પ્રશાંત કિશોરે કહ્યું કે સુપ્રીમ કોર્ટ તરફથી ચૂંટણી પંચને નોટિસ આપવામાં આવી છે. તમે ભૂલ કરશો તો નોટિસ આપશે જ. પરંતુ સુપ્રીમ કોર્ટની નોટિસ આપવાથી કંઈ નહીં થાય. તેમણે કહ્યું કે સુપ્રીમ કોર્ટે આ મામલે કાર્યવાહી કરવી જોઈતી હતી. સુપ્રીમ કોર્ટે આજ સુધી કોઈ કાર્યવાહી કરી નથી. સુપ્રીમ કોર્ટની નજર સામે જઈંછમાં ભૂલ થઈ છે. સુપ્રીમ કોર્ટની નજર સામે ચૂંટણીમાં ગેરરીતિ થઈ છે. સુપ્રીમ કોર્ટની નજર સામે બિહારમાં આશરે 20 હજાર કરોડ રૂૂપિયા ખર્ચીને મત ખરીદવામાં આવ્યા છે. અને સુપ્રીમ કોર્ટે કહ્યું કે તેમને તેમાં હસ્તક્ષેપ કરવો નથી.
ધારાસભ્ય પ્રશાંત કિશોરે કહ્યું કે જો સુપ્રીમ કોર્ટ સજાગ હોત તો ચૂંટણી પંચની આ દુર્દશા ન હોત. તેની વિશ્વસનીયતા પર આટલો મોટો સવાલ ન ઊઠત. તેમણે કહ્યું કે જ્ઞાનેશ કુમાર અથવા કોઈ એક વ્યક્તિ પદ પરથી હટે કે પદ પર રહે, તેનાથી કોઈ ફરક પડતો નથી. છેલ્લા ઘણા વર્ષોથી ચૂંટણી પંચના કામકાજને કારણે તેની વિશ્વસનીયતા પર સવાલ ઊભા થયા છે. લોકોનો ચૂંટણી પંચ પર વિશ્વાસ ઘટ્યો છે.
તેમાં માત્ર જ્ઞાનેશ કુમાર નામના એક વ્યક્તિ અંગે ચર્ચા કરવાનો કોઈ ફાયદો નથી. જે રીતે છેલ્લા કેટલાક વર્ષોથી ચૂંટણીઓ યોજાઈ રહી છે. પછી તે મતદાર યાદીનો મામલો હોય, આચારસંહિતાના અમલનો મામલો હોય, ચૂંટણીની તારીખ અને સમયપત્રકની જાહેરાતની વાત હોય. પૈસા અને ધર્મ-જાતિના દુરુપયોગનો મામલો હોય કે મતગણતરી દરમિયાન ગેરરીતિની વાત હોય. તમામ પાસાઓ પરથી સ્પષ્ટ દેખાય છે કે ચૂંટણી પંચ મોટા ભાગે સત્તારૂૂઢ પક્ષની મદદમાં ઊભું છે.
