2030 સુધીમાં બન્ને દેશો વચ્ચેનો વેપાર બમણો થશે: ન્યૂઝીલેન્ડ ભારતમાં 20 અબજ ડોલરનું રોકાણ કરશે
હાલમાં ન્યૂઝીલેન્ડની મુલાકાતે રહેલા વડા પ્રધાન નરેન્દ્ર મોદીએ ઓકલેન્ડમાં ભારત-ન્યૂઝીલેન્ડ બિઝનેસ ઇવેન્ટને સંબોધિત કરી. તેમણે ભારત અને ન્યૂઝીલેન્ડ વચ્ચે મુક્ત વેપાર કરાર (FTA) ને એક સીમાચિહ્નરૂૂપ ગણાવ્યો. તેમણે નોંધ્યું કે બંને દેશોએ રેકોર્ડ સમયમાં વેપાર કરાર પૂર્ણ કર્યો, જે દર્શાવે છે કે તેઓ તેમના વેપાર સંબંધોને કેટલી ઝડપથી વિસ્તૃત કરી રહ્યા છે. નરેન્દ્ર મોદી ગઇકાલે સાંજે ઓકલેન્ડ, ન્યૂઝીલેન્ડ પહોંચ્યા.
ઓકલેન્ડમાં બોલતા, પીએમ મોદીએ જણાવ્યું હતું કે ભારત હવે માત્ર એક બજાર નથી પરંતુ વૈશ્વિક વિકાસ માટે એક મજબૂત લોન્ચપેડ છે. તેમણે 2030 સુધીમાં બંને દેશો વચ્ચે દ્વિપક્ષીય વેપારને બમણું કરવાનું લક્ષ્ય રાખવાની વાત કરી. 40 વર્ષમાં ન્યૂઝીલેન્ડની મુલાકાત લેનારા પ્રથમ ભારતીય વડા પ્રધાન મોદીએ ટિપ્પણી કરી કે બંને દેશો વચ્ચેના સંબંધો ઐતિહાસિક સ્તરે પહોંચી ગયા છે. તેમણે ન્યૂઝીલેન્ડના વડા પ્રધાન ક્રિસ્ટોફર લક્સન સાથે ઓકલેન્ડમાં ’ભારત-ન્યૂઝીલેન્ડ બિઝનેસ ઇવેન્ટ’માં ભાગ લીધો હતો.
પીએમ મોદીએ ભાર મૂક્યો કે ભારત અને ન્યુઝીલેન્ડે ફક્ત નવ મહિનાના રેકોર્ડ સમયમાં મુક્ત વેપાર કરારને અંતિમ સ્વરૂૂપ આપ્યું – જે પોતે જ એક સિદ્ધિ છે. આ કરાર બંને દેશોમાં વ્યવસાયો માટે બજાર ઍક્સેસ, રોકાણ, સેવાઓ અને ટેકનોલોજી માટે નવા માર્ગો ખોલશે. આ કરાર હેઠળ, ભારત અને ન્યુઝીલેન્ડ વચ્ચે દ્વિપક્ષીય વેપાર 2030 સુધીમાં બમણો થવાનો છે.
ઓકલેન્ડમાં, નરેન્દ્ર મોદીએ નોંધ્યું કે ભારત વિશ્વનું ત્રીજું સૌથી મોટું સ્થાનિક ઉડ્ડયન બજાર બની ગયું છે. ભારત હવે માત્ર એક બજાર નથી પરંતુ વૈશ્વિક વિકાસ માટે એક મજબૂત લોન્ચપેડ છે. ન્યુઝીલેન્ડે આગામી 15 વર્ષમાં ભારતમાં 20 બિલિયનનું રોકાણ કરવાનું વચન આપ્યું છે; પીએમ મોદીએ ન્યુઝીલેન્ડ તરફથી વિશ્વાસની આ અભિવ્યક્તિનું સ્વાગત કર્યું.
ફિનટેક ક્ષેત્રમાં, અમે ભારતના UPI અને ન્યુઝીલેન્ડની ચુકવણી પ્રણાલીઓને એકીકૃત કરીને આગળ વધી રહ્યા છીએ. અમે કૃષિ, ડેરી અને ફૂડ પ્રોસેસિંગમાં સહયોગ માટે એક મજબૂત માળખું પણ બનાવ્યું છે, જેનો લાભ અમારા ખેડૂતો અને પશુપાલકોને મળશે. ભારત અને ન્યુઝીલેન્ડ બંને પરંપરાગત દવાની સમૃદ્ધ અને જીવંત પરંપરાઓ ધરાવે છે.
