તાહોએ તળાવ નજીક બરફ પર સ્કીઇંગ કરવા ગયેલા 15 પર્વતારોહકો દબાયા હતા
કેલિફોર્નિયામાં લેક તાહો નજીક હિમપ્રપાત પછી આઠ બેકક્ધટ્રી સ્કીઅર્સ મૃત હાલતમાં મળી આવ્યા છે અને એક હજુ પણ ગુમ છે, અધિકારીઓએ બુધવારે (18 ફેબ્રુઆરી, 2026) જણાવ્યું હતું, જે તેને ચાર દાયકાથી વધુ સમયમાં યુ.એસ.માં સૌથી ભયંકર હિમપ્રપાત બનાવે છે.
નેવાડા કાઉન્ટી શેરિફ શેનન મૂને એક ન્યૂઝ કોન્ફરન્સ દરમિયાન જણાવ્યું હતું કે અધિકારીઓએ પરિવારોને જણાવ્યું છે કે મિશન બચાવથી પુન:પ્રાપ્તિ તરફ આગળ વધી ગયું છે. 1981 પછી, જ્યારે માઉન્ટ રેઇનિયર, વોશિંગ્ટન પર 11 પર્વતારોહકો માર્યા ગયા હતા, તે પછી યુ.એસ.માં આ સૌથી ભયંકર હિમપ્રપાત છે.
મંગળવારે સવારે (17 ફેબ્રુઆરી, 2026) હિમપ્રપાત થયો ત્યારથી ગુમ થયેલા સ્કીઅર્સ શોધવા માટે ક્રૂને મુશ્કેલ પરિસ્થિતિઓનો સામનો કરવો પડ્યો છે. 911 કોલ દ્વારા હિમપ્રપાતમાં 15 સ્કીઅર્સ દટાયા હોવાની જાણ કરવામાં આવ્યા બાદ શોધ અને બચાવ ટુકડીઓને સિએરા નેવાડાના કાસલ પીક વિસ્તારમાં મોકલવામાં આવી હતી.
આ જૂથ ઉત્તરી કેલિફોર્નિયાના સિએરા નેવાડામાં ત્રણ દિવસના ટ્રેક પર હતું કારણ કે એક રાક્ષસી શિયાળુ વાવાઝોડું પશ્ચિમ કિનારા પર ત્રાટક્યું હતું. ઘણા કલાકોની શોધખોળ બાદ બચાવાયેલા બે લોકોને સારવાર માટે હોસ્પિટલમાં લઈ જવામાં આવ્યા હતા, એમ નેવાડા કાઉન્ટી શેરિફ ઓફિસના પ્રવક્તા એશ્ર્લે ક્વાડ્રોસે જણાવ્યું હતું. ભારે બરફ અને વધુ હિમપ્રપાતના ભયને કારણે લેક તાહોના ઉત્તરપશ્ચિમમાં કાસલ પીક નજીકના પર્વતોમાં બચાવ કાર્ય ધીમું પડી ગયું.
ડોનર સમિટ નજીકનો વિસ્તાર પશ્ચિમ ગોળાર્ધમાં સૌથી વધુ બરફીલા સ્થળોમાંનો એક છે અને થોડા વર્ષો પહેલા સુધી જાહેર જનતા માટે બંધ હતો. ટ્રકી ડોનર લેન્ડ ટ્રસ્ટ અનુસાર, જે ફ્રોગ લેક નજીક ઝૂંપડીઓનો સમૂહ ધરાવે છે જ્યાં જૂથ રહેતું હતું, ત્યાં દર વર્ષે સરેરાશ 35 ફૂટ બરફ પડે છે.
