અમેરિકામાં મધ્યાવધિ ચુંટણીના પરિણામોમાં રિપબ્લિકન પાર્ટીને ફટકો પડતા ભારત અને વિશ્ર્વની ભુ-રાજકીય સ્થિતિ પર નોંધપાત્ર અસર થવાની શકયતા છે. ચૂંટણી પરિણામો વચ્ચે ટ્રમ્પે ખુદ સ્વીકાર કર્યો છે કે ઇરાન યુધ્ધ તેમને નડી ગયું છે. આનો અર્થ એવો ઘટાવાઇ રહ્યો છે કે અમેરિકા હવે ઇરાન પર તત્કાલ લશ્કરી હુમલો કરે તેવું લાગતું નથી. ઇરાન યુધ્ધ શાંત પડે તો એની વ્યાપક અસરો ક્રુડ ઓઇલ અને વિશ્ર્વ વેપાર પર પડશે. ટેરિફનો દંડો ઉગામી વિશ્ર્વના અનેક દેશોને દાટી દેતા ટ્રમ્પની સત્તા પર લગામ આવશે તે નિશ્ચિત છે.
યુ.એસ.ના રાજકીય પરિદ્રશ્યમાં આવતા ફેરફારો ભારત માટે નોંધપાત્ર અસરો ધરાવે છે. કોંગ્રેસ અને યુ.એસ. વહીવટીતંત્ર દ્વારા લેવામાં આવેલા નિર્ણયો ભારતીય નિકાસ, યુ.એસ.માં કામ કરતા ભારતીય વ્યાવસાયિકોના ભવિષ્ય અને બંને દેશો વચ્ચેના સંરક્ષણ સહયોગ પર અસર કરી શકે છે.
યુ.એસ. ભારતીય માલસામાન માટે એક મોટું બજાર છે; તેથી, યુ.એસ.ની ટેરિફ નીતિમાં કોઈપણ ફેરફાર ભારતીય નિકાસકારોને સીધી અસર કરે છે. ભારત અને યુ.એસ. વચ્ચે હજુ સુધી કોઈ ઔપચારિક વેપાર કરાર થયો નથી, જોકે સેક્રેટરી ઓફ સ્ટેટ માર્કો રુબિયોએ આ મહિનાની શરૂૂઆતમાં મીડિયાને સંકેત આપ્યો હતો કે આવો કરાર હવે આખરી તબક્કામાં છે.
ચૂંટણીના પરિણામો યુ.એસ.માં રહેતા ભારતીય વ્યાવસાયિકોને, ખાસ કરીને ¡ H-1Bવિઝા ધરાવનારાઓને અસર કરી શકે છે. કોંગ્રેસના નિયંત્રણમાં થતા ફેરફારો ભવિષ્યના ઇમિગ્રેશન કાયદાઓ અને આવી નીતિઓના અમલીકરણ પર દેખરેખને પ્રભાવિત કરી શકે છે. રિપબ્લિકન પાર્ટી દ્વારા સમર્થિત અમુક દરખાસ્તોજેમ કે ગયા સપ્ટેમ્બરમાં જાહેર કરાયેલી નવી H-1B વિઝા અરજીઓ પર 100,000ની ફી લાદવાની યોજના કદાચ અટકી શકે છે.
નબળી સ્થિતિને કારણે, રિપબ્લિકન પાર્ટીઅને તેના પરિણામે રાષ્ટ્રપતિ ટ્રમ્પમાટે ઈરાન સાથે લાંબા સમય સુધી સંઘર્ષ ચાલુ રાખવો મુશ્કેલ બની શકે છે. એવી અપેક્ષા છે કે તણાવ ઓછો થઈ શકે છે, જેનાથી સંરક્ષણ બજેટ અને લશ્કરી ખર્ચમાં ઘટાડો આવી શકે છે જેના પરિણામે કાચા તેલ અને ઊર્જાના ભાવમાં ઘટાડો થવાની શક્યતા છે. એ નોંધવું યોગ્ય છે કે ભારત તેની ઈંધણની જરૂૂરિયાતોનો મોટો હિસ્સો આયાત કરે છે; પરિણામે, તેલના ભાવમાં ઘટાડો થવાથી દેશના આયાત બિલ અને સ્થાનિક અર્થતંત્રને મોટી રાહત મળશે.
ઇઝરાયેલને વાર્ષિક 4 અબજ ડોલરની સહાય બંધ કરવા ટ્રમ્પની જાહેરાત
મધ્યસત્ર ચૂંટણીઓ (મિડટર્મ ઇલેક્શન્સ) વચ્ચે, અમેરિકી રાષ્ટ્રપતિ ડોનાલ્ડ ટ્રમ્પે જાહેરાત કરી છે કે આ વર્ષ પછી, અમેરિકા ઇઝરાયેલને આપવામાં આવતી વાર્ષિક આર્થિક સહાય બંધ કરી દેશે. ટ્રમ્પના જણાવ્યા અનુસાર, ઇઝરાયેલના વડાપ્રધાન બેન્જામિન નેતન્યાહુ સાથે વાર્ષિક 4 અબજ ડોલરની સહાય બંધ કરવા અંગે સમજૂતી થઈ છે. જોકે, ટ્રમ્પે સ્પષ્ટ કર્યું છે કે અમેરિકા ઇઝરાયેલને શસ્ત્રો વેચવાનું ચાલુ રાખશે અને જરૂૂર પડ્યે સમર્થન પણ આપશે. આ નિર્ણય બંને દેશો વચ્ચેના દાયકાઓ જૂના સૈન્ય સંબંધોમાં સંભવિત બદલાવનો સંકેત આપે છે.