વૈભવ સૂર્યવંશીથી કેપ્ટન શ્રેયસ ઐયર સુધી બધાજ નિષ્ફળ, ઇંગ્લેન્ડનો રેકોર્ડ
ઇંગ્લેન્ડે ત્રીજી ટી-20 મેચમાં ભારતને 125 રનથી હરાવ્યું હતું. આંતરરાષ્ટ્રીય ટી-20 ક્રિકેટમાં આ ટીમ ઇન્ડિયાનો સૌથી મોટો પરાજય છે. આ ઐતિહાસિક વિજય સાથે ઇંગ્લેન્ડે શ્રેણીમાં 2-0 ની લીડ મેળવી હતી. નોટિંગહામમાં રમાયેલી આ મેચમાં યજમાન ઇંગ્લેન્ડે પ્રથમ બેટિંગ કરી અને 201 રન બનાવ્યા હતા. જવાબમાં ભારત 76 રનમાં ઓલઆઉટ થઈ ગયું હતું.
પહેલાં ટી-20 ક્રિકેટ ઇતિહાસમાં ભારતને ક્યારેય 100 રન કે તેથી વધુથી હારનો સામનો કરવો પડ્યો ન હતો. ઇંગ્લેન્ડ આ રેકોર્ડ હાંસલ કરનાર પ્રથમ દેશ બન્યો હતો. વૈભવ સૂર્યવંશીથી લઈને અભિષેક શર્મા અને કેપ્ટન શ્રેયસ ઐયર સુધી બધા ખરાબ રીતે નિષ્ફળ ગયા હતા. શ્રેયસ ઐયરનો કેપ્ટન તરીકે સતત મેચમાં હારનો સિલસિલો ચાલુ છે.
આ પહેલાં ટીમ ઇન્ડિયાનો સૌથી મોટો ટી-20 પરાજય 80 રનથી હતો, જે 2019માં ન્યૂઝીલેન્ડ સામે આવ્યો હતો. દરમિયાન 76 રન ટી-20 ક્રિકેટ ઇતિહાસમાં ભારતીય ટીમ દ્વારા બીજા ક્રમનો સૌથી ઓછો સ્કોર છે. ભારતનો સૌથી ઓછો સ્કોર 74 રન છે, જે 2008માં ઓસ્ટ્રેલિયા સામે આવ્યો હતો.
સતત બીજી મેચમાં ભારતીય ટીમે સંજૂ સેમસનને ડ્રોપ કર્યો અને વૈભવ સૂર્યવંશીને તક આપી હતી. સૂર્યવંશીએ તેની ડેબ્યૂ મેચની જેમ, બે છગ્ગા ફટકાર્યા અને પાંચ બોલમાં 13 રન બનાવ્યા હતા. અભિષેક શર્મા 10 રન બનાવીને અને ઇશાન કિશન 13 રન બનાવીને આઉટ થયા હતા. થોડી જ વારમાં સ્કોર ચાર વિકેટે 41 રન થઈ ગયો હતો. કેપ્ટન શ્રેયસ ઐયરે ફક્ત પાંચ રન જ કર્યા હતા. અક્ષર પટેલે જોફ્રા આર્ચરની બોલ પર શાનદાર છગ્ગો ફટકાર્યો પરંતુ તે પણ ફક્ત 10 રન જ બનાવી શક્યો હતો. ભારત માટે પ્રથમ પાંચ વિકેટ 52 રનમાં પડી જ્યારે છેલ્લી પાંચ વિકેટ માત્ર 16 રનમાં ગુમાવી દીધી હતી.
ભારતનો દાવ ફક્ત 76 રનમાં સમેટાઈ ગયો. આ ટીમનો ટી-20 આંતરરાષ્ટ્રીય ક્રિકેટમાં બીજો સૌથી ઓછો સ્કોર છે. અગાઉનો સૌથી મોટો સ્કોર 2008માં મેલબોર્નમાં ઓસ્ટ્રેલિયા સામે 74 રન હતો. ભારતીય ટીમ તેની છેલ્લી પાંચ ઝ20 આંતરરાષ્ટ્રીય મેચોમાં એક પણ મેચ જીતી શકી નથી. ટીમને ચાર હાર અને એક ડ્રોનો સામનો કરવો પડ્યો છે. ટી-20 માં જીત માટે આ સૌથી લાંબી રાહ છે. ટીમ અગાઉ બે વખત સતત ચાર મેચ જીતવામાં નિષ્ફળ રહી હતી.
