રાજકોટ સહિત સમગ્ર ગુજરાતમાં હાલ જમીન દફ્તર વિભાગના વર્ગ-3 કર્મચારીઓ દ્વારા પોતાના વિવિધ પડતર પ્રશ્નો અને ગ્રેડ-પે સહિતની માંગણીઓને લઈને હડતાળનું આંદોલન શરૂૂ કરવામાં આવ્યું છે. આ આંદોલનના કારણે રાજ્યભરમાં જમીન માપણી, રી-સર્વે, સિટી સર્વે, ટીપ્પણ તથા નકશાની નકલ મેળવવા જેવી મહત્વપૂર્ણ નાગરિક કેન્દ્રીય કામગીરીઓ પર માઠી અસર થવાની સ્થિતિ ઊભી થઈ છે. વહીવટી તંત્ર આ મામલે હવે ગંભીર બન્યું છે અને હડતાલિયા કર્મચારીઓ સામે કડક વલણ અપનાવવામાં આવ્યું છે.
આ સમગ્ર પરિસ્થિતિ અંગે વાત કરતા જિલ્લા કલેક્ટર ડો. પ્રકાશ એ જણાવ્યું હતું કે સરકાર દ્વારા આ મામલે સ્પષ્ટ સૂચનાઓ આપવામાં આવી છે કે જે પણ કર્મચારીઓ હડતાલ પર ઉતર્યા છે તેમની ગેરહાજરી ફરજિયાત નોંધવામાં આવશે અને કાયદેસરના પગલાં લેવામાં આવશે. કલેક્ટરે ભારપૂર્વક જણાવ્યું હતું કે સરકાર સાથે અગાઉ યોગ્ય ચર્ચા થઈ ચૂકી છે અને યોગ્ય દિશાનિર્દેશો પણ મળી ગયા છે, જેને ધ્યાનમાં લેતા હાલની આ હડતાલ પાછળનું કોઈ પણ વ્યાજબી કારણ રહેતું નથી.
જિલ્લા કલેક્ટર ડો. પ્રકાશ એ વધુમાં સ્પષ્ટતા કરતા જણાવ્યું હતું કે, વહીવટી તંત્ર દ્વારા આપવામાં આવેલી સૂચનાઓ બાદ પણ જો કોઈ કર્મચારી કામ પર નહીં વળે અને ગેરહાજર રહેશે, તો તેમની સામે સસ્પેન્ડ સુધીની સખત કાર્યવાહી કરવામાં આવશે. આ સાથે જ સંબંધિત કર્મચારીઓ સામે અન્ય જરૂૂરી પ્રશાસકીય અને કડક પગલાં પણ લેવામાં આવશે.
નાયબ નિયામક જમીન દફ્તરને આ બાબતે સ્પષ્ટ અને સખત સૂચનાઓ જારી કરવામાં આવી છે કે વર્તમાન સમયમાં જે પણ કર્મચારીઓ હડતાલ પર ચાલ્યા ગયા છે, તેમની દૈનિક ગેરહાજરી ફરજિયાતપણે નોંધી દેવામાં આવે. વહીવટી તંત્ર દ્વારા આ બાબતે સ્પષ્ટ સંકેત આપી દેવાયા છે કે સરકાર સાથેની સાર્થક વાતચીત અને પૂરતા માર્ગદર્શન બાદ પણ જો કર્મચારીઓ પોતાની હઠ છોડીને કામ પર પાછા નહીં ફરે, તો તેમના વિરુદ્ધ કડક શિસ્તભંગના પગલાં અમલમાં મૂકવામાં આવશે.
કલેક્ટર કચેરી દ્વારા સ્પષ્ટપણે જણાવવામાં આવ્યું છે કે સરકાર સાથેની વાટાઘાટો અને દિશાનિર્દેશો બાદ હવે હડતાલ ચાલુ રાખવી અયોગ્ય છે. જો કર્મચારીઓ આ સૂચનાઓનું પાલન નહીં કરે અને હડતાલ યથાવત રાખશે, તો પ્રશાસન દ્વારા ત્વરિત અને કડક કાનૂની તેમજ વહીવટી પગલાં લેવામાં આવશે તેવી આખરી ચેતવણી ઉચ્ચારવામાં આવી છે. તંત્ર દ્વારા તમામ કર્મચારીઓને ઝડપથી પોતાની ફરજ પર પરત ફરવા માટે અનુરોધ કરવામાં આવ્યો છે.
