ઇટાલીના નાયબ વડા પ્રધાન અને વિદેશ પ્રધાન એન્ટોનિયો તાજાની હાલમાં ભારતની ત્રણ દિવસની મુલાકાતે છે. બુધવારે સાંજે, તેમણે વડા પ્રધાન નરેન્દ્ર મોદી સાથે મુલાકાત કરી, જેને તાજાનીએ ખૂબ જ સકારાત્મક અને ઉપયોગી ગણાવી.
આ બેઠક દરમિયાન, તાજાનીએ ઇટાલીના વડા પ્રધાન જ્યોર્જિયા મેલોની વતી વડા પ્રધાન મોદીને 2026 માં ઇટાલીની મુલાકાત માટે આમંત્રણ પણ આપ્યું. તાજાનીએ જણાવ્યું કે વડા પ્રધાન મોદીની ઇટાલીની મુલાકાત અંગે “હા” જવાબ મળ્યો છે, પરંતુ સમય હજુ સુધી નક્કી થયો નથી.
વિદેશ પ્રધાન તાજાનીએ જણાવ્યું કે ભારત-ઇટાલી સંબંધો એક નવા તબક્કામાં પ્રવેશી રહ્યા છે અને આગામી વર્ષોમાં બંને દેશો વચ્ચે સહયોગ વધુ ગાઢ બનશે. ભારત અને ઇટાલી એકબીજા માટે ખૂબ જ મહત્વપૂર્ણ ભાગીદારો છે, અને ભવિષ્યમાં બંને દેશો માટે મોટી સંભાવનાઓ રહેલી છે.જ્યારે પત્રકારોએ તેમને પૂછ્યું કે ઇટાલીના પીએમ જ્યોર્જિયા મેલોની ક્યારે ભારત આવશે, ત્યારે વિદેશ મંત્રી તાજાનીએ જવાબ આપ્યો કે તેઓએ 2026 માં તેમની મુલાકાતની તારીખ હજુ સુધી નક્કી કરી નથી.
