પશ્ચિમ બંગાળના ચકચારી બરુઈપુર રેપ અને મર્ડર કેસના મુખ્ય આરોપી પ્રભાસ મંડલને આજે વહેલી સવારે પોલીસ એન્કાઉન્ટરમાં ઠાર મરાયો છે. 12 વર્ષની સગીર બાળકી સાથે બર્બરતા આચરનાર આ આરોપીએ પોલીસ કસ્ટડીમાંથી ભાગવા માટે ફાયરિંગ કર્યું હતું, જેના જવાબમાં પોલીસે આત્મરક્ષાર્થે કરેલા ફાયરિંગમાં તે ઠેર થયો હતો.
પોલીસ સત્તાવાળાઓના જણાવ્યા અનુસાર, ગઇકાલે અને બુધવારની મધ્યરાત્રિએ અંદાજે 12:45 વાગ્યે બરુઈપુર પોલીસ સ્ટેશનના તપાસ અધિકારી પોતાની ટીમ સાથે આરોપી પ્રભાસ મંડલને લઈને ઘટનાસ્થળ એટલે કે સૂર્યપુર ખાતે ક્રાઈમ સીન રી-ક્રિએશન (ઘટનાનું પુન:નિર્માણ) માટે ગયા હતા. પોલીસ હજુ તપાસની પ્રક્રિયા શરૂૂ કરવાની તૈયારીમાં જ હતી, ત્યારે જ શાતિર આરોપી પ્રભાસે ઓન-ડ્યુટી પોલીસકર્મીની બંદૂક પર ઝાપટ મારીને હથિયાર આંચકી લીધું હતું.
હથિયાર છીનવી લીધા બાદ આરોપી પ્રભાસ મંડલે ભાગવાનો પ્રયાસ કર્યો હતો અને પોલીસ ટીમને નિશાન બનાવીને એક રાઉન્ડ ફાયરિંગ પણ કર્યું હતું. અચાનક થયેલા આ હુમલા બાદ પોલીસ ટીમે આત્મરક્ષાર્થે તાત્કાલિક વળતો પ્રહાર કર્યો હતો. સામસામે થયેલા આ ગોળીબારમાં પ્રભાસ મંડલને ગોળીઓ વાગતાં તે ગંભીર રીતે ઘાયલ થઈને ત્યાં જ ઢળી પડ્યો હતો.
