Sports
સાઉથ આફ્રિકા સામે ટેસ્ટ સિરીઝ જીતવાનું ભારતનું સ્વપ્ન રોળાયું, પ્રથમ ટેસ્ટમાં શરમજનક હાર
![](https://gujaratmirror.in/wp-content/uploads/2023/12/ss16-6.png)
ભારતીય ટીમ સાઉથ આફ્રિકામાં અત્યાર સુધી ક્યારેય ટેસ્ટ સિરીઝ જીતી શકી નથી. આ વખતે આશા હતી કે રોહિતની આગેવાનીમાં ટીમ ઈન્ડિયા આ કમાલ કરી દેશે. પરંતુ આ સપનું તૂટી ગયું છે. સેન્ચુરિયનમાં રમાયેલી બે ટેસ્ટ મેચની સિરીઝના પ્રથમ મુકાબલામાં ભારતીય ટીમને એક ઈનિંગ અને 32 રનથી હાર મળી છે. વરસાદને કારણે પ્રથમ બે દિવસમાં આશરે 134 ઓવરની રમત શક્ય બની હતી. તેમ છતાં ભારતીય ટીમ ત્રીજા દિવસે મેચ હારી ગઈ. સાઉથ આફ્રિકાએ પ્રથમ ઈનિંગમાં 408 રન બનાવ્યા હતા, જ્યારે ભારતીય ટીમ 245 રનમાં આઉટ થઈ ગઈ હતી. સાઉથ આફ્રિકાને પ્રથમ ઈનિંગમાં 163 રનની લીડ મળી હતી. ભારતીય ટીમ બીજી ઈનિંગમાં માત્ર 131 રન બનાવી ઓલઆઉટ થઈ ગઈ હતી. સાઉથ આફ્રિકાએ આ સિરીઝમાં 1-0ની લીડ મેળવી લીધી છે. હવે આ સિરીઝ આફ્રિકા જીતશે અથવા ડ્રો થશે.
163 રનની લીડ સાથે ઉતરેલી સાઉથ આફ્રિકાએ રોહિત શર્માને શૂન્ય રને બોલ્ડ કર્યો હતો. ત્યારબાદ નાંદ્રે બર્ગરે યશસ્વી જાયસવાલને આઉટ કરી ભારતને બીજો ઝટકો આપ્યો હતો. ત્યારબાદ શુભમન ગિલ પણ 26 રને માર્કો યાનસેનનો શિકાર બન્યો હતો. શ્રેયસ અય્યર 6 અને રાહુલ 4 રન બનાવી આઉટ થયા હતા. ભારત તરફથી વિરાટ કોહલીએ 76 રન ફટકાર્યા હતા.
ટોસ હારીને પ્રથમ બેટિંગ કરવા ઉતરેલી ભારતીય ટીમ પહેલી ઈનિંગમાં 245 રન બનાવી ઓલઆઉટ થઈ ગઈ હતી. ભારત તરફથી કેએલ રાહુલ (101) સૌથી વધુ રન બનાવ્યા હતા. આ સિવાય વિરાટ કોહલીએ 38, શ્રેયસ અય્યરે 31, શાર્દુલ ઠાકુરે 24 રનનું યોગદાન આપ્યું હતું.
યશસ્વી જાયસવાલ 17, રોહિત શર્મા 5, શુભમન ગિલ 2, અશ્વિન 8 રન બનાવી આઉટ થયા હતા. આફ્રિકા તરફથી કગિસો રબાડાએ 59 રન આપી પાંચ વિકેટ ઝડપી હતી. આ સિવાય નાંદ્રે બર્ગરને 3 સફળતા મળી હતી.
સાઉથ આફ્રિકા તરફથી પ્રથમ ઈનિંગમાં ડીન એલ્ગરે 185 રન બનાવ્યા હતા. આ સિવાય બેડિંગઘમ 58, માર્કો યાનસેને 84 રન બનાવ્યા હતા. માર્કરમ 5, કીગન પીટરસન 2 રન બનાવી આઉટ થયા હતા. ભારત તરફથી બુમરાહે સૌથી વધુ 4 વિકેટ લીધી હતી. આ સિવાય સિરાજને બે સફળતા મળી હતી.
કિંગ કોહલીએ સર્જ્યા નવા કીર્તિમાન
વિરાટ કોહલીએ IND VS SAની પ્રથમ ટેસ્ટની બીજી ઇનિંગ્સમાં શાનદાર 82 બોલમાં 76 બનાવ્યા હતા, આ સાથે તેના નામે વધુ એક વિશેષ માઇલસ્ટોન નોંધાયો છે. કિંગ કોહલી આ કેલેન્ડર વર્ષ 2023 માં 2000 આંતરરાષ્ટ્રીય રન પૂરા કરવાના મામલે નંબર 1 બની ગયો છે. કિંગ કોહલીએ 7 વખત આ કારનામું કર્યું છે, તેની પહેલા શ્રીલંકાના કુમાર સંગાકારાએ 6 વખત આ સિદ્ધિ મેળવી હતી. ભારતની બીજી ઈનિંગ પહેલા વિરાટ કોહલી સાઉથ આફ્રિકા સામે ટેસ્ટમાં સૌથી વધુ રન બનાવનારની યાદીમાં ચોથા ક્રમે હતો, પરંતુ બીજી ઈનિંગમાં બેટથી 76 રન બનાવ્યા બાદ કિંગ કોહલી આ લિસ્ટમાં એકમાત્ર એવો બની ગયો છે, જે બીજા નંબરે પહોંચી ગયો છે. આ સમયગાળા દરમિયાન તેણે રાહુલ દ્રવિડ અને વીરેન્દ્ર સેહવાગને પાછળ છોડ્યા છે. સેન્ચુરિયનના સુપરસ્પોર્ટ પાર્કમાં આયોજિત આ મેચમાં હાર બાદ ભારતીય ટીમ વર્લ્ડ ટેસ્ટ ચેમ્પિયનશિપના પોઈન્ટ ટેબલમાં બાંગ્લાદેશથી નીચે પાંચમા ક્રમાંકે પહોંચી ગઈ છે. આ સાથે જ દક્ષિણ આફ્રિકાને મોટો ફાયદો થયો છે અને તે ભારત સામે શાનદાર જીત પ્રાપ્ત કર્યા બાદ પ્રથમ સ્થાને આવી ગઈ છે.
Sports
મહિલા T20 વર્લ્ડ કપ જીતનાર ટીમને મળશે 23 લાખ 40 હજાર યુએસ ડોલર
![](https://gujaratmirror.in/wp-content/uploads/2024/09/world-cup-24.jpg)
પુરુષ અને મહિલાઓને સમાન ઇનામી રકમની ઈંઈઈની જાહેરાત
ઇન્ટરનેશનલ ક્રિકેટ કાઉન્સિલ (ઈંઈઈ) એ મહિલા ઝ20 વર્લ્ડ કપ 2024 માટે ઇનામી રકમની જાહેરાત કરી છે. આ જાહેરાત સાથે હવે પુરૂૂષ અને મહિલાઓને સમાન ઈનામની રકમ આપવામાં આવશે. જેની શરૂૂઆત આવતા મહિને સંયુક્ત આરબ અમીરાતમાં યોજાનાર મહિલા ઝ20 વર્લ્ડ કપથી થશે. ઈંઈઈના નિવેદન મુજબ મહિલા ઝ20 વર્લ્ડ કપ જીતનાર ટીમને હવે 23 લાખ 40 હજાર યુએસ ડોલર મળશે.
ગયા વર્ષે દક્ષિણ આફ્રિકામાં રમાયેલ મહિલા ઝ20 વર્લ્ડ કપ જીતવા બદલ ઓસ્ટ્રેલિયાને 1 મિલિયન યુએસ ડોલરની ઈનામી રકમ મળી હતી.આ રીતે તેમાં 134 ટકાનો વધારો થયો છે. ભારતીય પુરૂૂષ ટીમને આ વર્ષે અમેરિકા અને વેસ્ટ ઈન્ડિઝમાં રમાયેલા ઝ20 વર્લ્ડ કપની વિજેતા બનવા માટે 23 લાખ 40 હજાર યુએસ ડોલરની ઈનામી રકમ મળી હતી.
ICCએ કહ્યું કે ICC મહિલા T20 વર્લ્ડ કપ 2024 પ્રથમ ઈંઈઈ ટૂર્નામેન્ટ હશે. જેમાં મહિલાઓને પુરૂૂષો જેટલી ઈનામી રકમ મળશે જે આ રમતના ઈતિહાસમાં મહત્વની સિદ્ધિ હશે.
મહિલા ઝ20 વર્લ્ડ કપ 3 ઓક્ટોબરથી ઞઅઊમાં રમાશે. અગાઉ તેનું આયોજન બાંગ્લાદેશમાં થવાનું હતું. પરંતુ ત્યાંની સ્થિતિને ધ્યાનમાં રાખીને ઈંઈઈએ મહિલા ઝ20 વર્લ્ડ કપને સંયુક્ત આરબ અમીરાતમાં શિફ્ટ કરી દીધો. ભારત 4 ઓક્ટોબરે ન્યૂઝીલેન્ડ સામે મહિલા ઝ20 વર્લ્ડ કપમાં પોતાની સફર શરૂૂ કરશે.
ઈંઈઈના અધ્યક્ષ ગ્રેગ બાર્કલેએ કહ્યું- રમતના ઈતિહાસમાં આ એક મહત્વપૂર્ણ ક્ષણ છે અને મને ખુશી છે કે ઈંઈઈ વૈશ્વિક ઈવેન્ટ્સમાં ભાગ લેનારા પુરુષ અને મહિલા ક્રિકેટરોને હવે સમાન પુરસ્કાર આપવામાં આવશે. 2017થી, અમે સમાન ઈનામી રકમ હાંસલ કરવાના સ્પષ્ટ ઉદ્દેશ્ય સાથે દર વર્ષે મહિલાઓની ઈવેન્ટ્સમાં ઈનામની રકમમાં વધારો કર્યો છે અને હવેથી ઈંઈઈ મહિલા ક્રિકેટ વર્લ્ડ કપ જીતવા માટેની ઈનામની રકમ ઈંઈઈ પુરૂૂષ ક્રિકેટ વર્લ્ડ જીતવા માટે સમાન હશે.
Sports
ગૌતમ ગંભીરના આક્રમક વલણ પર પૂર્વ ક્રિકેટરનો ખુલાસો, શું ટીમ ઈન્ડિયાના ખેલાડીઓ ખતરામાં છે?
![](https://gujaratmirror.in/wp-content/uploads/2024/09/dfgdf.jpg)
ટીમ ઈન્ડિયાના મુખ્ય કોચ અને પૂર્વ ભારતીય ક્રિકેટર ગૌતમ ગંભીરનું આક્રમક વલણ કોઈનાથી છુપાયેલું નથી. હવે ભારતીય ક્રિકેટ ટીમના પૂર્વ વિકેટ કીપર બેટ્સમેન દિનેશ કાર્તિકે પણ આ અંગે ખુલાસો કર્યો છે. લિજેન્ડ્સ લીગ ક્રિકેટ દ્વારા આયોજિત એક કાર્યક્રમમાં કાર્તિકે ગંભીર વિશે મોટી વાત કરી છે.
દિનેશ કાર્તિકે ગૌતમ ગંભીરના આક્રમક વલણ વિશે વાત કરી
કાર્યક્રમ દરમિયાન વાત કરતી વખતે કાર્તિકે કહ્યું, ‘તેની આક્રમકતા સામાન્ય રીતે તેના ખેલાડીઓને બચાવવા માટે જોવા મળે છે. ટીમના ખેલાડીઓ આ વખતે એન્જોય કરશે. ગંભીરને જાણ્યા પછી હું કહી શકું છું કે તે કોઈ કારણ વગર ગુસ્સે થઈ જાય તેવો વ્યક્તિ નથી. મને ખાતરી છે કે જે પણ જરૂરી હશે તેના માટે તે સખત શબ્દોનો ઉપયોગ કરશે અને ખેલાડીઓ પાસેથી શ્રેષ્ઠ પ્રદર્શન મેળવવું તેનું કામ હશે. છે.
કાર્ટિને આગળ કહ્યું, ‘ગંભીર એવો ખેલાડી છે જેણે મુશ્કેલ પરિસ્થિતિઓમાં સારું પ્રદર્શન કર્યું છે. તેની પાસે રમતના પલ્સ રાખવાની કળા છે, જે કોચ માટે જરૂરી છે. તે કોચ તરીકે તેના પ્રારંભિક તબક્કામાં છે, મને વિશ્વાસ છે કે તે તમામ ક્ષેત્રોમાં સારું પ્રદર્શન કરશે. કોચિંકનો વર્કલોડ તેના માટે અત્યાર સુધી સારો રહ્યો છે. હવે તે બાંગ્લાદેશ શ્રેણી પર છે, બાંગ્લાદેશ માટે અહીં ભારતને હરાવવું આસાન નહીં હોય.
કાર્તિક અને શિખર ડેબ્યુ કરશે
તમને જણાવી દઈએ કે આ વખતે દિનેશ કાર્તિક લિજેન્ડ્સ લીગ ક્રિકેટમાં રમતા જોવા મળ્યા હતા. તેની સાથે શિખર ધવન પણ આ ટૂર્નામેન્ટમાં ભારત તરફથી રમતા જોવા મળશે. આ કાર્યક્રમ દરમિયાન, સુરેશ રૈના, જે પહેલાથી જ આ લીગમાં રમી રહ્યો છે, તેણે કાર્તિક અને શિખરનું ટુર્નામેન્ટમાં સ્વાગત કર્યું. આ બંને ખેલાડીઓ આ સિઝનમાં લિજેન્ડ્સ લીગ ક્રિકેટમાં ડેબ્યૂ કરતા જોવા મળશે.
Sports
ભારતે પાંચમી વખત ચેમ્પિયન્સ ટ્રોફી જીતી, હોકી ફાઇનલમાં ચીનને તેના જ ઘરમાં હરાવી ઇતિહાસ રચ્યો
![](https://gujaratmirror.in/wp-content/uploads/2024/09/indian-hockey-team-reach-final-pti-1.webp)
ભારતે ફાઇનલમાં ચીનને 1-0થી હરાવીને એશિયન ચેમ્પિયન્સ ટ્રોફી 2024નો ખિતાબ જીતી લીધો છે. પ્રથમ ત્રણ ક્વાર્ટર ગોલ રહિત રહ્યા બાદ આખરે ટીમ ઈન્ડિયાએ ચોથા અને છેલ્લા ક્વાર્ટરમાં શાનદાર ગોલ કરીને 1-0ની સરસાઈ મેળવી લીધી હતી જે અંત સુધી ટકી હતી. મેચનો એકમાત્ર ગોલ ભારતના જુગરાજે કર્યો હતો. ઈતિહાસમાં આ પાંચમી વખત છે જ્યારે ભારતે એશિયન ચેમ્પિયન્સ ટ્રોફી જીતી છે.
મેચની શરૂઆતમાં ચીને આક્રમક વલણ અપનાવીને ભારતીય ડિફેન્સને બેકફૂટ પર મૂકી દીધું હતું. ભારતને પહેલા ક્વાર્ટરમાં બે પેનલ્ટી કોર્નર મળ્યા, પરંતુ બંને વખત ચીનના ગોલકીપરે પોતાની ગોલ પોસ્ટ સુરક્ષિત રાખી. બીજા અને ત્રીજા ક્વાર્ટરમાં પણ બંને ટીમોએ ગોલ કરવાનો શ્રેષ્ઠ પ્રયાસ કર્યો હતો. પરંતુ મેચનો એકમાત્ર ગોલ 51મી મિનિટે આવ્યો, જ્યાં ભારતીય કેપ્ટન હરમનપ્રીત સિંહે જુગરાજને પાસ કર્યો અને તેણે બોલને ગોલ પોસ્ટમાં ધકેલતા શાનદાર ગોલ કર્યો.
આ જીત સાથે ભારતે ગોલ્ડ મેડલ અને ચીને સિલ્વર મેડલ જીત્યો છે. જ્યારે ત્રીજા સ્થાન માટે પાકિસ્તાને દક્ષિણ કોરિયાને 5-2થી હરાવ્યું હતું. અંતિમ ક્ષણોમાં ચીનના ખેલાડીઓએ લાંબા સમય સુધી બોલ પર કબજો જમાવ્યો હતો, પરંતુ ભારતનું ડિફેન્સ પણ શાનદાર હતું. આ પહેલા ટૂર્નામેન્ટના ગ્રુપ સ્ટેજ દરમિયાન ભારત અને ચીન આમને-સામને આવ્યા હતા, જ્યાં ટીમ ઈન્ડિયાએ 3-0થી આસાન વિજય નોંધાવ્યો હતો.
એશિયન ચેમ્પિયન્સ ટ્રોફીની શરૂઆત 2011માં થઈ હતી, જ્યાં ભારતે ફાઇનલમાં પાકિસ્તાનને પેનલ્ટી શૂટઆઉટમાં 4-2થી હરાવીને ટાઈટલ જીત્યું હતું. જે બાદ 2016માં ભારતે ફરી એકવાર પાકિસ્તાનને 3-2થી હરાવી ચેમ્પિયન્સ ટ્રોફી જીતી હતી. 2018માં ભારત અને પાકિસ્તાનને સંયુક્ત વિજેતા જાહેર કરવામાં આવ્યા હતા. 2023માં યોજાયેલી ચેમ્પિયન્સ ટ્રોફીની ફાઇનલમાં ભારતે મલેશિયાને 4-3થી હરાવીને ચોથી વખત આ ટ્રોફી જીતી હતી.
-
રાષ્ટ્રીય2 days ago
‘દિલ્હીના CM કેજરીવાલ જ રહેશે, ભાજપે ષડયંત્ર કરીને ફસાવ્યા…’, મુખ્યમંત્રી ચૂંટાયા બાદ આતિશીની પહેલી પ્રતિક્રિયા
-
ગુજરાત2 days ago
દ્વારકા નજીકના દરિયામાંથી વધુ એક વખત ચરસનો જથ્થો ઝડપાયો
-
આંતરરાષ્ટ્રીય2 days ago
બાંગ્લાદેશમાં હિંદુઓ પર હુમલા અંગે કેનેડાની સંસદમાં ચર્ચા
-
ગુજરાત2 days ago
PMના જન્મદિવસ પૂર્વે જવાહર ચાવડાએ ફોડ્યો લેટર બોંબ
-
અમરેલી2 days ago
અમરેલીની સગીરા પર કૌટુંબિક ભાઈનું દુષ્કર્મ
-
આંતરરાષ્ટ્રીય2 days ago
અમેરિકા ઉઠી જશે: જેપી મોર્ગન ચેઝની આગાહી
-
ગુજરાત2 days ago
મોદી@74: કુંડળી જ મંગળ તો અમંગળ કોણ કરી શકે?
-
ગુજરાત2 days ago
મોદી વડાપ્રધાન બનશે: 34 વર્ષ પહેલાં ધીરૂભાઇ અંબાણીએ ભાખ્યું હતું