ગુજરાત

ચોમાસું ચિક્કાર ગયું છતાં નવા વર્ષથી પાણીની તંગી, જાન્યુઆરીમાં આજી ડૂકશે

Published

5 days ago

November 28, 2024

Bhumika

રાજકોટ શહેરને પીવાનું પાણી પુરુ પાડતા મુખ્ય જળાશયો ન્યારી અને આજી ડેમની જળ સપાટી ટુંક સમયમાં ડેડલેવલે આવી જશે ચોમાસુ ભરપુર ગયું છતાં 15/1/2025થી પાણી વિતરણ વ્યવસ્થા ખોરવાવવાનો ભય ઉભો થયો છે. 2500 એમસીએફટીની જરૂરિયાત હોવાથી સૌની યોજના મારફતે નર્મદાનીર ઠલવાવ માટે કોર્પોરેશન દ્વારા સરકારમાં રજૂઆત કરવામાં આવી છે.

રાજકોટ શહેરની પાણીની દૈનિક 20 મીનીટ પાણી વિતરણ માટે રી-વોટરની કુલ જરુરીયાત 420 ખકઉ છે. તે પૈકી 130 એમએલડી મારફત નર્મદા પાઇપવાઇન યોજના દ્વારા મેળવવામાં આવે છે. અને 290 ખકઉ ઉક્ત સ્થાનિક જળાશયોમાંથી મેળવવામાં આવે છે. જેથી વિદ્યોત થવા વિનંતી આજ રોજ સ્થાનીક જળાશયોમાં ઉપલબ્ધ જળ જથ્થાની સ્થિતી અંગે આજી-1 ડેમનાં ડીપ્લીશન ચાર્ટ અનુસાર આજી-1 ડેમ ખાતે 90150 એમ.સી.એફ.ટી. જળ જથ્થો ઉપલબ્ધ છે, જે હાલનો ઉપાડ અનુસાર તા.31/01/2025નાં રોજ અંદાજે માત્ર 325 એમ.સી.એફ.ટી ઉપલબ્ધ હશે. ન્યારી-1 ડેમનાં ડીપ્લીશન ચાર્ટ અનુસાર આજની તારીખે ડેમમાં 1248.00 એમ.સી.એફ.ટી જળ જથ્થો ઉપલબ્ધ છે.
આગામી એપ્રિલ-મે 2025 દરમ્યાન સૌરાષ્ટ્ર શાખા નહેરને મરામત માટે બંધ કરવાનું આયોજન હોવાથી, પૂર્વ આયોજનના ભાગ રૂૂપે પાણીની જરૂૂરીયાત મુજબ સંગ્રહ વ્યવસ્થા કરવા કાર્યપાલક ઈજનેરશ્રી, સૌની યોજના, રાજકોટ દ્વારા સંદર્ભ-1 નાં પત્ર દ્વારા જાણ કરેલ છે.

ઉપરોક્ત તમામ બાબતો ધ્યાને લેતા, રાજકોટ શહેરમાં આગામી સાલ 2025નાં ચોમાસાનાં વરસાદ પહેલા આજી-1 તથા ન્યારીને જળાશમાં નવી જળ રાશી ઉપલબ્ધ થવા સુધી એટલે કે અંદાજે તા.31/07/2025 સુધી દૈનીક 20 મીનીટ પાણી પુરવઠો સુયાસ- રુપે જાળવી રાખવા માટે સરકારની સૌની યોજના મારફત બાજી-1 ડેમમાં તા.15/01/2025થી તબક્કાવાર 1800 એમ.સી એફટી. તથા ન્યારી ડેમમાં તબક્કાવાર 700 એમસીએફટી સહિત 2500 એમસીએફટીની આવશ્યકતા હોવાથી સૌની યોજના મારફત પાણી આપવા માટે સરકારમાં રજૂઆત કરવામાં આવી છે.

Up Next

આધાર લિંકઅપની ઝંઝટમાંથી છુટકારો, હવેથી રેશનકાર્ડ E-KYC મહાપાલિકા કચેરીએ થશે

Don't Miss

વાવડીમાં ઈલેક્ટ્રિકની દુકાનમાં તસ્કરો ત્રાટક્યા : 48 હજારની ચોરી

Click to comment

કચ્છ

ગુજરાતને વૈશ્વિક સ્તરે વધુ મળી એક ગૌરવ સિદ્ધિ, કચ્છના સ્મૃતિ વન ભૂકંપ મેમોરિયલ મ્યુઝિયમને ઇન્ટિરિયર્સની શ્રેષ્ઠતા માટે એવોર્ડ પ્રાપ્ત

Published

4 hours ago

December 3, 2024

Bhumika

વડાપ્રધાન નરેન્દ્રભાઈ મોદીના માર્ગદર્શન અને મુખ્યમંત્રી ભૂપેન્દ્ર પટેલના નેતૃત્વમાં ગુજરાતની વૈશ્વિક ગૌરવ સિદ્ધિમાં વધુ એક યશકલગીનો ઉમેરો થયો છે. કચ્છ-ભૂજના સ્મૃતિવન મ્યુઝિયમને તેના ઇન્ટિરિયર્સ માટે યુનેસ્કોનું પ્રતિષ્ઠિત પ્રિક્સ વર્સેઇલ્સ 2024 વર્લ્ડ ટાઈટલ એનાયત કરવામાં આવ્યું છે.

પેરિસમાં યુનેસ્કો હેડ ક્વાર્ટર ખાતે યોજાયેલા સમારોહમાં ગુજરાતને એનાયત થયેલો આ એવોર્ડ રાજ્ય સરકાર વતી રાજ્યમંત્રી જગદીશ વિશ્વકર્માએ GSDMAના CEO અનુપમ આનંદ સાથે સ્વીકાર્યો હતો. મુખ્યમંત્રી ભૂપેન્દ્ર પટેલે આ ગૌરવ સિદ્ધિ માટે સ્મૃતિવનની સમગ્ર ટીમને અભિનંદન પાઠવ્યા છે.

ઉલ્લેખનીય છે કે, UNESCO ખાતે પ્રતિ વર્ષ જાહેર કરવામાં આવતા આર્કિટેક્ચર અને ડિઝાઈન ક્ષેત્રના પ્રતિષ્ઠિત પ્રિક્સ વર્સેઇલ્સ (Prix Versailles) એવોર્ડ અંતર્ગત ભુજના આ સ્મૃતિવન ભૂકંપ મેમોરિયલ મ્યુઝિયમને 2024ના વર્ષની શરૂઆતમાં વિશ્વના 7 સૌથી સુંદર મ્યુઝિયમ્સની યાદીમાં સ્થાન મળ્યું હતું. હવે, વૈશ્વિક મંચ પર સાંસ્કૃતિક સીમાચિહ્ન તરીકે પોતાનું સ્થાન વધુ મજબૂત કરીને પ્રિક્સ વર્સેલ્સ 2024 વર્લ્ડ ટાઇટલ મેળવીને સ્મૃતિવન મ્યુઝિયમે આ અંતિમ એવોર્ડ-સન્માન ગૌરવ પ્રાપ્ત કર્યું છે.

આ પ્રિક્સ વર્સેલ્સ એ વૈશ્વિક આર્કિટેક્ચર અને ડિઝાઇન એવોર્ડ છે અને વિવિધ શ્રેણીઓમાં અસાધારણ સિદ્ધિઓ માટે એનાયત કરવામાં આવે છે. મ્યુઝિયમ, એરપોર્ટ, કેમ્પસ, પેસેન્જર સ્ટેશન, રમતગમત સુવિધાઓ, એમ્પોરિયમ, હોટેલ્સ અને રેસ્ટોરન્ટનો તેમાં સમાવેશ થાય છે. ગુજરાતમાં 26 જાન્યુઆરી, 2001ના ગોઝારા ભૂકંપે જ્યારે કચ્છને ઘમરોળી નાખ્યું હતું, તે સમયે તેમાં જીવ ગુમાવનારા નાગરિકોના સ્મરણમાં સ્મૃતિવન ભૂકંપ સ્મારકનું નિર્માણ વડાપ્રધાનની પ્રેરણાથી કરવામાં આવ્યું છે. 28 ઓગસ્ટ, 2022ના રોજ વડાપ્રધાન નરેન્દ્રભાઈ મોદીએ આ સ્મારકનું લોકાર્પણ કર્યું હતું.

સ્મૃતિવનનું આર્કિટેક્ચર ઐતિહાસિક ભુજિયો ડુંગર સાથે સુમેળભર્યું સંકલન કરે છે, તેમાં મુલાકાતીઓને આપત્તિની તૈયારી અને શક્તિ અંગે શિક્ષિત કરવા માટે રચાયેલી ઇમર્સિવ ગેલેરીઓ રાખવામાં આવી છે. મ્યુઝિયમની અનન્ય ડિઝાઇન અને હેતુ હવે આંતરરાષ્ટ્રીય મંચ પર સ્વીકૃત થયો છે, આ ગુજરાત અને ભારત બંનેનું વૈશ્વિક સ્તરે સન્માન છે.

ગુજરાત રાજ્ય આપત્તિ વ્યવસ્થાપન સત્તામંડળ (GSDMA) દ્વારા, કચ્છ કલેક્ટર કચેરીની વહીવટી સહાયથી વિકસાવવામાં આવેલું સ્મૃતિવન કુશળતા અને વિઝનના સહિયારા પ્રયાસને પ્રતિબિંબિત કરે છે.સ્મૃતિવન એ પડકારો સામે લડવાની કચ્છની ખુમારીની યશોગાથા છે, આપદા સામે અડીખમ રહેવાના ખમીરની કહાણી છે, રાખમાંથી ફરી બેઠા થવાની કિર્તીકથા છે, શૂન્યમાંથી સર્જનનું ચિત્ર રજૂ કરતો એક જીવંત દસ્તાવેજ છે.

વડાપ્રધાનના વિઝનને અનુરૂપ નિર્માણ થયેલું સ્મૃતિવન ભુજના ભુજિયો ડુંગર પર 470 એકર વિસ્તારમાં ફેલાયેલું છે. અહીં, વિશ્વના સૌથી વિશાળ મિયાંવાકી જંગલમાં 3 લાખ વૃક્ષો છે. ઉપરાંત ભૂકંપમાં મૃત્યુ પામેલે લોકોને શ્રદ્ધાંજલિરૂપે કુલ 12,932 પીડિત નાગરિકોના નામની તકતી, અહીં નિર્માણ થયેલા 50 ચેકડેમની દીવાલો લગાવવામાં આવી છે. આ ઉપરાંત સન પોઇન્ટ, 8 કિમી લંબાઇના ઓવરઓલ પાથવે, 1.2 કિમી આંતરિક રોડ, 1 મેગાવોટ ક્ષમતાનો સોલાર પાવર પ્લાન્ટ, 3 હજાર મુલાકાતીઓ માટે પાર્કિંગ, 300થી વધુ વર્ષ જૂના કિલ્લાનું નવિનીકરણ, 3 લાખ વૃક્ષોનું વાવેતર, સમગ્ર વિસ્તારમાં ઇલેક્ટ્રિક લાઇટિંગ અને 11,500 ચોરસ મીટરમાં ભૂકંપને સમર્પિત મ્યુઝિયમનો સમાવેશ થાય છે.

2001માં આવેલા ભૂકંપની અનુભૂતિ કરવા માટે એક વિશેષ થિયેટરનું નિર્માણ કરવામાં આવ્યું છે, જ્યાં ધ્રુજારી અને ધ્વનિ તથા પ્રકાશના સંયોજનથી એક વિશેષ પરિસ્થિતિનો અનુભવ કરાવવામાં આવે છે. 360 ડિગ્રી પર પ્રોજેક્શનની મદદથી 2001માં આવેલા ભૂકંપની અનુભૂતિ કરી શકાય છે.કચ્છ આવનારા પ્રવાસીઓ માટે આ સ્મૃતિવન મ્યુઝિયમ જોવાલાયક સ્થળ તરીકે આકર્ષણ બન્યું છે.

ગુજરાત

જિલ્લામાં 14 નાયબ મામલતદારની આંતરિક બદલીનો કલેકટરનો ઓર્ડર

Published

5 hours ago

December 3, 2024

Bhumika

કુદરતી આફતો સામે લોકોને સરકારી મદદ મળી રહે તે માટે ઇમરજન્સી સેન્ટરોમાં ફરજ સોંપાઇ હોય તેવા રાજકોટ જિલ્લાના 14 નાયબ મામલતદારની વિવિધ કચેરીઓમાં કલેકટર દ્વારા ઓર્ડર કરી અને બદલી કરવામાં આવી હતી.

રાજકોટ જિલ્લા કલેકટર પ્રભવ જોશી દ્વારા કરાયેલા ઓર્ડરમાં જેસડીયાની બદલીથી ખાલી પડેલ જગ્યા એ.એલ.સી. શાખામાં ભાવિકકુમાર વૈષ્ણવ, પડધરીમાં ચુડાસમાની બદલીથી ખાલી પડેલી જગ્યામાં રાજકોટ પશ્ચિમના ધવલ ભીમજીયાણીની સર્કલ ઓફીસર તરીકે પુરવઠા કચેરીમાં સેરસીયાની ખાલી જગ્યા પર પુરવઠા નિરિક્ષક તરીકે રાજકોટ દક્ષિણના ભરત પરમાર, હક્કપત્રક શાખામાં ચૌહાણ વયનિવૃત થતા સર્કલ ઓફિસર તરીકે કોટડા સાંગાણીના માધવ મહેતાની બદલી કરવામાં આવી છે.

ધોરાજી કચેરીના તુષાર નાઇની જામકંડોરણા, જામકંડોરણાના રવિરાજસિંહ ઝાલાની ઝોનલ અધિકારી-3, ગોંડલ ગ્રામ્યના ગુંજા કનેરીયાની પુરવઠા નિરીક્ષક-1, જામકંડોરણાના જયદીપસિંહ ભારડની ગોંડલ ગ્રામ્યમાં, રાજકોટ એ.એલ.સી. શાખાના સંદિપ જેસડીયાની પડધરી, નિલેશ ધ્રાંગીયાની પડધરી, પિયુષ ચુડાસમાની લોધીકા, સંજય રૈયાણીની કોટડા સાંગાણી, અનિલ ખાંભલાની જામકંડોરણા અને રાજકોટ પુરવઠા નિરીક્ષક જસ્મીન મકવાણાની આયોજન કચેરીમાં બદલી કરવામાં આવી છે.

ગુજરાત

આઇસક્રીમમાંથી ફેટ કાઢી ચીઝમાં તેલની ભેળસેળ

Published

5 hours ago

December 3, 2024

Bhumika

રાજકોટ મહાનગરપાલિકાના ફૂડ વિભાગ દ્વારા શ્રી સત્ય વિજય પટેલ સોડા ફેક્ટરી, સરલખાજી રાજ રોડ, પ્રહલાદ સિનેમાની બાજુમાં, રાજકોટ મુકામેથી લેવામાં આવેલ ખાદ્યચીજ વેનીલા આઇસ્ક્રીમ (લુઝ) નો નમૂનો તપાસ બાદ પૃથ્થકરણ રિપોર્ટમાં મિલ્ક ફેટનું પ્રમાણ ધારાધોરણ કરતાં ઓછું હોવાથી નમૂનો સબસ્ટાન્ડર્ડ(ફેઇલ) જાહેર થયેલ તેમજ હસનવાડી શેરી નં. 2, ગાયત્રીનગર મેઇન રોડ, રાજકોટ મુકામેથી લેવામાં આવેલ ખાદ્યચીજ CREAMYLITE PIZZA CHEESE (FROM 1 KG. PKD)નો નમૂનો તપાસ બાદ પૃથ્થકરણ રિપોર્ટમાં ફોરેન ફેટ (વેજીટેબલ ફેટ )ની હાજરી મળી આવતા નમૂનો સબસ્ટાન્ડર્ડ (ફેઇલ) જાહેર થયેલ છે.

જે અંગે બંન્ને વેપારીઓ સામે એજયુડિકેશન કાર્યવાહી કરવામાં આવશે. તથા આજ રોજ ફૂડ વિભાગની ટીમ તથા FSW વાન સાથે સર્વેલન્સ ચેકિંગ દરમિયાન રૈયા રોડ વિસ્તારમાં આવેલ ખાદ્યચીજોનું વેચાણ કરતાં કુલ 58 ધંધાર્થિઓની ચકાસણી હાથ ધરવામાં આવેલ. જેમાં 10 ધંધાર્થિઓને લાઇસન્સ બાબતે સૂચના આપી અવેરનેસ ડ્રાઇવ કરવામાં આવેલ. તેમજ ખાધ્યચીજોના કુલ 52 નમૂનાની સ્થળ પર ચકાસણી કરવામાં આવેલ હતી.

ફૂડ વિગભા દ્વારા (01)ગંગોત્રી ડેરી ફાર્મ -લાઇસન્સ મેળવવા બાબતે સૂચના (02)રવિ પાર્સલ પોઈન્ટ -લાઇસન્સ મેળવવા બાબતે સૂચના (03)શ્રીનાથજી દાલબાટી -લાઇસન્સ મેળવવા બાબતે સૂચના (04)રોયલ ભૂંગળા બટેટા -લાઇસન્સ મેળવવા બાબતે સૂચના (05) શ્રીજી ફૂડ ઝોન -લાઇસન્સ મેળવવા બાબતે સૂચના (06)સુપર ચાઇનીઝ પંજાબી -લાઇસન્સ મેળવવા બાબતે સૂચના (07) બિપિન પાન -લાઇસન્સ મેળવવા બાબતે સૂચના (08) ગજાનન સિઝન સ્ટોર -લાઇસન્સ મેળવવા બાબતે સૂચના (09)હરભોલે ટ્રેડિંગ- લાઇસન્સ મેળવવા બાબતે સૂચના (10) રોશની કોલ્ડ્રિંક્સ સહિતના પ2 ધંધાથીઓને ત્યા ચકાશણી હાથ ધરી લાઇસન્સ મેળવવા બાબતે અને હાઇજેનિક અતંગર્ત સૂચના આપવામાં આવી હતી.