સુરક્ષિત અને વ્યવસ્થિત વીજળી કનેક્શન કટીંગ માટે તૈયારીઓ પૂર્ણ, 1463 મીટર ઉતારવાની કામગીરી કરાશે
રાજકોટ મહાનગરપાલિકા દ્વારા સોમવારે હાથ ધરવામાં આવનારા મોટા ડિમોલિશન અભિયાનમાં પશ્ચિમ ગુજરાત વીજ કંપની લિમિટેડ (PGVCL) મહત્વની ભૂમિકા ભજવશે. આ અભિયાનમાં PGVCLની 33 ટીમો જોડાશે, જેમાં વીજળીના કનેક્શન કાપવા અને મીટર ઉતારવાની કામગીરી કરવામાં આવશે. ડિમોલિશન વિસ્તારમાં આવેલા બે મુખ્ય ફીડર્સ સપના અને જંગલેશ્વર માં કુલ 1463 જેટલા વીજ કનેક્શન્સને અસર થશે. આ કામગીરીને સુરક્ષિત અને વ્યવસ્થિત રીતે પાર પાડવા માટે PGVCL એ વ્યાપક તૈયારીઓ કરી છે, જેમાં દરેક ટીમમાં એક એન્જિનિયર અને ચાર લાઇન સ્ટાફનો સમાવેશ કરવામાં આવ્યો છે.
વધુમાં, દરેક ટીમને એક વાહન પણ ફાળવવામાં આવશે, જેથી કામગીરીમાં કોઈ અડચણ ન આવે.મહાનગરપાલિકાના અધિકારીઓના જણાવ્યા મુજબ, આ અભિયાનમાં અસરગ્રસ્ત વિસ્તારોમાં આવેલા બાંધકામોને તોડી પાડવામાં આવશે, જેમાં મુખ્યત્વે રહેણાંક અને વ્યાપારિક ઇમારતોનો સમાવેશ છે. પરંતુ આ કામગીરીને સફળ બનાવવા માટે વીજળીના કનેક્શન્સને પ્રથમ કાપવા જરૂૂરી છે, જેથી કોઈ અકસ્માત ન થાય અને કામગીરી સરળતાથી પૂર્ણ થાય.
PGVCLના રાજકોટ સીટી સર્કલના એન્જિનિયર ડી.વાય. મહેતાએ જણાવ્યું કે, આ અભિયાનમાં તેમની ટીમોની ભૂમિકા અત્યંત મહત્વની છે. “અમે 33 ટીમો તૈયાર કરી છે, જેમાં દરેક ટીમમાં અનુભવી એન્જિનિયર અને લાઇન સ્ટાફનો સમાવેશ છે. આ ટીમોને વાહનો પણ આપવામાં આવશે, જેથી તેઓ ઝડપથી વિસ્તારમાં પહોંચી શકે અને કામગીરી શરૂૂ કરી શકે. સપના અને જંગલેશ્વર ફીડર્સમાં આવેલા 1463 કનેક્શન્સને કાપવા અને મીટર ઉતારવા માટે વ્યવસ્થિત યોજના તૈયાર કરવામાં આવી છે.
આ કામગીરીને ટૂંકા સમયમાં પૂર્ણ કરવા માટે ટીમોને વિભાજિત કરીને જવાબદારીઓ સોંપવામાં આવશે.આ અભિયાનની તૈયારીઓમાં સુરક્ષાને પ્રાથમિકતા આપવામાં આવી છે. ડિમોલિશન વિસ્તારમાં વીજળીના વાયરો અને પોલ્સને કારણે અકસ્માતનો ભય રહે છે, તેથી PGVCLની ટીમો પ્રથમ વીજળીના પુરવઠાને બંધ કરીને કનેક્શન્સ કાપશે. અમારી ટીમોને સુરક્ષા સાધનો જેમ કે હેલ્મેટ, ગ્લોવ્સ અને ઇન્સ્યુલેટેડ ટૂલ્સ આપવામાં આવશે. વધુમાં, અમે મહાનગરપાલિકા સાથે સંકલન કરીને કામગીરીનું શેડ્યૂલ તૈયાર કર્યું છે.
