રાજકોટ શહેરના 150 ફૂટ રીંગ રોડ પર આવેલા અયોધ્યા ચોક નજીક અગાઉ કરેલી અરજીનો ખાર રાખી વિપ્ર યુવાન ઉપર હુમલો કરવાના ગુનામાં જેલ હવાલે રહેલા પિતા પુત્રની અદાલતે જામીન અરજી ફગાવી દીધી છે.આ કેસની હકીકત મુજબ શહેરના જામનગર રોડ પર આવેલા મનહરપુર નજીક પૃથ્વી સોસાયટી શેરી નંબર ત્રણમાં રહેતા પ્રકાશ ઉર્ફે પીન્ટુ રમેશભાઈ નામના યુવાનો પર ગાંધીગ્રામ વિસ્તારમાં આવેલા જીવંતિકા નગરમાં રહેતા મનીષ બાબુ ધામેચા, અમિત બાબુ ધામેચા, ચિરાગ બાબુ ધામેચા અને મીત મનીષભાઈ ધામેચા એ લોખંડના પાઇપ વડે હુમલો કર્યા અંગેની ગાંધીગ્રામ પોલીસ મથકમાં ફરિયાદ નોંધાવી હતી.

પ્રાથમિક પૂછપરછ માં પ્રકાશ ઉર્ફે પીન્ટુએ અગાઉ આરોપી વિરુદ્ધ કરેલી અરજીનો ખાર રાખી હુમલો કર્યાનું ખુલતા પોલીસે તમામ સામે ગુનો નોંધી મનીષ બાબુ ધામેચા અને મીત મનીષ ધામેચા ની ધરપકડ કરી તપાસ પૂર્ણ થતા જેલ વાલે કર્યા હતા હાલે રહેલા મનીષ ધામેચા અને તેના પુત્ર ની ધામેચાએ જામીન પર છૂટવા અદાલતમાં અરજી કરી હતી જે જામીન અરજીની સુનાવણી ચાલવા પર આવતા જેમાં બંને પક્ષોની રજૂઆત બાદ સરકાર પક્ષે એપીપી બીનલબેન રેવેશિયા ઉપસ્થિત રહી જામીન નો વિરોધ કરી જામીન પર છોડવામાં આવશે તો સાક્ષીઓ સાથે ચેડા થઈ શકે તેવી શક્યતા નકારી ન શકાય આ કામમાં નજરે જોનાર સાહેદોના નિવેદન નોંધવામાં આવેલ છે તેમજ હાઇકોર્ટ અને સુપ્રીમ કોર્ટના ટાંકેલા ચુકાદાઓને ધ્યાને લઈ જજ એસ.સી. મકવાણાએ પિતા પુત્રની જામીન અરજી ફગાવી દીધી છે. આ જામીન અરજીમાં સરકાર વકીલ બિનલબેન રવેશિયા ઉપસ્થિત રહ્યા હતા.

રૈયા ગામમાં સાંજે એક યુવાન ચાલીને જતો હતો ત્યારે જુના મનદુ:ખને લીધે તેને ત્રણ શખ્સોએ છરી બતાવી આજે તો તને મારી જ દેવી છે કહી ધમકાવતાં તેના કાકા આરોપીઓને સમજાવવા આવતાં તેઓ જતાં રહ્યા હતાં.બાદમાં રાતે ફરીથી ઘર પાસે આવી યુવાનના કાકા સાથે ઝઘડો કરી ગાળો દઇ પીઠ પાછળ એક ઘા મારી દેતાં સારવાર માટે યુવકને ખસેડવામાં આવ્યો હતો.આ મામલે પોલીસમાં ફરિયાદ નોંધાઈ છે.

મળતી વિગતો મુજબ,રૈયા ગામમાં રહેતો કલ્પેશભાઇ મોહનભાઇ પરમાર (ઉ.વ.35) નામના યુવાન પર રાતે રૈયા ગામ વણકરવાસમાં રહેતાં નાનજી ઉર્ફ લાલો ભુપતભાઇ પરમાર, મહેશ મનસુખભાઇ પરમાર અને વિશાલ મેરીયાએ છરીથી હુમલો કરી ઇજા પહોંચાડતાં સિવિલ હોસ્પિટલમાં ખસેડાતા હોસ્પિટલ ચોકીના સ્ટાફે જાણ કરતાં યુનિવર્સિટી પોલીસ સ્ટેશનના પીએસઆઇ એન. કે. પંડયાએ તેની ફરિયાદ પરથી ત્રણેય સામે ગુનો નોંધ્યો હતો.કલ્પેશભાઇ પરમાર ડ્રાઇવીંગ કરી ગુજરાન ચલાવે છે. તેણે કહ્યું હતું કે ચારેક મહિના અગાઉ અમારી જમીનમાં દબાણ થયું હોઇ આ મામલે મેં લાલા સહિતના વિરૂૂધ્ધ અરજી ફરિયાદ કરી હતી. તેનો ખાર રાખી આ લોકોએ ગત સાંજે મારો ભત્રીજો દિવ્યેશ રૈયા ગામના બસ સ્ટેશન પાસે ચાલીને જતો હતો ત્યારે તેને છરી બતાવી આજે તો મારી જ દેવી છે, મારી નાખવો છે કહી ધમકી આપી હતી. મને જાણ થતાં મેં ત્યાં જઇ આ લોકોને સમજાવ્યા હતાં અને ભત્રીજાને લઇને નીકળી ગયો હતો.

રાતે ફરીથી લાલો, મહેશ અને વિશાલે આવી ઝઘડો કરી ગાળો દીધી હતી અને છરી કાઢી મને પીઠ પાછળ ઘા મારી દીધો હતો. દેકારો થતાં બધા ભાગી ગયા હતાં. મને સારવાર માટે સિવિલ હોસ્પિટલમાં ખસેડાયો હતો. તેમ વધુમાં તેણે જણાવતાં પોલીસે આરોપીઓને પકડી લેવા તજવીજ હાથ ધરી છે.

હાર્ડવેર ફેકટરીમાંથી કારીગર જ સાતેક મહિનાથી થોડો-થોડો ઝીંક ધાતુનો કાચો માલ લઇ જતો હતો

વેપારીએ કાયમી કારીગર સામે ઉચાપત કર્યાની પોલીસમાં નોંધાવી ફરિયાદ

રાજકોટ શહેરમાં આજી વસાહતમાં આવેલી નામાંકીત એલટેક હાર્ડવેર નામની કંપનીમાં ફરજ બજાવતા કાયમી કર્મચારીએ કંપનીમાં આવતા ઝીંક ધાતુનો કાચો માલ 4862 કિલોગ્રામ રૂા. 17.98 લાખ અને મેન્યુફેકચરીંગ કરેલો 974 કિલોગ્રામ માલ રૂા. 6.81 લાખ એમ કુલ 24.80 લાખના કાચા માલની ઉચાપત કરતા વેપારીએ થોરાળા પોલીસ મથકમાં ફરીયાદ નોંધાવી છે. આ મામલે કાયમી કારીગરને સકંજામાં લેવા પોલીસે કાર્યવાહી શરૂ કરી છે.

બનાવની વધુ વિગતો મુજબ શહેરના આજી વસાહતમાં 80 ફુટ રોડ પર આવેલી એલટેક કંપનીના ભાગીદાર જગદીશભાઇ ચતુરભાઇ લુણાગરીયા (ઉ.વ. 40) એ પોતાની ફરીયાદમાં નવા થોરાળા ગોકુલપરાની બાજુમાં આવેલી વિનોદનગરમાં રહેતા હેમંત મનસુખ સાગઠીયા સામે ઉચાપત કર્યાની ફરીયાદ નોંધાવી છે. આ બનાવની તપાસ ડી સ્ટાફના પીએસઆઇ સી. વી. ચુડાસમા કરી રહયા છે. આ ઘટનામાં આરોપીને સકંજામાં લેવા તજવીજ શરૂ કરવામાં આવી છે. જગદીશભાઇએ ફરીયાદમાં જણાવ્યુ હતુ કે તેઓ ભાગીદારીમાં એલટેક નામની હાર્ડવેર મેન્યુફેકચરીંગ પેઢી 2012 ની સાલથી ચલાવી રહયા છે. આ કંપનીમાં ગુજરાત રાજયની બહાર ઓર્ડર મુજબનો માલ મોકલવામાં આવે છે. તેમજ આ કંપનીમાં ઝીંક મેટલના દરવાજાના હેન્ડલની મેન્યુફેકચરીંગ કરવામાં આવે છે. કંપનીમાં કુલ 6 કારીગરો કાયમી છે. તેમજ 1પ મહીલા કર્મચારીઓ પણ કામ કરે છે.

એલટેક કંપનીમાં ઝીંક ધાતુનો કાચો માલ બહારથી મંગાવી મેન્યુફેકચરીંગ કરી દરવાજાના અલગ અલગ ડિઝાઇન બનાવવામાં આવે છે તેમજ દર વર્ષે માર્ચ મહીનામાં હિસાબ કિતાબ કરવામાં આવતા હોય છે. આ કંપનીમાં ગયા માર્ચ મહીનામાં હિસાબ કિતાબ કરવામાં આવતા હિસાબ બરાબર આવ્યો હતો. ત્યારબાદ ગયા દિવાળી તહેવાર પહેલા કંપનીમાં ઝીંક ધાતુનો કાચો માલ અને મેન્યુફેકચરીંગ કરેલ માલ એમ કુલ 24.80 લાખ રૂપિયાના માલની ઘટ આવી હતી. આ મામલે ભાગીદારોને વાત કરી તપાસ કરતા આ કંપનીમાં કાયમી કર્મચારી તરીકે કામ કરતા વિનોદનગર શેરી નં ર મા રહેતા હેમંત મનસુખભાઇ સાગઠીયા નામના શખ્સે છેલ્લા છ થી સાત મહીના દરમ્યાન થોડો થોડો ઝીંક ધાતુ અને મેન્યુફેકચરીંગ માલ બહાર લઇ જઇ ઉચાપત કર્યાની જાણ થતા તેમના વિરૂધ્ધ થોરાળા પોલીસ મથકમાં ફરીયાદ નોંધાવી હતી. આ ઘટનામાં થોરાળા પોલીસ મથકના પીઆઇ એન. જી. વાઘેલા અને સ્ટાફે તપાસ શરૂ કરી આરોપી હેમંત સાગઠીયાને સકંજામાં લેવા તજવીજ શરૂ કરી છે.

હેમંતના પરિવારે નુકસાની ભરપાઇ કરવાની ખાતરી આપ્યા બાદ હાથ ઊંચા કરી દીધા

આ સમગ્ર ઘટના અંગે વેપારી જગદીશભાઇએ અને ભાગીદારોએ હેમંતને ફોન કરતા પોતાનાથી મોટી ભુલ થઇ ગઇ છે તેઓ તમામ ભરપાઇ ચુકવી દેશે તેમ સૌ પ્રથમ જણાવ્યુ હતુ. ત્યારબાદ દિવાળી આવતી હોય જેથી તેમને ફોન કર્યો ન હતો અને ત્યારબાદ જગદીશભાઇ હેમંતના પિતાને મળતા તેમણે પણ નુકસાનીની ભરપાઇ કરાવી દેવા ખાતરી આપી હતી. થોડા દિવસ બાદ હેમંતના પરિવારજનોએ નુકસાનીની ભરપાઇ કરવા અંગે હાથ ઉંચા કરી દેતા અંતે જગદીશભાઇ અને ભાગીદારોએ પોલીસમાં ફરીયાદ નોંધાવવાનુ નકકી કર્યુ હતું.

ધાતુના માલની ઘટ થતા કારીગરો પર નજર રાખવાનુ શરૂ કર્યુ ને કૌભાંડનો પર્દાફાશ કર્યો

આ સમગ્ર ઘટનામાં હિસાબ કર્યા બાદ માલની ઘટ આવતા જ ભાગીદારોએ કાયમી કર્મચારીઓ પર દેખરેખ રાખવાનુ શરૂ કર્યુ હતુ. ત્યારબાદ જાણવા મળ્યુ કે કર્મચારી હેમંત સાગઠીયા 27-10 ના રોજ કંપનીમાંથી 10 થી 15 ટ્રે ભરીને મેન્યુફેકચરીંગ કરેલો માલ બહાર લઇ જતો હતો. તેની સાથે વાહન પાછળ મુકેશ પણ ગયો હતો. આ ઘટના ભાગીદાર નલીનભાઇ લુણાગરીયાએ જોઇ હતી જેથી ત્યારબાદ કંપનીમાંથી જયા મેન્યુફેકચરીંગ માલ જાય છે ત્યા પુછતા ત્યાથી કંપનીમાંથી કોઇ માલ નહી આવ્યાનુ જણાવ્યુ હતુ. ત્યારબાદ હેમંતની સાથે ગયેલા મુકેશની પુછપરછ કરતા મુકેશે વટાણા વેરી દીધા હતા અને તેમણે વાત કરી હતી કે કંપનીની પાછળ આવેલી શિવ મેટલ નામની ભઠ્ઠીમાં હેમંત સાગઠીયા છેલ્લા છ-સાત મહીનાથી એલટેક કંપનીનો ઝીંક ધાતુ અને મેન્યુફેકચરીંગનો માલ ઓગાળવા જતો હતો અને પોતે તેના પૈસા વાપરી નાખતો હતો.