આરોગ્ય ખર્ચ માટે વાર્ષિક 30 હજાર વધારાના પણ આપશે
ભૂતપૂર્વ ભારતીય ક્રિકેટર વિનોદ કાંબલી લાંબા સમયથી ખરાબ સ્વાસ્થ્ય અને આર્થિક સંજોગોથી પીડાઈ રહ્યા છે. cricket fans માટે હવે એક હળવાશ આપતી સમાચાર સામે આવ્યા છે – મહાન ભારતીય બેટ્સમેન સુનીલ ગાવસ્કરની સંસ્થા CHAMPS ફાઉન્ડેશન તેમના માટે સહારાનું હાથ આગળ લાવ્યું છે.
CHAMPS ફાઉન્ડેશન હવે કાંબલીને આજીવન દર મહિને રૂા.30,000 ની નાણાકીય સહાય આપશે. એપ્રિલ 2025 થી આ સહાય શરૂૂ થઈ ગઈ છે. સાથે જ, આરોગ્ય સંબંધિત ખર્ચ માટે કાંબલીને વાર્ષિક વધારાના રૂા.30,000 પણ આપવામાં આવશે. ગાવસ્કરની આ પહેલ માનવતા અને ખેલવીરો પ્રત્યેના લાગણીઓનો અનોખો દાખલો છે.
ડો. શૈલેષ ઠાકુર (થાણેની આકૃતિ સિટી હોસ્પિટલ) એ જણાવ્યું કે સુનીલ ગાવસ્કરે તરત જ તેમને મદદ કરવા ઈચ્છા વ્યક્ત કરી. આ વચન હવે પૂરુ કર્યું છે. સુનીલ ગાવસ્કરે 1999માં CHAMPS ફાઉન્ડેશન શરૂૂ કરી હતી, જે પૂર્વ ખેલાડીઓ માટે સમર્પિત છે.
તાજેતરમાં વાનખેડે સ્ટેડિયમની 50મી વર્ષગાંઠ દરમિયાન, કાંબલીએ ગાવસ્કરના પગ સ્પર્શ્યા હતા – જે તસવીર સોશિયલ મીડિયામાં ખૂબ વાયરલ થઈ હતી. તે ક્ષણમાં માત્ર શ્રદ્ધા જ નહીં, પણ સહાયની શરૂૂઆત પણ છુપાયેલી હતી. વિનોદ કાંબલી માટે સુનિલ ગાવસ્કર જેવી દિગ્ગજ વ્યક્તિ તરફથી આવી સહાય જીવનમાં નવી આશાની કિરણ લઈને આવી છે. આ પગલાંએ સ્પોર્ટ્સ ફ્રેટર્નિટીમાં ભાઈચારો અને માનવતાની ભાવનાને ફરી જીવંત કરી છે.
