આકાશે ચોગ્ગો ફટકારતાં જ ડ્રેસિંગ રૂમમાં ઝૂમી ઉઠયા રોહિત શર્મા- વિરાટ કોહલી અને ગૌતમ ગંભીર, ટેસ્ટ ડ્રો તરફ જઇ શકે

ચોથા દિવસની રમત પૂરી થઈ ગઈ છે. ભારતે તેના પ્રથમ દાવમાં 9 વિકેટ ગુમાવીને 252 રન બનાવ્યા છે. જસપ્રિત બુમરાહ અને આકાશ દીપની બેટિંગના કારણે ભારતે ફોલોઓન બચાવી લીધું છે. બંને અણનમ છે. આ સિવાય રવિન્દ્ર જાડેજા અને કેએલ રાહુલે પણ શાનદાર બેટિંગ કરી અને અડધી સદી ફટકારી. આકાશ 27 રન બનાવીને અણનમ છે અને બુમરાહ 10 રન બનાવીને અણનમ છે. અત્યાર સુધી બંને વચ્ચે 10મી વિકેટ માટે 54 બોલમાં 39 રનની ભાગીદારી થઈ છે. ઓસ્ટ્રેલિયાએ તેના પ્રથમ દાવમાં 445 રન બનાવ્યા હતા. આ મામલે ટીમ ઈન્ડિયા હજુ પણ 193 રન પાછળ છે. ફોલોઓન બચાવવા માટે ભારતને 246 રન બનાવવા પડ્યા હતા.

આકાશે ચોગ્ગો ફટકારીને ફોલોઓન બચાવી લીધું હતું. ડ્રેસિંગ રૂૂમમાં હાજર રોહિત શર્મા, વિરાટ કોહલી અને ગૌતમ ગંભીર ઉત્સાહમાં પોતાની ખુરશી પરથી કૂદી પડ્યા. ત્રણેયે એકબીજાને હાઈ ફાઈવ આપ્યા. જ્યારે આકાશ અને બુમરાહ ડ્રેસિંગ રૂૂમમાં પાછા ફરી રહ્યા હતા ત્યારે ત્રણેયએ સ્ટેન્ડિંગ ઓવેશન આપ્યું હતું. ચાહકોએ બંનેને સ્ટેન્ડિંગ ઓવેશન પણ આપ્યું હતું. હવે એક દિવસની રમત બાકી છે. આ ટેસ્ટ ડ્રો તરફ આગળ વધી રહી છે.

ભારતે આજે 4 વિકેટે 51 રનથી રમવાનું શરૂૂ કર્યું હતું. જોકે ટૂંક સમયમાં ટીમને રોહિત શર્માના રૂૂપમાં પાંચમો ઝટકો લાગ્યો હતો. રોહિત 10 રન બનાવીને કમિન્સનો શિકાર બન્યો હતો. આ પછી રાહુલે જાડેજા સાથે 67 રનની ભાગીદારી કરી હતી. રાહુલ સદી ચૂકી ગયો હતો અને 139 બોલમાં 8 ચોગ્ગાની મદદથી 84 રન બનાવીને આઉટ થયો હતો.

આ પછી નીતિશ રેડ્ડી અને રવિન્દ્ર જાડેજાએ સાતમી વિકેટ માટે 53 રનની ભાગીદારી કરી હતી. નીતિશ 16 રન બનાવીને કમિન્સ દ્વારા બોલ્ડ થયો હતો. આ સાથે જ સિરાજ એક રન બનાવી શક્યો હતો.

તે જ સમયે, બીજા છેડે હાજર જાડેજાએ તેની ટેસ્ટ કારકિર્દીની 22મી અડધી સદી ફટકારી હતી. તે નવમી વિકેટ તરીકે આઉટ થયો હતો. તે કમિન્સ દ્વારા માર્શના હાથે કેચ આઉટ થયો હતો. જાડેજાએ 123 બોલમાં 7 ચોગ્ગા અને એક છગ્ગાની મદદથી 77 રનની ઇનિંગ રમી હતી.
આ પછી બુમરાહ અને આકાશે હિંમત બતાવી અને ભારતને ફોલોઓન કરતા બચાવ્યું. બંને ઓસ્ટ્રેલિયાની લીડને વધુ ઘટાડવાનો પ્રયાસ કરશે. ઓસ્ટ્રેલિયા તરફથી કેપ્ટન કમિન્સે અત્યાર સુધીમાં ચાર વિકેટ ઝડપી છે.

જ્યારે મિચેલ સ્ટાર્કને ત્રણ વિકેટ મળી હતી. જોશ હેઝલવુડ અને નાથન લિયોનને એક-એક વિકેટ મળી હતી. અગાઉ સોમવારે યશસ્વી 4 રન બનાવીને, ગિલ એક રન બનાવીને, વિરાટ ત્રણ રન બનાવીને અને પંત 9 રન બનાવીને આઉટ થયો હતો.

પર્થની ઇનિંગને બાદ કરતા ભારતીય ટીમ 200નો આંકડો પાર કરી શકી નથી

ઓસ્ટ્રેલિયા વિરુદ્ધ 5 ટેસ્ટ મેચોની સિરીઝમાં ભારતીય બેટર્સનું પ્રદર્શન અત્યાર સુધી કઈ ખાસ જોવા મળ્યું નથી. પર્થ ટેસ્ટ મેચની બીજી ઈનિંગને બાદ કરતા ભારતીય બેટર્સ કશું ઉકાળી શક્યા નથી. એડિલેડ મેચની બંને ઈનિંગ્સમાં તેમની હાલત ખરાબ જોવા મળી અને ટીમ ઈન્ડિયાએ હારનો સામનો કરવો પડ્યો. હવે બ્રિસ્બેન ટેસ્ટમાં પણ ભારતની હાલત કસોળી છે.
માંજરેકરે નામ લીધા વગર બીસીસીઆઈની સાથે સાથે ભારતીય ટીમના કોચ ગૌતમ ગંભીર અને તેમના કોચિંગ સ્ટાફને મુશ્કેલ સવાલ પૂછ્યા છે. ગંભીરની કોચિંગ ટીમમાં આસિસ્ટન્ટ કોચ રયાન ટેન ડેશકાટે, આસિસ્ટન્ટ કોચ અભિષેક નાયર અને બોલિંગ કોચ મોર્ને મોર્કલ છે. ફિલ્ડિંગ કોચની જવાબદારી ટી દિલીપે સંભાળેલી છે. જ્યારે રાહુલ દ્રવિડના કાર્યકાળમાં પણ તેઓ આ પદે હતા. તેમણે ભારતીય ટીમમાં બેટિંગ કોચની ભૂમિકા પર સવાલ ઉઠાવ્યા છે.
માંજરેકરે ભારતીય સ્ટાફમાં બેટિંગ કોચની ભૂમિકા વિશે સવાલ કર્યો છે. પૂર્વ ખેલાડીએ કહ્યું કે ભારતીય બેટિંગમાં પ્રમુખ ટેક્નિકલ મુદ્દા ઘણા લાંબા સમયથી વણઉકેલાયેલા છે અને આ માટે મેનેજમેન્ટે જવાબદાર હોવાની જરૂૂરિયાત છે. તેમણે એક્સ પર લખ્યું કે મને લાગે છે કે ભારતીય ટીમમાં બેટિંગ કોચની ભૂમિકાની તપાસ કરવાનો સમય આવી ગયો છે. કેટલાક ભારતીય બેટર્સની સાથે પ્રમુખ ટેક્નિકલ મુદ્દા આટલા લાંબા સમય સુધી વણઉકેલાયેલા કેમ છે?
હાલના પ્રવાસમાં ભારતીય બેટિંગની સ્થિતિ ખરાબ જોવા મળી રહી છે. પર્થમાં બીજી ઇનિંગને બાદ કરતા ટીમ ઈન્ડિયા 200 રનનો આંકડો પાર કરી શકી નથી. ચાર ઈનિંગમાં ભારતે અત્યાર સુધીમાં 150, 487/6, 180 અને 175 રન કર્યા છે. તેનાથી તેમની ટેક્નિકલ ખામીઓ સામે આવી છે. વિરાટ, યશસ્વી, ગિલ અને પંતના આઉટ થયા બાદ સોશિયલ મીડિયા પર ટીમ ઈન્ડિયા પર સતત સવાલ ઉઠી રહ્યા છે.

સૈયદ મુશ્તાક અલી ટી20 ટુર્નામેન્ટની ફાઈનલ મુંબઈ અને મધ્ય પ્રદેશ વચ્ચે રમાઈ હતી. આ મેચમાં મુંબઈએ શાનદાર જીત નોંધાવી હતી. મુંબઈએ એમપીને 5 વિકેટે હરાવ્યું છે. મુંબઈના કેપ્ટને ટોસ જીતીને પહેલા બોલિંગનો નિર્ણય કર્યો હતો.

જે તેના માટે કારગર સાબિત થયો હતો. પહેલા બેટિંગ કરવા ઉતરેલી એમપીની ટીમે રજત પાટિદારની શાનદાર 81 રનની ઇનિંગ મદદથી 20 ઓવરમાં 174 રન બનાવ્યાં હતા.ઓપનિંગ કરવા ઉતરેલા અર્પિત ગાઉદ અને હર્ષ ગાવલી ક્રમશ: 3 અને 2 રન બનાવીને આઉટ થયા હતા. સુભ્રાંશુ સેનાપતિ 23 રન બનાવીને પેવેલિયન પરત ફર્યો હતો. ત્યાર બાદ રજત પાટિદાર બેટિંગ કરવા ઉતર્યો હતો અને તેણે 40 બોલમાં 81 રનની આક્રમક ઇનિંગ રમી હતી. આ દરમિયાન તેણે 6 ચોગ્ગા અને 6 છગ્ગા ફટકાર્યા હતા. આ અંતર્ગત મધ્ય પ્રદેશની ટીમે 174 રન બનાવ્યા હતા.ચેઝ કરવા ઉતરેલી મુંબઈની ટીમે જીત નોંધાવી હતી.

ઓપનિંગ કરવા ઉતરેલો પૃથ્વી શો ફ્લોપ રહ્યો હતો. તે માત્ર 10 રન બનાવી શક્યો હતો. તેની સાથે અજિંક્ય રહાણેએ શાનદાર 37 રન ફટકાર્યા હતા. ત્રીજા નંબરે રમતા શ્રેયસ અય્યર પણ ફ્લોપ રહ્યો હતો. તેણે માત્ર 16 રન બનાવ્યાં. સૂર્યકુમાર યાદવે ચોથા નંબરે બેટિંગ કરતા જોરદાર રમત દર્શાવી હતી. તેણે 35 બોલમાં 48 રન બનાવ્યાં હતા. જોકે, ત્યાં સુધીમાં મુંબઈના પક્ષમાં જઈ ચૂકી હતી. છેલ્લે સૂર્યાશ શેડગેએ 36 રન ફટકારીને ટીમને જીત અપાવી હતી. એમપી માટે બોલિંગ કરતા ત્રિપુરેશ સિંહે 2 વિકેટ ઝડપી હતી. તે સિવાય વેંકટેશ અય્યરે 1, કુમાર કાર્તિકેયે 1 અને શિવમ શુક્લાએ પણ 1 વિકેટ લીધી હતી. જોકે, આ તમામની બોલિંગ પર સૂર્યાશ શેડગેએ પાણી ફેરવી દીધું હતું. સૂર્યાશે 7ના નંબરે આવીને જોરદાર બેટિંગ કરી 200થી વધુના સ્ટ્રાઇક રેટથી 36 રન ફટકારીને ટીમને જીત અપાવી હતી.