દિવાળીના તહેવારોમાં પત્ની સાથે રાજકોટ આંટો મારવા આવેલા યુવાનને યુવતી જોઇ જતા ભાંડો ફૂટયો, ધરપકડ

શહેરના રેલનગર વિસ્તારમાં રહેતી યુવતી સાથે લગ્નની લાલચે પ્રેમ સંબંધ બાંધી ગૌતમ સોલંકી નામના શખ્સે અનેકવાર દુષ્કર્મ ગુજારી બાદ અમદાવાદ સ્થાયી થઈ ગયો હતો અને ત્યાં ત્યકતા સાથે લગ્ન કરી લીધાં હતાં.બાદમાં રાજકોટ પત્ની આંટો મારવા આવેલા યુવાનને અન્ય મહિલા સાથે યુવતી જોઈ જતાં ભાંડો ફૂટ્યો હતો અને યુવતી પોલીસ મથકે ફરીયાદ નોંધાવવા પહોંચી હતી.મળતી વિગતો મુજબ,રેલનગરમાં આવેલ એક ટાઉનશીપમાં રહેતી 24 વર્ષીય યુવતીએ નોંધાવેલ ફરીયાદમાં આરોપી તરીકે ગૌતમ ઘનશ્યામભાઈ સોલંકી (ઉ.વ.28, રહે. રેલનગર, હાલ અમદાવાદ) નું નામ આપતાં પ્ર. નગર પોલીસે દુષ્કર્મ સહિતની કલમ હેઠળ ગુનો દાખલ કરી તેની ધરપકડ કરી હતી.

પોલીસ સૂત્રોના જણાવ્યા મુજબ, યુવતીને રેલનગર વિસ્તારમાં રહેતા આરોપી ગૌતમ સાથે આંખો મળી જતા પ્રેમ થયો હતો. બંને છેલ્લા સાત વર્ષથી પ્રેમમાં હોય જેથી બંને ફોનમાં નિયમિત વાત કરતાં હતાં. આરોપી ગૌતમ યુવતીને લગ્નની લાલચ આપી તેને શહેરની અલગ-અલગ હોટલમાં અવારનવાર હવસનો શિકાર બનાવતો હતો.એક વર્ષ પહેલા આરોપી કામ ધંધા અર્થે અમદાવાદ જતો રહ્યો હતો. જયાં તેણે એક સંતાનની માતા સાથે લગ્ન કરી લીધા હતા. દરમિયાન દિવાળીના તહેવાર પર આરોપી તેની પત્નીને લઈને રાજકોટ આવ્યો હતો. ત્યારે યુવતીને તે બાબતની જાણ થતાં યુવતી આરોપીના ઘરે પહોંચતા આરોપીએ લગ્ન કરી લીધા હોવાની જાણ થઈ હતી. જે બાદ બંને વચ્ચે ઝપાઝપી પણ થઈ હતી. બાદમાં યુવતીએ ફરિયાદ નોંધાવતા પ્ર.નગર પોલીસના પીઆઈ ઝણકાટ અને રાઇટર મન્સુરશાએ આરોપી ગૌતમ સામે ગુનો દાખલ કરી તેની ધરપકડ કરી કાર્યવાહી હાથ ધરી હતી.

બેડી ચોકડી પાસેની કરુણ ઘટના: પરિવારમાં શોક, કારચાલકની શોધખોળ

બેડી ચોકડી પાસે પુરપાટ ઝડપે આવેલ ફોર્ચ્યુનર કારના ચાલકે પાછળથી જોરદાર ટક્કર મારતાં બાઇકમાં સવાર દંપતી ફંગોળાયું હતું અને ગર્ભવતી મહિલાનું બાળક મીસ કેરેજ થઈ જતાં અરેરાટી વ્યાપી ગઈ હતી. બનાવ અંગે બી. ડિવિઝન પોલિસે ગુનો નોંધી તપાસ હાથ ધરી હતી.મળતી વિગતો મુજબ, મોરબી રોડ પર વેલનાથપરા ભાગ-2 માં રહેતાં મહાદેવભાઈ મનજીભાઈ ગોરૈયા (ઉ.વ.29) એ નોંધાવેલ ફરિયાદમાં કાળા કલરની ફોર્ચ્યુનર કાર નં. જીજે-18-ઈબી-7879 ના ચાલકનું નામ આપતાં બી. ડિવિઝન પોલીસે ગુનો નોંધી તપાસ હાથ ધરી હતી.

ફરીયાદીએ જણાવ્યું હતું કે, તેઓ ઇમિટેશનનુ કામ કરે છે અને તેમના લગ્ન છ વર્ષ પહેલાં કિંજલબેન સાથે થયેલ અને સંતાનમાં ચાર વર્ષની દિકરી છે. તેમની પત્નીને ચાર માસનો ગર્ભ હતો.ગઇ તા.08 ના તેઓ પત્ની સાથે રાત્રીના અગિયારના વાગ્યાના આસપાસ ઘરેથી નીકળી નકળંગ પાર્કમાં રહેતાં તેમની માસીના દિકરા ઘનશ્યામભાઈના ઘરે ગયેલ અને ત્યાથી બેસીને ગઈ તા.09 ના ઘરે જવા માટે નીકળેલ અને દોઢક વાગ્યાની આસપાસ તેઓ દંપતી બાઇકમાં ઘરે પરત જતા હતા ત્યારે બેડી ચોકડી પહેલા જોનસ હોસ્પિટલ સામે રોડ ઉપર પહોચતા પાછળથી ધડાકા સાથે એક ગાડીએ ટક્કર મારેલ જે અકસ્માતને કારણે બંને રોડ ઉપર પછડાયેલ હતાં.
પાછળથી અકસ્માત કરનાર ગાડીની ટક્કર એટલી જોરથી લાગેલ કે, તેમની પત્ની હવામાં ઉલળીને પડેલ અને તે પણ ફંગોળાઇ ગયો હતો.બનાવમાં તેમની પત્નિ અને તેઓને ગંભીર ઈજા થયેલ હતી. યુવાનને માથામાં અને હાથ-પગમાં ઇજા થયેલ જ્યારે પત્ની કિંજલબેનને માથામાં તેમજ કમરના ભાગે ઇજા થયેલ હતી. બંને ઉભા થવાની સ્થિતીમા પણ ન હતા.

તે સમયે જોયેલ તો એક કાળા કલરની ફોરર્યુનર કાર ઉભી હતી.જેમાં સામાન્ય નુકસાન થયેલ હતુ. ગાડીનો ડ્રાઇવર ફરાર થઇ ગયેલ હતો. તેમની પત્નીને 108 મારફત સારવારમાં સિવિલ હોસ્પિટલમાં ખસેડવામાં આવ્યા હતાં.ત્યાંથી તેમની પત્નીને ચાર માસનો ગર્ભ હોય જેથી ઝનાના હોસ્પિટલમાં સારવાર અર્થે લઇ જવાઈ તો ત્યાં તબીબે મિસ ડિલિવરી થઇ ગયેલ હોવાનું જણાવ્યું હતું. બનાવથી પરીવાર આઘાતમાં સરી પડ્યો હતો. બનાવ અંગે બી. ડિવિઝન પોલીસે ગુનો નોંધી ફોર્ચ્યુનર કારના ચાલકની શોધખોળ હાથ ધરી હતી.

શહેરની સિવિલ હોસ્પીટલમાં દર્દીઓને પડતી દવા અંગેની હાલાકી તેમજ અપુરતી સુવિધાઓ બાબતે તાકીદે યોગ્ય કરવાની માંગ કરતું એક આવેદન આજે કોંગ્રેસના આગેવાનોએ સિવિલ હોસ્પીટલના તબીબી અધિક્ષકને આપ્યું હતું.

ગુજરાત કોંગ્રેસના ઉપપ્રમુખ ગાયત્રીબા વાઘેલા, શહેર કોંગ્રેસ પ્રમુખ અતુલ રાજાણી, મહીલા કોંગ્રેસ પ્રમુખ દિપ્તીબેન સોલંકી, ડો.ધરમ કાંબલીયા, મેઘજીભાઇ રાઠોડ, અશોકસિંહ વાઘેલા તેમજ ગજેન્દ્રસિંહ ઝાલા વિ. કોંગ્રેસના આગેવાનોએ સિવિલમાં દોડી જઇને તબીબી અધિક્ષક ડો.મોનાલી માકડીયાને આવેદન આપ્યું હતું.
રાજકોટ પી.ડી.યુ. સરકારી સિવિલ હોસ્પીટલમાં રાજય સરકારની આરોગ્ય વિભાગમાં ચાલતી મીલીભગત ભ્રષ્ટાચારના કારણે દિવસે દિવસે કથળતો વહીવટ, કાયમી સિવિલ સર્જન વગરના હંગામી પ્રવાસી સિવિલ સર્જનથી ચાલતી સૌરાષ્ટ્રની એક માત્ર વિવિધ સુવિધાઓ ધરાવતી કરોડો રૂૂપિયાની આધુનીક સારવાર માટેની મશીનરી અને ઉપકરણો, વિશાળ બીલ્ડીંગો ધરાવતી હોસ્પીટલના સમગ્ર સૌરાષ્ટ્રમાંથી પી.ડી.યુ. હોસ્પીટલમાં સારવાર માટે આવતા ગરીબ અને મધ્યમ વર્ગના દર્દીઓ પારાવાર મુશ્કેલીઓનો સામનો કરે છે.

આ બાબતના વિવિધ મુદ્દાઓની રજુઆત ગત તા. 26/09/2024 વિસ્તૃત પત્ર સાથે તબીબી અધિક્ષકને પાઠવેલ પરંતુ સિવિલ હોસ્પીટલના નિંભર તંત્ર દ્વારા કોઈજ કાર્યવાહી કરવામાં આવેલ નથી. રાજયના આરોગ્ય કમિશ્નર સહિતના અધિકારીઓની પી.ડી.યુ. હોસ્પીટલની મુલાકાતો, આગતા-સ્વાગતા તેમજ સરકારના મંત્રીથી લઈ ઘારાસભ્યો, સંસદ સભ્યોઓને સાચવવામાં જ હોસ્પીટલ તંત્ર વ્યસ્ત રહે છે. જેના પરીણામે સિવિલ હોસ્પીટલમાં ડાયાબીટીસ, થેલેસેમીયા, હડકવા સહિત અનેક જીવન રક્ષક દવાઓની તેમજ ઓર્થો વિભાગમાં પણ અનેક વસ્તુઓની અછત જોવા મળે છે.

લાખો રૂૂપિયાનો ખર્ચ છતાં અતી મહત્વની ફાયર સેફટી સીસ્ટમ ફેલ ગઈ છે. ત્યારે હોસ્પીટલના વિભાગો દ્વારા જે પ્રકારની દવાઓ મેડીકલ સુવિધાના સાધનો, ઓ.ટી. (ઓપરેશન) માટેની સુવિધા માટેના તમામ પ્રકારની માંગણી પેન્ડીંગ હોય તેનો સત્વરે નિકાલ કરવા રાજય સરકારના આરોગ્ય વિભાગ પાસે કરવામાં આવેલ માંગણીઓનો સત્વરે ઉકેલ લાવવા જીવન રક્ષક દવાઓની જરૂૂરી રસી, ઈન્જેકશનો સહિત થેલેસેમીયા, બી.પી., ડાયાબીટીસ, હડકવા જેવી દવાઓની કાયમી અછત નિવારવા પગલાઓ ભરવા તેમજ ફાયર સેફટીના નામે કરવામાં આવેલ વગર ટેન્ડરના ખર્ચની કામગીરીમાં ચુકવાયેલ નાણા વાપરવામાં આવેલ ફાયર સેફટીના સાધનોની ગુણવતા તેમજ હાલ ફાયર સેફટીના સાધનોનો ક્ધડમ હાલતમાં છે તેની કારણોની તપાસ કરી જવાબદાર એજન્સી આ કામના જવાબદાર અધિકારીઓ કે વિભાગ સામે તાજેતરની આગના બનાવની ઘટનાને ધ્યાને લઈ કાર્યવાહી કરવા મા્ંરગણી કરાઇ છે.