અકસ્માત સર્જી નાસી છૂટેલા અજાણ્યા કાર ચાલકની શોધખોળશહેરમાં નવા 150 ફૂટ રિંગ રોડ પર આવેલમુંજકા ચોકડી પાસે બેકાબૂ કારે ઠોકરે લેતા રિક્ષાચાલકનું મોત નીપજ્યું હતું. આધેડના મોતથી પરિવારમાં ગમગીની છવાઇ જવા પામી હતી. બનાવને પગલે યુનિવર્સિટી પોલીસે અકસ્માત બાદ નાસી જનાર કારચાલક સામે ગુનો નોંધી તેને ઝડપી લેવા કાર્યવાહી કરી છે.આ બનાવ અંગે પોલીસમાંથી જાણવા મળતી વિગત મુજબ શહેરમાં કાલાવડ રોડ પર ઇસ્કોન મંદિર પાસે રહેતા રિક્ષાચાલક રાજુ ઉર્ફે રાજેશગીરી ઇશ્વરગીરી ગોસ્વામી નામના 52 વર્ષના આધેડ તેની રિક્ષા લઇને જતા હતા ત્યારે 150 ફૂટ રિંગ રોડ પર મુંજકા ચોકડી પાસે કારે રિક્ષાને ઠોકરે લેતા અકસ્માત સર્જાયો હતો.

અકસ્માતમાં ગંભીર રીતે ઘવાયેલા રિક્ષાચાલક રાજુ ઉર્ફે રાજેશગીરી ગોસ્વામીને તાત્કાલિક બેભાન હાલતમાં સારવાર માટે સિવિલ હોસ્પિટલમાં ખસેડાયા હતા જેનું સારવાર દરમિયાન મોત નીપજ્યું હતું. બનાવને પગલે યુનિવર્સિટી પોલીસ મથકના પીએસઆઇ રત્નું સહિતે તપાસ કરતા મૃતકને સંતાનમાં એક પુત્રી હોવાનું અને અગાઉ તેના પુત્રનું અવસાન થયાનું તેના પરિવારે જણાવતા પોલીસે અકસ્માત બાદ નાસી જનાર કારચાલક સામે ગુનો નોંધી કાર્યવાહી કરી છે.

રાજકોટ શહેરની શ્રમજીવી સોસાયટીમાં રહેતા અને સોની કામ કરતા અશ્ર્વિનભાઇ આડેસરાએ લીંબડીમાં ઝેરી દવા પી આપઘાત કરી લીધો હતો. આ ઘટનામાં અશ્ર્વિનભાઇ પાસેથી મળેલી સ્યુસાઇડ નોટના આધારે 4 વેપારીઓ સામે આપઘાતની ફરજ અંગેનો ગુનો નોંધવામાં આવ્યો હતો. આ મામલે મૃતકના પરીવારજનોએ એ ડીવીઝન પોલીસ મથકમાં કિશનભાઇ આહીર અને ભગીરથસિંહ ઝાલા વિરૂધ્ધ પૈસા પડાવ્યાનો આક્ષેપ કરતા બંને પોલીસમેનને સસ્પેન્ડ કરી દેવામાં આવ્યા હતા હવે આ ઘટનામાં નવો વળાંક આવ્યો છે જેમાં મૃતક અશ્ર્વિનભાઇ આડેસરાનો પુત્ર હિરેન આડેસરા ક્રિપ્ટો કરન્સીમાં નાણા હારી જતા આ સમગ્ર સ્ટોરી ઘડયાનો ઘટસ્ફોટ થયો છે.

પિતાના આપઘાત બાદ પુત્ર હિરેને અને ભાઇ તેજસે આક્ષેપ કર્યો હતો કે અશ્ર્વિનભાઇ એ સ્યુસાઇડ નોટમાં ચારના નામ લખ્યા હતા તે ધર્મેશભાઇ, અતુલ પારેખ, મનોજ અને વિવેક વિનુ પટેલે અગાઉ એ ડીવીઝન પોલીસ મથકમાં અશ્ર્વિનભાઇ આડેસરા અને તેમના પુત્ર હિરેને સોનાની ચોરી કર્યાનો પોલીસમાં આક્ષેપ કર્યો હતો. આ મામલે બંને પોલીસમેને પિતા-પુત્રને પોલીસ મથકે લઇ જઇ બેફામ માર માર્યો હતો અને સોનુ પડાવી લીધાનો ગંભીર આક્ષેપ કરવામાં આવ્યો હતો. આ ઘટનામાં સમગ્ર હકીકત બહાર આવી છે કે હિરેન આડેસરા ક્રિપ્ટો કરન્સીમાં નાણા રોકયા હોય તે નાણા હારી જતા વેપારીઓ પાસેથી સોનુ ચોરી કર્યાનુ કબુલાત આપતુ વિડીયો હાલ સોશ્યલ મીડીયામાં વાઇરલ થઇ રહયો છે તેમજ પોલીસ સુત્રોમાંથી જાણવા મળી રહયુ છે કે હિરેન આડેસરાએ જે વેપારીઓ પાસેથી સોનુ લીધુ છે તે વેપારીઓને સોનુ આપવાની વાત થઇ હતી આ સોનુ પરત આપવાને બદલે ક્રિપ્ટો કરન્સીમાં નાણા રોકી દીધા હતા તેમજ પોલીસ કમિશનરે પણ મૃતકના ભાઇ અને પુત્રની વાતોને ધ્યાને રાખી બંને પોલીસમેનને સસ્પેન્ડ કર્યા છે ત્યારે જો આ બંને પોલીસમેન સાચા હોય તો તેઓને ફરી ફરજ પર લેવા લોકોમાં ચર્ચા જાગી છે તેમજ પોલીસને ગેરમાર્ગે દોરનાર હિરેન આડેસરા વિરૂધ્ધ પોલીસ કાર્યવાહી કરે છે કે કેમ ? તે અંગે હવે સવાલ ઉઠી રહયા છે.

સમાજસેવક સવાણીના વેવાઇ પાસેથી ખોટી વ્યાજ ચિઠ્ઠી બનાવી પૈસા પડાવવાના પ્રકરણમાં એકની ધરપકડ

સુરતના જાણીતા ઉદ્યોગપતિ અને સમાજસેવક મહેશ સવાણીના વેવાઈએ વેડરોડના ફાઇનાન્સર સાથે 33 કરોડમાં મગદલ્લાની જમીનનો સોદો કર્યો હતો. જેમાં દસ્તાવેજ સમયે ફાઇનાન્સર અને તેના પુત્રે મહેશ સવાણીના નામે 5.61 કરોડ લેવાના બાકી છે, એવી ખોટી ચિઠ્ઠી બનાવી વેવાઇ પાસે ઉઘરાણી કરી હતી. વેવાઇની કરોડોની જમીન ઘોંચમાં ન પડે અને સંબંધ ન બગડે તે માટે મહેશ સવાણીએ 5.61 કરોડ ફાઇનાન્સરને આપી મગદલ્લાની જમીનનો દસ્તાવેજ કરાવ્યો હતો જોકે, ખોટી વ્યાજચિઠ્ઠી બાબતે પોલીસ કમિશનરને અરજી કરતાં ક્રાઇમ બ્રાન્ચે શુક્રવારે મહેશ સવાણીની ફરિયાદ લીધી હતી. ક્રાઇમ બ્રાન્ચે આ ગુનામાં મુકેશ સવાણીની ધરપકડ કરી છે જ્યારે ફાઇનાન્સર પિતા-પુત્ર હાલ ફરાર છે.

ભટાર રોડ વિસ્તારમાં આવેલ આશિર્વાદ પેલેસમાં રહેતાં મહેશ વલ્લભાઈ સવાણી (ટોપી) (મુળ રહે, રાણપરડા,તા.પાલીતાણા,જિ.ભાવનગર) એ વેડરોડ ઉપરની લક્ષ્મીવાડી સોસાયટીમાં રહેતાં પ્રવિણ ઉર્ફે પીના શામજીભાઈ ગુજરાતી તેમના પુત્ર ક્રિશ્ના ગુજરાતી અને સુમૂલ ડેરી રોડ પર વિશ્વકૃપા સોસાયટીમાં રહેતા મુકેશ સવાણી વિરુધ્ધ છેતરપિંડી અને નાણા પડાવવા મામલે ફરિયાદ નોંધાવી છે. મગદલ્લાની એક જમીનના દસ્તાવેજ બાબતે પીના ગુજરાતી અને તેનો દીકરો ક્રિષ્ના ગુજરાતીએ 5.61 કરોડ રૂૂપિયાની વધારાની રકમ પડાવી લીધાનો ફરિયાદમાં આક્ષેપ કરવામાં આવ્યા છે. મહેશ સવાણીએ ગત ઓગસ્ટ મહિનામાં ક્રાઈમ બ્રાન્ચમાં અરજી કરી હતી. અરજીની તપાસના અંતે ક્રાઈમ બ્રાન્ચે ગુનો નોંધ્યો છે .પીના ગુજરાતી જમીન લે-વેચ સાથે સંકળાયેલા વ્યવસાયી છે. જમીન લે-વેચમાં તેમનું નામ ખૂબ જ જાણીતું છે.

મહેશ સવાણીના વેવાઇ જગુભાઈ ખેનીએ 2019માં કઠોદરાની 44 વીંઘા જમીન ધંધાકીય બાકી લેણા બાબતે હીરા વેપારીને વેચાણ આપી હતી. જેમાં હીરાવેપારી પાસેથી વધારાના બાકી લેણા 36 કરોડ નીકળતા હતા. બીજી તરફ હીરા વેપારીએ પીના ગુજરાતી પાસેથી 36 કરોડ લેવાના હતા. આથી, હીરા વેપારીએ મહેશ સવાણીના વેવાઇને પીના ગુજરાતી સાથે મીટીંગ કરાવી મગદલ્લાની 33 કરોડની જમીન જે પીના ગુજરાતીની માલિકીની હતી તેનો સોદો કરાવ્યો હતો. બાકીના 3 કરોડ પીના ગુજરાતીએ લાલાભાઈ તમને આપી દેશે, એમ કહી જવાબદારી લઈ ડાયરીમાં પીનાએ લખાણ સાથે સહી કરી હતી. આથી હીરા વેપારીનો બાકી હિસાબ 36 કરોડનો પૂર્ણ થયો હતો.
2020માં જગુભાઈ ખેનીએ મગદલ્લાની જમીનનો દસ્તાવેજ કરાવવા વાત કરતાં પીના ગુજરાતીએ તેમને એક ચિઠ્ઠીની ઝેરોક્ષ બતાવી હતી. જેમાં મહેશ સવાણીએ રાજુ દેસાઈને 4 કરોડ દોઢ ટકા વ્યાજે આપેલા છે. જે વ્યાજ સહિત 5.61 કરોડ રાજુ દેસાઈ પાસેથી મહેશ સવાણીએ લેવાના નીકળે છે.

પીના ગુજરાતીએ જગુભાઇને કહ્યું કે, મારે રાજુ દેસાઈ પાસેથી 5.61 કરોડ લેવાના છે. જે તમે મને આપશો તો હું તમને જુનો સર્વે નંબર-41 પૈકી 1 અને નવો સર્વે નંબર-30 પૈકી 2 વાળી આશરે 1026.67 ચો.મી. તથા 728.90 ચો.મી. જમીન છે તેનો દસ્તાવેજ બનાવી આપીશ. આ વાત જગુભાઇએ કરતાં મહેશ સવાણીએ કહ્યું કે, હું કોઈ રાજુ દેસાઈને ઓળખતો નથી અને મારે કોઈ લેવડદેવડ નથી. ચિઠ્ઠીની ઝેરોક્ષમાં મહેશ સવાણીની સહી બોગસ હતી અને દોઢ ટકા લેખે 4 કરોડ રૂૂપિયા રોકડા લીધા છે એવો ઉલ્લેખ કરેલો હતો.