કેન્સરની બીમારીથી કંટાળી આરંભડાના યુવાને જિંદગી ટૂંકાવી

ઓખા મંડળના મીઠાપુર તાબેના આરંભડા ગામે રહેતા પેથાભાઈ ગાંગાભાઈ વેગડા નામના 45 વર્ષના યુવાનને છેલ્લા આશરે ચારેક વર્ષથી કેન્સરની બીમારી હતી. આ બીમારીની ચાલુ સારવાર વચ્ચે તેમણે કંટાળીને ગત તા. 4 નવેમ્બરના રોજ બપોરના સમયે પોતાના ઘરના બાથરૂૂમમાં રહેલું ટાઇલ્સ ક્લીનર પી લેતા તેમને સારવાર અર્થે હોસ્પિટલમાં ખસેડવામાં આવ્યા હતા. જ્યાં સારવાર દરમિયાન તેમનું મૃત્યુ નિપજ્યું હતું. આ બનાવ અંગેની જાણ મૃતકના મોટાભાઈ મેરામણભાઈ વેગડા (ઉ.વ. 50, રહે. આરંભડા)એ મીઠાપુર પોલીસને કરી છે.