ભારતીય ક્રિકેટ કંટ્રોલ બોર્ડ (BCCI) સેન્ટર ઓફ એક્સેલન્સ (COE) ખાતે નવા કોચિંગ સ્ટાફની ભરતી માટે આગળ આવી છે. હાલમાં COEમાં બોલિંગ કોચ, બેટિંગ કોચ અને રમતગમત વિજ્ઞાન તથા તબીબી વિભાગ માટે ખાલી જગ્યાઓ છે અને BCCI એ આ પદો માટે અરજીઓ મંગાવી છે. માહિતી અનુસાર, નીતિન પટેલ, જે મેડિકલ ટીમના વડા હતા, એ માર્ચમાં રાજીનામું આપી દીધું હતું. સ્પિન બોલિંગ કોચ સાઈરાજ બહુતુલે પણ પોતાનું સ્થાન છોડ્યું છે અને હવે તેઓ રાજસ્થાન રોયલ્સ ટીમમાં જોડાયા છે. આ કારણે COEમાં ઘણાં મહત્વના પદો માટે ખાલી જગ્યાઓ બન્યા છે.
VVS લક્ષ્મણનો સેન્ટર ઓફ એક્સેલન્સના ચીફ કોચ તરીકેનો કાર્યકાળ આ વર્ષે પૂર્ણ થવાની છે. જો કે, તે કાર્યકાળ વધારવા અંગે ચર્ચા ચાલી રહી છે અને શક્ય છે કે તેમને 2027 સુધી ODI વર્લ્ડ કપ સુધી પદ પર રાખવામાં આવે. આ સાથે, NCA ના અન્ય કોચ સિતાંશુ કોટક હવે રાષ્ટ્રીય ટીમ સાથે જોડાઈ ગયા છે, જેથી COE માટે નવા કોચની જરૂૂરિયાત વધુ સ્પષ્ટ થઈ ગઈ છે. COE માટે આ ભરતી એક મોટો અવસર છે જ્યાં યુવા ક્રિકેટરોને યોગ્ય માર્ગદર્શન આપવા માટે સારા અને અનુભવી કોચોની જરૂૂર છે. આ ભરતી માટે અરજીઓ BCCI ની અધિકૃત વેબસાઈટ પર મંગાવવામાં આવી છે.
