મોરબી
મોરબીમાં ડમ્પરની ઠોકરે આશાસ્પદ છાત્રાનું મોત
મોરબી કંડલા બાયપાસ કામધેનુ પાર્ટી પ્લોટ સામે રોડ ઉપર ડમ્પરે હડફેટે લેતા બાઈક પર પરીક્ષા આપવા જઈ રહેલ વિદ્યાર્થીનીને ગંભીર ઈજાઓ પહોંચતા મોત નિપજ્યું હતું જ્યારે અન્ય એક વિદ્યાર્થીની ઈજાગ્રસ્ત થતા સારવાર અર્થે મોરબી સીવીલ હોસ્પિટલમાં ખસેડવામાં આવી હતી. આ બનાવ અંગે ભોગ બનનાર વિદ્યાર્થીનીએ આરોપી ડમ્પર ચાલક વિરુદ્ધ મોરબી સીટી એ ડીવીજન પોલીસ સ્ટેશનમાં ફરીયાદ નોંધાવી છે.
મળતી માહિતી મુજબ મોરબી તાલુકાના જેપુર ગામે રહેતી અને અભ્યાસ કરતી બંસીબેન જીતેન્દ્રભાઈ ધમાસણા ઉ.વ.21 વાળીએ આરોપી ડમ્પર રજીસ્ટર નંબર -જીજે-12-બી.ઝેડ.-8442 ના ચાલક વિરુદ્ધ મોરબી સીટી એ ડીવીજન પોલીસ સ્ટેશનમાં ફરીયાદ નોંધાવી છે કે ગત તા 13-12-2023 ના રોજ બપોરના એક વાગ્યાના અરસામાં ફરીયાદી તથા ફરીયાદીના બહેનપણી જસ્મીતાબેનને બંનેને મોરબી પી.જી.પટેલ કોલેજમા એમ.એ. સેમેસ્ટરની પરીક્ષા હોય જેથી બપોરના પોણા એક વાગ્યે ફરીયાદી પોતાના ગામથી પોતાનું બજાજ પ્લેટીના મોટરસાયકલ રજીસ્ટર નંબર – જીજે.36.એ.બી.7901 વાળુ લઈને નિકળેલ અને ગોરખીજડીયા પાટીયા પાસે ફરીયાદીના બહેનપણી જસ્મીતાબેનને તેના પિતા મુકવા આવેલ અને તે મોટરસાયકલ પાછળની સીટમાં બેસી ગયેલ અને મોટરસાયકલ ફરીયાદી ચલાવતી હતી અને અમો મોરબી કામધેનુ પાર્ટી પ્લોટ સામે રોડ ઉપર પહોંચેલ ત્યારે પંચાસર ચોકડી તરફથી ડમ્પર રજી નં.જીજે. 12. બી. ઝેડ.8442 નો ચાલક પોતાનુ ડમ્પર બેદરકારી અને ગફલત ભરી રીતે લોકોની જીંદગી જોખમાય તે રીતે ચલાવી નિકળેલ અને ફરીયાદીના મોટરસાયકલને અડફેટે લઈ સાઈડમા અથડાવતા ફરીયાદી તથા સાહેદને નિચે પછાડી દેતા ફરીયાદી બંસીબેન ને જમણા હાથમા તેમજ જમણા પગમા મુંઢ ઈજાઓ પહોંચાડેલ તેમજ જસ્મીતાબેનને માથામા તેમજ કમરના ભાગે ગંભીર ઇજા થતા મરણ ગયેલ હોય જેથી ભોગ બનનાર બંસીબેને આરોપી ડમ્પર રજી નં. જીજે.12.બી.ઝેડ.8442 નો ચાલક વિરૂૂધ્ધ મોરબી સીટી એ ડીવીજન પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ ઈપીકો કલમ -304(અ),279,337, તથા એમ.વી.એકટ કલમ -177,184 મુજબ ગુનો નોંધી કાયદેસરની કાર્યવાહી હાથ ધરી છે.
ગુજરાત
વાંકાનેરના સરધારકા ગામે મિત્રની હત્યા કરનાર બે શખ્સોની ધરપકડ
બેઠકમાં ગાળો બોલવા મામલે માથાકૂટ થતાં ઢીમ ઢાળી દીધું’તું
વાંકાનેર તાલુકાના સરધારકા ગામની સીમમાં આવેલ ઓઢ ચેકડેમમાંથી ગઇકાલે એક યુવાનની ઇજાના નિશાનો સાથે લાશ મળી આવતા બનાવ મામલે પોલીસે તપાસનો ધમધમાટ શરૂૂ કર્યો હોય, જેમાં પોસ્ટમોર્ટમ રિપોર્ટમાં બનાવ હત્યાનો હોવાનો ખુલાસો થતાં જ પોલીસે ગણતરીની કલાકોમાં જ બનાવનો ભેદ ઉકેલ મિત્રોને મહેફિલમાં ગાળો બોલવા બાબતે યુવાનની બોથડ પદાર્થના ઘા ઝીંકી હત્યા થયાનો ઘટસ્ફોટ થયો છે.
બનાવની પ્રાપ્ત વિગતો મુજબ વાંકાનેર તાલુકાના સરધારકા ગામની સીમમાં આવેલ ઓઢ ચેકડેમમાંથી ગઇકાલે એક યુવાનની ઇજાના નિશાનો સાથે લાશ મળી આવતાં પોલીસે તપાસનો ધમધમાટ શરૂૂ કર્યો હોય જેમાં મૃતક યુવાનનું નામ રાજેશભાઇ પ્રેમજીભાઈ સોલંકી (ઉ.વ. 35, રહે. શક્તિપરા, હસનપર, વાંકાનેર) હોય અને લાશના પોસ્ટમોર્ટમમાં મૃતકની હત્યા થયાનો ખુલાસો થયો હતો, જેથી આ બનાવમાં પોલીસે ઉંડી તપાસ શરૂૂ કરતાં, મૃતક યુવાન બનાવની આગલી રાત્રે મિત્રોને મહેફિલમાં બેઠો હોય અને ગાળો બોલતા હોય મ, જેથી આરોપી જીતુભાઇ રબારી અને મિત્રોએ મૃતકને માથામાં કડું તથા બોથડ પદાર્થ ઝીંકી પતાવી દીધા બાદ તેની લાશને બાઇક પર લઇ જઇ સરધારકા ગામની સીમમાં તળાવમાં ફેંકી હોવાનો ઘટસ્ફોટ થયો છે. હાલ આ બનાવ મામલે પોલીસે બે શખ્સોની અટકાયત પણ કરી હોવાની માહિતી સુત્રો પાસેથી મળી રહી છે….
ગુજરાત
મોરબીના ટીંબડી ગામ નજીક ચોરાવ બાઇક સાથે એક પકડાયો
ત્રણ બાઇક સહિત રૂ.60 હજારનો મુદ્દામાલ જપ્ત
મોરબી તાલુકા વિસ્તારમાંથી કુલ-3 ચોરાઉ મોટર સાયકલ સાથે એક ઇસમને પકડી પાડી અઢી વર્ષ પહેલા બનેલ અનડીટેકટ મોટર સાયકલ ચોરીનો ગુનો ડીટેકટ કરી કુલ રૂ.60,000/- ના મુદામાલ સાથે એક ઇસમોને મોરબી ક્રાઇમ બ્રાન્ચે ઝડપી પાડયો છે. મોરબી એલ.સી.બી./પેરોલ ફર્લો સ્કોડના પોલીસ સ્ટાફ મોરબી તાલુકાના ટીંબડી ગામના પાટીયા પાસે આવેલ સર્વીસ રોડ ઉપર આવતા એક ઇસમ મોટર સાયકલ સાથે મળી આવેલ હોય જે શંકાસ્પદ જણાતા ઇસમને રોકી તેની પાસે રહેલ મોટર સાયકલ જોતા હીરો સ્પ્લેન્ડર નંબર પ્લેટ વગરનું હોય જેના કાગળો તથા આધાર પુરાવા માંગતા પોતાની પાસે નહિ હોવાનું જણાવેલ જે તેણે ચોરી કે છળકપટથી મેળવેલ હોવાનું જણાતા જે મોટરસાયકલ બાબતે ઇ-ગુજકોપમાં સર્ચ કરતા આ મોટરસાયકલ મોરબી તાલુકા પોલીસ સ્ટેશન વિસ્તારના રંગપર બેલા ગામ પાસે આવેલ ખોખરા હનુમાનજીના ગેઇટ પાસેથી ચોરી થયેલ હોવાનું જણાયેલ અને આ બાબતે મોરબી તાલુકા પોલીસ સ્ટેશનમાં મોટરસાયકલ ચોરીનો ગુન્હો રજીસ્ટર થયેલ હોય તેમજ તેની પાસેથી અન્ય બે મો.સા. હીરો સ્પેલન્ડર પ્લસ મળી આવતા જે મો.સા. પણ ચોરી કરેલ હોવાનુ જણાવતો હોય તેની પાસેથી મળી આવેલ એક મો.સા ચોરીના ગુનાના મુદામાલ તરીકે તેમજ અન્ય બે મો.સા. ચોરી કે છળકપટથી મેળવેલ શકપડતી મિલ્કત તરીકે મળી આવતા ભારતીય નાગરીક સુરક્ષા સહિતાની કલમ-106(1) મુજબ કબજે કરી પકડાયેલ ઇસમ અરવીંદભાઇ બટુકભાઇ સિંચણાદા રહે. ટીંબડી આનંદ હોટલ પાછળ મફતીયાપરા મોરબીવાળાની ભારતીય નાગરીક સુરક્ષા સહિતની કલમ-35(1)(બી) મુજબ અટક કરી મોરબી તાલુકા પોલીસ સ્ટેશન ખાતે સોપી આપેલ છે.
ગુજરાત
મોરબીના ઘુટું ગામે રહેણાક મકાનમાં જુગાર રમતા 26 ઝડપાયા
રૂ.3.18 લાખનો મુદ્દામાલ જપ્ત કરાયો
મોરબી તાલુકા પોલીસ પેટ્રોલિંગ હોય તે દરમ્યાન મોરબી તાલુકાના ઘુંટુ ગામે હરીઓમ પાર્ક સોસાયટી શૈલેષભાઈ શીવાભાઈ કાલરીયાના મકાનમાં નં -26 માં તીનપત્તીનો જુગાર રમતા 26 ઈસમો રમેશભાઇ પ્રભુભાઇ કાલરીયા (ઉ.વ.53) રહે-હરીઓમ પાર્ક સોસાયટી મુળ રહે-સુસવાવ તા.હળવદ, પરેશભાઇ વાલજીભાઇ ફુલતરીયા (ઉ.વ.41) રહે-વાવડી રોડ જીવન જ્યોત સોસાયટી મોરબી મુળ.નાનાભેલા તા.માળીયા (મિ), મહેન્દ્રભાઇ સવજીભાઇ કાવઠીયા (ઉ.વ.40) રહે-મહેન્દ્રનગર, વિશાલભાઇ નંદલાલ કાલરીયા (ઉ.વ.35) રહે-હરીઓમ પાર્ક સોસાયટી ઘુંટુ ગામ, ચિરાગભાઇ રમેશભાઇ ત્રેટીયા (ઉ.વ.28) રહે- ફ્લેટ નંબર એફ/501 ઉત્સવ સીટી નિરાંત ચોકરી વસ્ત્રલ અમદાવાદ શહેર મુળ રહે-રણમલપુર તા.હળવદ, હર્ષદભાઇ રમેશભાઇ રાણીપા (ઉ.વ.32) રહે-ઓમ પાર્ક સોસાયટી નાની કેનાલ રોડ પંચાસર રોડ મોરબી-1 મુળ રહે-રામગઢ કોયલી, ધવલભાઇ ઇશ્વરભાઇ કૈલા (ઉ.વ.23) રહે-ફલેટ નંબર -403 હરીગુણ સોસાયટી મહેન્દ્રનગર ચોકડી મોરબી-02, પિયુષભાઇ પરસોત્તમભાઇ બોડા (ઉ.વ.40) રહે- હરીપાર્ક સોસાયટી જી-43 ઘુંટુ, અમિતભાઇ મણીલાલ રાજપરા (ઉ.વ.30) રહે-ફલેટ નંબર 103 હરીકુંજ સોસાયટી મહેન્દ્રનગર ચોકડી મોરબી -02, મણીલાલ ચત્તુરભાઇ કુંડારીયા (ઉ.વ.43) રહે- ફ્લેટ નંબર 102 આઇ શ્રી હાઇટસ,એસ.પી.રોડ મોરબી-01 મુળ રહે-નીચી માંડલ, કાંતીલાલ વાલજીભાઇ કાલરીયા (ઉ.વ.53) રહે- ઉમીયાનગર તા.હળવદ, રાજેશભાઇ ચંદુભાઇ કાલરીયા (ઉ.વ.37) રહે- ઉમીયાનગર તા.હળવદ, મનસુખભાઇ રૂગનાથભાઇ નંદાણીયા (ઉ.વ.47) રહે-નસીતપર ( રામનગર ) તા.ટંકારા, શૈલેષભાઇ ભગવાનભાઇ સાણદિયા (ઉ.વ.47) રહે-જનકનગર વાવડી રોડ, રવીભાઇ જયતીભાઇ કાલરીયા (ઉ.વ.30) રહે-ઉમિયાનગર તા.ટંકારા, ભાવીકભાઇ પ્રવીણભાઇ ઓરીયા (ઉ.વ.32) રહે વૃંદાવન પાર્ક સામાકાંઠે મોરબી, પરેશભાઇ સુંદરજીભાઇ પટેલ (ઉ.વ.40) રહે ટંકારા જુના ગામ તા. ટંકારા, નીલેશભાઇ ઠાકરશીભાઇ અઘારા (ઉ.વ.30) રહે. મહાવીર હાઇટ નાની કેનાલ, મોરબી, સાગરભાઇ લવજીભાઇ અઘારા (ઉ.વ.29) રહે નાની વાવડી બજરંગનગર સોસા., રામજીભાઇ ભવાનભાઇ વરમોરા (ઉ.વ.43) રહે. હરી ઓમ પાર્ક સી 45 ઘુંટૂ રોડ, જગદીશભાઇ પ્રભુભાઇ અઘારા (ઉ.વ.29) રહે. જેતપર, હરેશભાઇ ગણેશભાઇ મંડાણી (ઉ.વ.34) રહે. રામનગર નાના રામપર, જનકભાઇ અરજણભાઇ મેરજા (ઉ.વ.34) રહે. નીરવ પાર્ક પંચાસર રોડ, બ્રીજેશભાઇ અમૃતલાલ કૈલા (ઉ.વ.30) રહે. મહેંદ્રનગર તા.જિ.મોરબી અમૃતભાઇ મહાદેવભાઇ સીતાપરા પટેલ (ઉ.વ.46) રહે. હરી ઓમ પાર્ક એફ 16 ઘુંટુ રોડ, પીયુષભાઇ રણછોડભાઇ પટેલ (ઉ.વ.32) રહે. રવાપર એસ પી રોડ આઇ શ્રી હાઇટ એપાર્ટ્મેટ તા.જિ. મોરબીવાળાને રોકડ રકમ રૂ. 3,18,000 ના મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.
-
રાષ્ટ્રીય2 days ago
‘દિલ્હીના CM કેજરીવાલ જ રહેશે, ભાજપે ષડયંત્ર કરીને ફસાવ્યા…’, મુખ્યમંત્રી ચૂંટાયા બાદ આતિશીની પહેલી પ્રતિક્રિયા
-
ગુજરાત2 days ago
દ્વારકા નજીકના દરિયામાંથી વધુ એક વખત ચરસનો જથ્થો ઝડપાયો
-
આંતરરાષ્ટ્રીય2 days ago
બાંગ્લાદેશમાં હિંદુઓ પર હુમલા અંગે કેનેડાની સંસદમાં ચર્ચા
-
ગુજરાત17 hours ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
અમરેલી2 days ago
અમરેલીની સગીરા પર કૌટુંબિક ભાઈનું દુષ્કર્મ
-
ગુજરાત2 days ago
PMના જન્મદિવસ પૂર્વે જવાહર ચાવડાએ ફોડ્યો લેટર બોંબ
-
આંતરરાષ્ટ્રીય2 days ago
અમેરિકા ઉઠી જશે: જેપી મોર્ગન ચેઝની આગાહી
-
રાષ્ટ્રીય19 hours ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી