ભારતીય ફૂટબોલના શ્રેષ્ઠ ખેલાડીઓમાંથી એક સુનિલ છેત્રી ફરી એકવાર ભારતીય ટીમમાં વાપસી કરી છે. તાજેતરમાં જ તેણે નિવૃત્તિ પાછી ખેંચવાની જાહેરાત કરી હતી અને આજે તેણે પોતાની વાપસી મેચ પણ રમી. આટલા દિવસો સુધી રમતથી દૂર રહ્યા પછી પણ સુનીલ છેત્રીની ચપળતા અને ફિટનેસમાં કોઈ ઘટાડો થયો નથી; તેણે એક ગોલ પણ કર્યો. આ સાથે ભારતીય ટીમે માલદીવને મોટા માર્જિનથી હરાવ્યું. હવે ભારતનો મુકાબલો બાંગ્લાદેશ સામે થશે. સુનીલ છેત્રીએ ગયા વર્ષે જૂનમાં ફૂટબોલમાંથી નિવૃત્તિની જાહેરાત કરી હતી. પરંતુ ભારતીય ટીમમાં ગોલ સ્કોરર્સનો અભાવ જોઈને સુનિલે ફરી એકવાર વાપસી કરી. ભારત અને માલદીવ વચ્ચે મૈત્રીપૂર્ણ મેચ રમાઈ, ત્યારે સુનિલ છેત્રીએ વાપસી કરી. હવે સુનીલ છેત્રી, જે લગભગ 40 વર્ષના છે, અદ્ભુત ચપળતાનું પ્રદર્શન કરતા જોવા મળે છે. મેચ વિશે વાત કરીએ, તો શરૂૂઆતમાં તે ટાઇ રહી હતી.
ભારતીય ટીમને પહેલો ગોલ કરવા માટે ઘણો સમય રાહ જોવી પડી. લગભગ 34 મિનિટ પછી, રાહુલ ભેકેએ પહેલો ગોલ કરીને ભારતને લીડ અપાવી. આ પછી, ભારતીય ટીમને ગોલ કરવાની કેટલીક તકો મળી પરંતુ તેઓ તેનો લાભ લઈ શક્યા નહીં. દરમિયાન, 66મી મિનિટે ભારતને કોર્નર તક મળી. જેને ભારતે ગોલમાં રૂૂપાંતરિત કરી. ભારતે 2 ગોલની લીડ મેળવી લીધી હતી, અને તેનો વિજય લગભગ નિશ્ચિત હતો. પરંતુ છેલ્લી થોડી મિનિટોમાં, સુનિલ છેત્રીએ પોતાનો પ્રતિભાવ બતાવ્યો અને મળેલી તકને ગોલમાં ફેરવી દીધી. આ રીતે ભારતે 03 ગોલ કર્યા અને વિરોધી ટીમ, માલદીવ, ફક્ત એક ગોલ માટે તડપતી જોવા મળી. હવે ભારતની આગામી મેચ 25 માર્ચે રમાશે. આમાં બાંગ્લાદેશ સાથે સ્પર્ધા થશે.
