પ્રધાનમંત્રી નરેન્દ્ર મોદીએ આજે રાષ્ટ્રીય લોકશાહી જોડાણ (NDA) સંસદીય બેઠક દરમિયાન સૌથી લાંબા સમય સુધી કાર્યભાર સંભાળનારા કેન્દ્રીય ગૃહમંત્રી બનવા બદલ કેન્દ્રીય ગૃહમંત્રી અમિત શાહની પ્રશંસા કરી. 2,258 દિવસ કાર્યભાર સંભાળ્યા પછી, અમિત શાહ સૌથી લાંબા સમય સુધી કાર્યભાર સંભાળનારા કેન્દ્રીય ગૃહમંત્રી બન્યા છે, જે ભાજપના દિગ્ગજ નેતા લાલકૃષ્ણ અડવાણીના અગાઉના રેકોર્ડને તોડી નાખે છે.
તેમણે 30 મે, 2019 ના રોજ વડા પ્રધાન નરેન્દ્ર મોદીની સરકારના બીજા કાર્યકાળમાં પદ સંભાળ્યું. ગૃહમંત્રી શાહના કાર્યકાળમાં સીમાચિહ્નરૂૂપ 5 ઓગસ્ટના રોજ આવે છે, જે દિવસે તેમણે 2019 માં સંસદમાં કલમ 370 નાબૂદ કરવાની જાહેરાત કરી હતી, જેનાથી જમ્મુ અને કાશ્મીરનો વિશેષ દરજ્જો સમાપ્ત થયો હતો.
સૌથી લાંબા સમય સુધી ગૃહમંત્રી તરીકે સેવા આપવાનો રેકોર્ડ કોંગ્રેસના નેતા ગોવિંદ વલ્લભ પંત અને ભારતીય જનતા પાર્ટી (BJP)ના નેતા લાલ કૃષ્ણ અડવાણીના નામે હતો. જ્યારે અડવાણી 2,256 દિવસ (19 માર્ચ, 1998 થી 22 મે, 2004 સુધી) આ પદ પર રહ્યા હતા, ત્યારે ગોવિંદ વલ્લભ પંત 10 જાન્યુઆરી, 1955 થી 7 માર્ચ, 1961 સુધી ગૃહમંત્રી તરીકે સેવા આપી હતી, કુલ 6 વર્ષ અને 56 દિવસ. 30 મે, 2019 થી પદ પર રહેલા અમિત શાહે 4 ઓગસ્ટ, 2025 ના રોજ 2,258 દિવસ કાર્યકાળ પૂર્ણ કર્યા.
