કસ્ટમ્સ, એક્સાઇઝ અને સર્વિસ ટેક્સ એપેલેટ ટ્રિબ્યુનલ (ઈઊજઝઅઝ) ની અમદાવાદ બેન્ચે રાજપથ અને કર્ણાવતી ક્લબ દ્વારા તેમના સભ્યોને સર્વિસ ટેક્સની રકમ રિફંડ કરવામાં લાંબા સમય સુધી વિલંબ પર કડક વલણ અપનાવ્યું છે. ટ્રિબ્યુનલે ક્લબને બે વર્ષની અંદર સભ્યોને સર્વિસ ટેક્સ રિફંડમાં રૂૂ. 20 કરોડ પરત કરવાનો નિર્દેશ આપ્યો છે.
ન્યાયિક સભ્ય સોમેશ અરોરા અને ટેકનિકલ સભ્ય સતેન્દ્ર વિક્રમ સિંઘની આગેવાની હેઠળની ટ્રિબ્યુનલે ચુકાદો આપ્યો હતો કે રિફંડ કરેલી રકમ પર મેળવેલ કોઈપણ વ્યાજ એસ્ક્રો એકાઉન્ટમાં જમા કરાવવું જોઈએ, જેમાં ક્લબ દ્વારા કોઈ દાવો કરવામાં આવ્યો નથી. ટ્રિબ્યુનલે જણાવ્યું હતું કે, જો બે વર્ષની અંદર દાવો ન કર્યો હોય, તો મુદ્દલ અને વ્યાજ બંને ગ્રાહક કલ્યાણ ફંડમાં જમા કરાવવા જોઈએ.
કેસ રાજપથ ક્લબ લિમિટેડ પર કેન્દ્રિત છે, જેણે 2018ના ચુકાદાને પગલે સર્વિસ ટેક્સ વિભાગ પાસેથી રૂૂ. 17.18 કરોડનું રિફંડ મેળવ્યું હતું. પારસ્પરિકતાના સિદ્ધાંત પર આધારિત નિર્ણયમાં સ્પષ્ટતા કરવામાં આવી હતી કે એપ્રિલ અને સપ્ટેમ્બર 2016 વચ્ચે સભ્યો પાસેથી વસૂલવામાં આવેલ સર્વિસ ટેક્સ ચૂકવવાપાત્ર નથી. આ સિદ્ધાંત મુજબ, ક્લબ અને તેમના સભ્યો અલગ સંસ્થાઓ નથી, એટલે કે સભ્યોને આપવામાં આવતી સેવાઓ કરપાત્ર નથી.
આ કેસમાં અન્ય એક પક્ષકાર કર્ણાવતી ક્લબે રૂૂ. 2.66 કરોડ રિફંડ કર્યાની જાણ કરી હતી. જો કે, ટ્રિબ્યુનલે રાજપથ ક્લબની પુન:ચુકવણીના દાવાઓને સમર્થન આપવામાં નિષ્ફળતા અંગે ચિંતા વ્યક્ત કરી હતી. ટ્રિબ્યુનલે નોંધ્યું હતું કે, નસ્ત્રરિફંડ કરવામાં આવ્યું હતું તે સાબિત કરવા માટે ક્લબે દસ્તાવેજો પૂરા પાડ્યા નથી. વધુમાં, બંને ક્લબ સંબંધિત નાણાકીય વર્ષ અથવા ટેક્સ સમયગાળાનો ઉલ્લેખ કરવામાં નિષ્ફળ રહી છે, જે રિફંડ વિશે અસ્પષ્ટતા ઊભી કરે છે, ટ્રિબ્યુનલે નોંધ્યું હતું.
ટ્રિબ્યુનલે નોંધ્યું હતું કે 2018 માં રિફંડ પ્રાપ્ત કરવા છતાં, રાજપથ ક્લબે તેના સભ્યોને સંપૂર્ણ વળતર આપ્યું નથી. ક્લબના પ્રયાસો, જેમ કે રિફંડની અરજીઓ જારી કરવી અને વાર્ષિક સામાન્ય સભાઓમાં આ મુદ્દાની ચર્ચા કરવી, વર્ષોના મુકદ્દમા પછી પણ ધીમી રહી છે. ટ્રિબ્યુનલે ભારપૂર્વક જણાવ્યું હતું કે ક્લબ્સ તેમના સભ્યોને બાકી ભંડોળ જાળવી શકતી નથી.
આ મુદ્દા પર ટિપ્પણી કરતા, રાજપથ ક્લબના વાઇસ પ્રેસિડેન્ટ વિક્રમ શાહે જણાવ્યું, સભ્યોને બહુમતી રકમ પરત કરી દેવામાં આવી છે અને બાકીની રકમ માટે પ્રક્રિયા ચાલી રહી છે.
વિભાગના સૂત્રોએ જણાવ્યું હતું કે, કેસના મહત્વને ઓળખીને અને સભ્યોને ક્લબમાંથી તેમના નિયત રિફંડથી વંચિત રાખવામાં આવ્યા હતા તે હકીકતને ઓળખીને, તત્કાલિન ઈૠજઝ કમિશનર મોહિત અગ્રવાલે દલીલ કરી હતી કે રિફંડનો પ્રાથમિક અધિકાર સભ્યો પાસે છે જેમણે ખરેખર ખર્ચ ઉઠાવ્યો હતો.