક આગેવાનોએ રજૂઆત કરી હતી એન લોકોને આપવામાં આવેલા ઘઉં-ચોખા-ચણાદાળના નમુના પણ મને આપ્યા હતા જેથી આજે આ નમુના મેં કલેક્ટર સમક્ષ રજૂ કરી તપાસની માંગ કરી છે. આવી વસ્તુ ચલાવી શકાય નહીં.

રાજકોટ કલેકટર ઓફિસ ખાતે જિલ્લા નાગરિક પુરવઠા અને ગ્રાહક સુરક્ષા સલાહકાર સમિતિની બેઠક યોજાઇ હતી, જેમાં વાજબી ભાવની દુકાનો દ્વારા એપ્રિલ થી ઓક્ટોબર -2024 સુધીમાં કરવામાં આવેલા અનાજ વિતરણ સહિતના વિવિધ મુદ્દે ચર્ચા કરવામાં આવી હતી.

આ બેઠકમાં કમિટીના સભ્યો, ધારાસભ્ય સાંસદ સભ્યો સહિતના આગેવાનો હાજર રહ્યા હતા.
આ બેઠકમાં રાજ્યસભાના સાંસદ રામ મોકરીયાએ જિલ્લા કલેકટરની પુરવઠા બેઠકમાં તડાફડી બોલાવીહતી.રાજ્યસભાના સાંસદ રામભાઈ મોકરિયાએ સસ્તા અનાજના નમૂના આપ્યા.હલકી ગુણવત્તાનું અનાજ વિતરણ થતું હોવા થી તપાસ કરવા માંગ હતી .રાજકોટની અલગ અલગ સસ્તા અનાજની દુકાનમાંથી નમૂના લઈ કલકેટરને સોંપવામાં આવ્યા તપાસ કર્યા બાદ રિપોર્ટ સોંપવા માંગ કરવામાં આવી .સરકાર સારી ગુણવત્તાનું અનાજ વિતરણ કરે અને ક્યાં ભેળસેળ થાય તે તપાસ કરવા માંગ કરી

રામ મોકરિયાની રજૂઆત ના લઇ કલેકટર દ્વારા તાત્કાલિક પુરવઠા અધિકારીને તપાસ કરવા સૂચના આપવામાં આવી છે. અને તાત્કાલિક રિપોર્ટ સોંપવાનો હુકમ પણ કરવામાં આવ્યો છે. રાજ્યસભાના સાંસદ રામ મોકરિયા સડેલું અનાજ લઈને પહોંચ્યા હતા અને કલેકટરને રૂૂબરૂૂ નબળી ગુણવત્તાનું અનાજ બતાવ્યું હતું અને તપાસ કરવાનું કહ્યું હતું ત્યારે કલેકટર દ્વારા તાત્કાલિક તપાસના આદેશો આપવામાં આવ્યા છે.