ભારતે એલન મસ્કની સેટેલાઇટ ઇન્ટરનેટ સેવા સ્ટારલિંકને ફટકો આપ્યો છે. અહેવાલો અનુસાર, સરકારે દેશમાં કોમર્શિયલ સેવાઓ શરૂૂ કરવા માટે સ્ટારલિંકની મંજૂરીને અસ્થાયી રૂૂપે રોકી દીધી છે. બ્લૂમબર્ગના અહેવાલ મુજબ, ઈરાન સંઘર્ષ દરમિયાન સ્ટારલિંક ટર્મિનલ્સના કથિત ઉપયોગને લઈને ઉભી થયેલી ચિંતા વચ્ચે ભારતે આ નિર્ણય લીધો છે. જોકે, સરકારે હજુ સુધી આ બાબતે કોઈ નિવેદન જાહેર કર્યું નથી. અહેવાલ મુજબ, ગૃહ મંત્રાલય હેઠળની સુરક્ષા એજન્સીઓએ સ્ટારલિંકના લોન્ચ માટે જરૂૂરી અંતિમ મંજૂરી રોકી રાખી છે.
અહેવાલોમાં દાવો કરવામાં આવ્યો છે કે ઈરાનમાં લાઈસન્સ ન મળ્યું હોવા છતાં મિડલ ઈસ્ટ યુદ્ધમાં સ્ટારલિંક ટર્મિનલ્સ ( ડિશ અને રિસીવર કરતું ડિવાઈસ, જેનાથી સેટેલાઇટ ઇન્ટરનેટ ચાલે છે)નો ઉપયોગ કરવામાં આવી રહ્યો છે. જેનાથી ભારત સરકારમાં ચિંતા વધી રહી છે. સૂત્રોના જણાવ્યા અનુસાર, સરકાર મૂલ્યાંકન કરી રહી છે કે શું કંપની વિદેશી સરકારોના દબાણ અને માંગણીઓ છતાં ભારતની સુરક્ષા જરૂૂરિયાતોનું પાલન સુનિશ્ચિત કરી શકે છે.
અહેવાલો અનુસાર, સ્ટારલિંકને લગભગ એક વર્ષ પહેલા ભારતમાં GMPCS લાઇસન્સ મળ્યું હતું, પરંતુ હજુ સુધી સુરક્ષા એજન્સીઓ તરફથી અંતિમ સુરક્ષા મંજૂરી મળી નથી. આ લાઇસન્સ કંપનીને સેવા લોન્ચ માટે તૈયારી કરવાની અને વ્યવસાય કરારોમાં પ્રવેશવાની મંજૂરી આપે છે પરંતુ તે હજુ પણ ગ્રાહકોને ઇન્ટરનેટ સેવાઓ પ્રદાન કરવાનું શરૂૂ કરવા માટે અંતિમ મંજૂરીની રાહ જોઈ રહ્યું છે. સ્ટારલિંકે અધિકારીઓને તેની સુરક્ષા વ્યવસ્થા બતાવી છે. પરંતુ સરકાર હજુ પણ ચોક્કસ મુદ્દાઓ અને વધારાના સુરક્ષા પગલાંની વિગતો પર વધુ સ્પષ્ટતા માંગી રહી છે.
અહેવાલ મુજબ, સ્ટારલિંકની સુરક્ષા મંજૂરી ત્યાં સુધી રોકેલી રહેશે જ્યાં સુધી તે સ્પષ્ટ ન કરે કે તે એક અમેરિકન કંપની હોવા છતાં અને વૈશ્વિક સ્તરે કાર્યરત હોવા છતાં ભારતના સુરક્ષા નિયમોનું સંપૂર્ણ પાલન કેવી રીતે સુનિશ્ચિત કરશે.
અહેવાલો અનુસાર, સ્ટારલિંકની મંજૂરીમાં વિલંબથી ભારતમાં સેટેલાઇટ સંચાર સેવાઓ માટે સ્પેક્ટ્રમ ફાળવણી પ્રક્રિયા પર પણ અસર પડી છે. ટેલિકોમ્યુનિકેશન વિભાગે જરૂૂરી માળખું તૈયાર કર્યું છે, પરંતુ તેને હજુ સુધી કેન્દ્રીય મંત્રીમંડળ સમક્ષ મંજૂરી માટે રજૂ કરવામાં આવ્યું નથી.
