બોટમાં બેસીને સ્પેન જવાનો પ્રયત્ન કરી રહેલ પાકિસ્તાનના 40 થી વધુ નાગરિકોનાં બોટ પલ્ટી ખાઈ જતા મૃત્યું નિપજ્યાનાં સમાચાર મળી રહ્યા છે. આ દુર્ઘટના ત્યારે સર્જાઈ જ્યારે પ્રવાસીઓથી ભરેલ બોટ મોરોક્કો પાસે સમુદ્રમાં પલ્ટી ખાઈ ગઈ. તેમજ આ અકસ્માતમાં 40 થી વધુ લોકોના મોત નિપજ્યા હોવાના સમાચાર પણ મળી રહ્યા છે. ઘટનાનાં સમાચાર મળતા જ અધિકારીઓ તાત્કાલીક ઘટના સ્થળે પહોંચી ગયા હતા. મળતી માહિતી મુજબ બોટમાં બેસીને કેટલાક લોકો સ્પેન જઈ રહ્યા હતા. બોટમાં આશરે 80 થી વધુ પ્રવાસીઓ બેઠા હતા. તેમજ આ બોટ મોરોક્કો પહોંચી ત્યારે અચાનક જ પલ્ટી ખાઈ ગઈ હતી.
તેમજ આ ઘટનામાં ઓછામાં ઓછા 50 લોકોનાં ડૂબી જવાથી મોત નિપજ્યા હોવાની શક્યતાઓ છે. તેમજ મૃત્યુ પામેલ લોકોમાં 40 પાકિસ્તાની નાગરિક હોવાનું જાણવા મળી રહ્યું છે.
એક દિવસ પહેલા પણ આવી જ દુર્ઘટના બની હતી. જે બાબતે મોરોક્કનનાં સત્તાવાળાઓએ એક દિવસ પહેલા જ બોટમાંથી 36 લોકોને બચાવ્યા હતા. ત્યારે આ બોટ મોરેશિયસથી 2 જાન્યુઆરીએ 86 પ્રવાસીઓ સાથે નીકળી હતી. આ પ્રવાસીઓમાં 66 પાકિસ્તાની નાગરિકોનો પણ સમાવેશ થાય છે. ત્યારે વોકિંગ બોર્ડર્સનાં સીઈઓએ સોશિયલ મીડિયા પર માહિતી આપી હતી કે ડૂબી ગયેલા લોકોમાં 44 લોકો પાકિસ્તાનના હતા.
