જામનગર જિલ્લા પંચાયતની આવનારી ચૂંટણીને લઈને ભારતીય જનતા પાર્ટી (ભાજપ) દ્વારા લેવાયેલા મોટા નિર્ણયથી રાજકીય વર્તુળોમાં ભારે ચર્ચા જગાવી છે. પાર્ટીએ એક સાથે તમામ 24 બેઠકો પર અગાઉના ઉમેદવારોની ટિકિટો કાપીને સંપૂર્ણ નવા ચહેરાઓને તક આપી છે, જેને કારણે રાજકીય ક્ષેત્રમાં આશ્ચર્યની લાગણી ફેલાઈ ગઈ છે. સૂત્રો મુજબ, ભાજપે આ વખત ફ્રેશ ફેસ ફોર્મ્યુલા અપનાવીને યુવા અને સક્રિય કાર્યકરોને આગળ લાવવાનો પ્રયાસ કર્યો છે. સાથે સાથે સ્થાનિક સ્તરે બદલાતી પરિસ્થિતિ અને મતદારોની પસંદગીને ધ્યાનમાં રાખીને આ મોટો ફેરફાર કરવામાં આવ્યો હોવાનું માનવામાં આવે છે. આ નિર્ણયથી પક્ષના કેટલાક જૂના કાર્યકરોમાં નિરાશા જોવા મળી રહી છે, જ્યારે નવા ઉમેદવારો અને તેમના સમર્થકોમાં ઉત્સાહનો માહોલ છે. રાજકીય વિશ્ર્લેષકોના મતે, ભાજપનો આ દાવ જોખમી હોવા છતાં ચૂંટણીમાં નવી ઊર્જા લાવવાનો પ્રયાસ છે. હવે જોવાનું રહ્યું કે સંપૂર્ણ નવા ચહેરાઓ સાથે ભાજપ ચૂંટણીમાં કેટલો ફાયદો ઉઠાવે છે.
જામનગર જિલ્લા પંચાયતમાં ભાજપે તમામ 24 બેઠકો પર ઉમેદવારો બદલ્યા રાજકીય વર્તુળોમાં ભારે આંચકો
જામનગર જિલ્લા પંચાયતની આવનારી ચૂંટણીને લઈને ભારતીય જનતા પાર્ટી (ભાજપ) દ્વારા લેવાયેલા મોટા નિર્ણયથી રાજકીય વર્તુળોમાં ભારે ચર્ચા જગાવી છે. પાર્ટીએ એક સાથે તમામ 24…
