કેન્દ્રીય મંત્રી જ્યોતિરાદિત્ય સિંધિયાના પુત્ર અને મધ્યપ્રદેશ ક્રિકેટ એસોસિએશન (MPCA) ના પ્રમુખ મહાઆર્યમન સિંધિયા શિવપુરીની મુલાકાત દરમિયાન અકસ્માતમાં ઘાયલ થયા હતા. અચાનક બ્રેક મારવાથી તેમને છાતીમાં ઈજા થઈ હતી.અહેવાલો અનુસાર, મહાઆર્યમન જનતાનું સ્વાગત કરવા માટે તેમની કારના સનરૂૂફમાંથી બહાર ઝૂકી રહ્યા હતા ત્યારે ડ્રાઇવરે અચાનક બ્રેક લગાવી. આ ટક્કરને કારણે તેમની છાતી કારના આગળના ભાગ સાથે અથડાઈ ગઈ.
શિવપુરીની તેમની બે દિવસીય મુલાકાતના બીજા દિવસે, સોમવારે, મહાઆર્યમન સિંધિયા કોલારસ વિધાનસભા મતવિસ્તારમાં એક યુવા સંમેલનમાં હાજરી આપી રહ્યા હતા. મુલાકાત દરમિયાન, તેમણે કોલેજ ગ્રાઉન્ડ પર આયોજિત એક ક્રિકેટ ટુર્નામેન્ટની પણ મુલાકાત લીધી, જ્યાં તેઓ સમર્થકોનું સ્વાગત કરી રહ્યા હતા. ડ્રાઇવરે અચાનક બ્રેક લગાવી, જેના કારણે તેમને ઈજા થઈ.
શરૂૂઆતમાં, સિંધિયાએ ઈજાને નાની માનીને તેમનો પ્રવાસ ચાલુ રાખ્યો, પરંતુ સાંજ સુધીમાં તેમની છાતીમાં દુખાવો વધુ ખરાબ થઈ ગયો. સાવચેતી રૂૂપે, તેમને તાત્કાલિક શિવપુરી જિલ્લા હોસ્પિટલમાં લઈ જવામાં આવ્યા, જ્યાં ડોકટરોએ સીટી સ્કેન કર્યું. હોસ્પિટલ મેનેજમેન્ટ અને વહીવટીતંત્ર પરિસ્થિતિ પર નજીકથી નજર રાખી રહ્યું છે. હાલમાં તેમની સ્થિતિ સ્થિર હોવાનું જાણવા મળ્યું છે.
