રાષ્ટ્રીય
ઉમર અબ્દુલ્લાની તાજપોશી, કાશ્મીરમાં હતા ત્યાં ને ત્યાં
જમ્મુ અને કાશ્મીરમાં ફરી ઉમર અબ્દુલ્લાની મુખ્ય મંત્રીપદે તાજપોશીનો તખ્તો તૈયાર છે. વિધાનસભાની ચૂંટણીમાં નેશનલ કોન્ફરન્સે બહુમતી મેળવી પછી ઉમર અબ્દુલ્લા મુખ્ય મંત્રી બનશે એ નક્કી જ હતું. 95 સભ્યો ધરાવતી જમ્મુ કાશ્મીર વિધાનસભામાં નેશનલ કોન્ફરન્સે 42 બેઠકો જીતી છે જ્યારે તેના સાથી પક્ષ કોંગ્રેસે 6 બેઠકો જીતી છે તેથી 48 બેઠકો સાથે બંને પાસે સ્પષ્ટ બહુમતી હતી. હવે ઉમરને 4 અપક્ષ સભ્યોએ ટેકો જાહેર કર્યો છે. ઉમરની તાજપોશી સાથે જમ્મુ અને કાશ્મીરનું રાજકારણ પાછું 2014 પહેલાંના સમયમાં આવી ગયું છે. મોદી સરકારે બંધારણની કલમ 370 નાબૂદ કરી પછી ભાજપ છવાઈ જશે અને વંશવાદી રાજકારણ ચલાવતા પરિવારો ફેંકાઈ જશે એવું કહેવાતું પણ એવું થયું નથી. કમ સે કમ અબ્દુલ્લા પરિવારના કિસ્સામાં તો એવું નથી જ થયું. અબ્દુલ્લા પરિવાર વરસોથી કાશ્મીરના રાજકારણમાં અડિંગો જમાવીને બેઠેલો છે ને સત્તા ભોગવે છે. દેશ આઝાદ થયો ત્યારે ફારૂૂકના પિતા શેખ અબ્દુલ્લાએ પાકિસ્તાનની સામે પડીને ભારતને મદદ કરેલી.
અબ્દુલ્લા અઠંગ ખેલાડી હતા ને લાભ વિના લોટે એમ નહોતા. કાશ્મીરના રાજા હરિસિંહ સામે તેમને વાંધો હતો એટલે દેશ આઝાદ થયો એ પહેલાંથી એ હરિસિંહને તગેડવા મથ્યા કરતા હતા. કાશ્મીરમાં તેમણે પહેલાં જ લોકોને હરિસિંહ સામે ભડકાવી રાખેલા. પાકિસ્તાને અચાનક આક્રમણ કર્યું તેમાં જવાહરલાલ નહેરૂૂ બઘવાઈ ગયેલા ને દોડતા થઈ ગયેલા. શેખ અબ્દુલ્લાએ હરિસિંહ સામેના આંદોલનનું નેતૃત્વ કરેલું તેથી લોકપ્રિયતા હતી. તેના કારણે જમ્મુ અને કાશ્મીરના રાજકારણમાં કેન્દ્રસ્થાને રહ્યા અને વરસો લગી તેમણે રાજ કર્યું. કાશ્મીરમાં વચ્ચે વચ્ચે બીજા પક્ષો સત્તામાં આવી જાય છે ખરા પણ પછી પાછું અબ્દુલ્લા પરિવારનું જ રાજ આવી જાય છે ને અત્યારે પાછું એ જ થયું છે. શેખ અબ્દુલ્લા ગયા પછી તેમનો દીકરો ફારૂૂક આવ્યો ને પછી ઉમર અબ્દુલ્લા આવ્યો. એ રીતે અબ્દુલ્લા પરિવારની ત્રણ પેઢીએ કાશ્મીર પર રાજ કર્યું છે અને ફરી પાછું તેમનું રાજ આવી ગયું. અબ્દલ્લા પરિવાર ફરી બેઠો થયો તેમાં ભાજપનું યોગદાન મોટું છે.
કેન્દ્રમાં નરેન્દ્ર મોદીની સરકાર આવી પછી દેશભરમાં સ્થિતિ બદલાઈ. તેની અસર કાશ્મીર પર પણ પડી હતી. કાશ્મીર કાશ્મીર ખીણ, જમ્મુ અને લેહ-લદાખ એમ ત્રણ ભાગમાં વહેંચાયેલું હતું. આ પૈકી જમ્મુમાં હિન્દુઓની બહુમતી હોવાથી ભાજપે ખિલા ઠોકી દીધા છે પણ માત્ર જમ્મુના જોરે ભાજપ કાશ્મીર પર રાજ ના કરી શકે તેમ હોવાથી ભાજપે મહેબૂબા મુફતીની પીડીપી સાથે જોડાણ કર્યું. પીડીપી અને ભાજપ બંનેએ કાશ્મીરના વિકાસને પ્રાધાન્ય આપવાની જરૂૂર હતી પણ તેના બદલે બંને પોતપોતાના રાજકીય એજન્ડાને વળગી રહ્યાં. મહેબૂબા મુફતીને મુસ્લિમ મતબેંક અને કાશ્મીર ખીણની ભાજપ વિરોધી માનસિકતા ધરાવતાં પરિબળોને સાચવવામાં રસ હતો જ્યારે ભાજપને પોતાની હિંદુ મતબેંક સાચવવામાં રસ હતો તેથી એ પ્રમાણે નિર્ણય લીધા તેમાં જોડાણ તૂટ્યું. મોદી સરકારે કલમ 370 નાબૂદ કરીને કાશ્મીરનું વિભાજન કર્યું પણ તેના કારણે જમ્મુ અને કાશ્મીરનાં રાજકીય સમીકરણો ના બદલાયાં. આ કારણે અબ્દુલ્લા પરિવારને ફરી બેઠા થવાની તક મળી ગઈ.
કાશ્મીર ખીણમાં મહેબૂબાનો પ્રભાવ વધારે હતો પણ ભાજપ સાથે જોડાણ કર્યું તેમાં મહેબૂબા અપ્રિય થયાં અને અબ્દુલ્લા પરિવાર સિવાય બીજા કોઈ વિકલ્પ કાશ્મીર ખીણના કારણે ના રહ્યો. કાશ્મીરમાં પીડીપી ને ભાજપનું જોડાણ હતું ત્યારે લાગતું હતું કે, ફારૂૂક કે ઉમર ફરી ગાદી પર આવી શકે એમ નથી પણ મહેબૂબાના ભાજપ સાથેનો જોડાણે એ તક આપી દીધીને ઉમર ફરી મુખ્ય મંત્રીપદે બેસે તેનો તખ્તો તૈયાર છે.
Sports
IND VS NZ: માત્ર 46 રનમાં જ ટીમ ઈન્ડિયા ઓલઆઉટ, એશિયામાં સૌથી ઓછો સ્કોર બનાવવાનો શરમજનક રેકોર્ડ
શ્રીલંકા જેવી નબળી ટીમ સામે 0-2થી હારી ગયેલી ન્યુઝીલેન્ડની ટીમે બેંગલુરુમાં ટીમ ઈન્ડિયાને હરાવ્યું હતું. બેંગલુરુ ટેસ્ટના બીજા દિવસે એમ ચિન્નાસ્વામીની પીચ પર ટીમ ઈન્ડિયાની બેટિંગ પત્તાના પોટલાની જેમ છવાઈ ગઈ હતી. ટીમ ઈન્ડિયાએ પ્રથમ દાવમાં માત્ર 46 રન બનાવ્યા હતા. સ્થિતિ એવી હતી કે ટીમ ઈન્ડિયાના માત્ર બે બેટ્સમેન ડબલ ફિગર સુધી પહોંચ્યા હતા, જ્યારે અડધી ટીમ ખાતું પણ ખોલી શકી નહોતી. વિરાટ કોહલી, કેએલ રાહુલ, સરફરાઝ ખાન, રવિન્દ્ર જાડેજા અને આર અશ્વિનના ખાતા પણ ખોલાયા ન હતા. રિષભ પંત 20 રન બનાવીને ટીમ તરફથી સૌથી વધુ રન બનાવનાર ખેલાડી હતો.
46 રન ટીમ ઈન્ડિયાનો તેની ધરતી પર સૌથી ઓછો સ્કોર છે. આ પહેલા ભારતીય ટીમ 1979માં વેસ્ટ ઈન્ડિઝ સામે 75 રનમાં પડી ગઈ હતી. ટેસ્ટ ક્રિકેટમાં ટીમ ઈન્ડિયાનો આ ત્રીજો સૌથી ઓછો સ્કોર છે. 2020માં ટીમ ઈન્ડિયા ઓસ્ટ્રેલિયા સામે 36 રનમાં આઉટ થઈ ગઈ હતી અને હવે આ ટીમ પોતાના ઘરે 50 રન સુધી પહોંચી શકી નથી.
ટીમ ઈન્ડિયા માટે ચિન્નાસ્વામીની એ જ ગ્રાઉન્ડ પર રન બનાવવા મુશ્કેલ બની ગયા જ્યાં સિક્સર અને ફોરનો વરસાદ થાય છે. કેપ્ટન રોહિત શર્માએ રમતના બીજા દિવસે ટોસ જીત્યો અને તેણે પ્રથમ બેટિંગ કરવાનું પસંદ કર્યું. આ પછી ન્યુઝીલેન્ડના બોલરોએ રમત પૂરી કરી. ટીમ ઈન્ડિયાને પહેલો ઝટકો ટિમ સાઉથીએ આપ્યો, જેણે માત્ર 2 રન પર રોહિત શર્માને બોલ્ડ કર્યો. આ પછી વિરાટ કોહલી ક્રિઝ પર આવ્યો અને આ ખેલાડી ખાતું ખોલાવ્યા વગર જ આઉટ થઈ ગયો. આ પછી સરફરાઝ ખાન સાથે પણ આવું જ થયું.
એવું લાગતું હતું કે ઋષભ પંત અને યશસ્વી જયસ્વાલ ઇનિંગ્સને સંભાળશે પરંતુ ન્યુઝીલેન્ડના ઝડપી બોલરોની યોજના અલગ હતી. વિલિયમ ઓ’રોર્કે યશસ્વી જયસ્વાલને પણ આઉટ કર્યો હતો. કેએલ રાહુલ ખાતું પણ ખોલી શક્યો ન હતો અને ટીમ ઈન્ડિયાએ 33 રનમાં અડધી ટીમ ગુમાવી દીધી હતી. આ પછી, એવું લાગી રહ્યું હતું કે બે વિકેટ પડવાની લાઇનમાં છે. જાડેજા અને અશ્વિન પણ શૂન્ય પર સેટલ થઈ ગયા અને થોડી જ વારમાં ટીમ ઈન્ડિયા શરમજનક સ્કોર પર આવી ગઈ. જે ડોમેસ્ટિક ટેસ્ટ મેચમાં તેનો સૌથી ઓછો સ્કોર છે.
રાષ્ટ્રીય
હરિયાણામાં ત્રીજી વખત ભાજપ સરકાર, નાયબ સૈનીએ મુખ્યમંત્રી પદના લીધા શપથ, PM મોદી, શાહ- નડ્ડા રહ્યા હાજર
નાયબ સિંહ સૈનીએ બીજી વખત હરિયાણાના મુખ્યમંત્રી તરીકે શપથ લીધા છે. આ પ્રસંગે વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ અને ભાજપના અન્ય ટોચના નેતાઓ હાજર રહ્યા હતા. પંચકુલામાં આયોજિત આ સમારોહમાં કેન્દ્રીય પ્રધાન રાજનાથ સિંહ, નીતિન ગડકરી અને હરિયાણાના ભૂતપૂર્વ મુખ્ય પ્રધાન મનોહર લાલ ખટ્ટર ઉપરાંત ભાજપ શાસિત રાજ્યોના મુખ્ય પ્રધાનો અને તેમના નાયબ મુખ્ય પ્રધાનોએ પણ ભાગ લીધો હતો.આ શપથ ગ્રહણ કાર્યક્રમમાં લગભગ 50,000 લોકો ભાગ લેવાનો દાવો છે. દેશભરમાંથી લગભગ દોઢ ડઝન NDA નેતાઓ પણ અહીં પહોંચ્યા હતા.
આ શપથ ગ્રહણ હરિયાણા માટે ઐતિહાસિક ઘટના છે કારણ કે હરિયાણામાં ભાજપે સતત ત્રીજી વખત સરકાર બનાવી છે. નાયબ સિંહ સૈની સાથે, 10 થી 12 મંત્રીઓ પણ શપથ લઈ રહ્યા છે 5 ઓક્ટોબરે હરિયાણામાં ચૂંટણી યોજાઈ હતી જેમાં ભાજપે 90 માંથી 48 બેઠકો જીતી હતી જ્યારે કોંગ્રેસે 37 બેઠકો જીતી હતી.
રાષ્ટ્રીય
સલમાન મુક્તિધામ મુકામ પર આવી માફી માગે તો બિશ્નોઈ સમાજ માફ કરશે
બોલિવૂડ અભિનેતા સલમાન ખાન અને બિશ્નોઈ ગેંગ વચ્ચેનો વિવાદ ફરી એકવાર ચર્ચામાં છે. મહારાષ્ટ્રના પૂર્વ મંત્રી અને ગઈઙ નેતા બાબા સિદ્દીકીની હત્યાથી ફરી એકવાર આ મામલો ગરમાયો છે. હવે બિશ્નોઈ સમાજ તરફથી એક મોટું નિવેદન સામે આવ્યું છે. જેમાં કહેવામાં આવ્યું છે કે સલમાન ખાનને માફ કરી દેવામાં આવશે, પરંતુ તેના માટે ભાઈજાને એક કામ કરવું પડશે.
એક વાતચીતમાં અખિલ ભારતીય બિશ્નોઈ મહાસભાના રાષ્ટ્રીય અધ્યક્ષ દેવેન્દ્ર બુડિયાએ કહ્યું હતું કે, પજો સલમાન ખાન પોતાનો ગુનો કબૂલે અને જાહેરમાં માફી માંગે તો બિશ્નોઈ સમાજ તેમને માફ કરવા માટે તૈયાર છે. દેવેન્દ્ર બુરિયાએ કહ્યું હતું કે, જ્યારે તેઓ મુક્તિધામ મુકામ ખાતે આવીને માફી માંગશે ત્યારે જ તેમની માફી સ્વીકારવામાં આવશે. મુક્તિધામ મુકામ બિશ્નોઈ સમુદાય માટે એક પવિત્ર સ્થળ માનવામાં આવે છે.
દેવેન્દ્ર બુડિયાએ કહ્યું હતું કે, અમારો એક મોટો સિદ્ધાંત છે, જે ગુરુ જંભેશ્વેરજી દ્વારા આપવામાં આવ્યો છે. અમારો આ સિદ્ધાંત છે કે જો કોઈ સાચા મનથી માફી માંગે તો તેમને માફ કરી શકાય છે. જો સલમાન ખાન તેમની ભૂલ સ્વીકારે છે, તો બિશ્નોઈ સમાજ તેમને માફ કરી શકે છે.
-
આંતરરાષ્ટ્રીય2 days ago
SCO સમિટ માટે વિદેશ મંત્રી એસ. જયશંકર ઇસ્લામાબાદ પહોંચ્યા, 9 વર્ષ બાદ પાકિસ્તાન પહોંચનાર પ્રથમ નેતા
-
ક્રાઇમ2 days ago
ક્ષત્રિય મહિલા અગ્રણી પદ્મિનીબા વાળાનો પુત્ર સાથે મળી પતિ ઉપર પાઇપ વડે હુમલો
-
રાષ્ટ્રીય20 hours ago
10 પત્નીઓ, 6 ગર્લફ્રેન્ડ્સ, 5 સ્ટાર હોટેલમાં રહેઠાણ, પ્લેન અને જેગુઆરમાં ફરતા ,જાણો ઉત્સુક ચોરની કહાની
-
આંતરરાષ્ટ્રીય21 hours ago
નિક જોનાસના માથા પર લેસર બીમ, પ્રિયંકા ચોપરાના પતિએ ડરીને સ્ટેજ છોડ્યું,જાણો કારણ
-
આંતરરાષ્ટ્રીય2 days ago
પાકિસ્તાન: પૂર્વ ISI ચીફ ફૈઝ હમીદની ધરપકડ
-
આંતરરાષ્ટ્રીય2 days ago
ચૈન્નઇ-તમિલનાડુ ફરી જળબંબાકાર, શાળા-કોલેજોમાં રજા
-
ગુજરાત2 days ago
પ્રકૃતિના વિકાસમાં સહકાર પણ ખેડૂતોના ભોગે નહીં: કિસાન સંઘ
-
ગુજરાત2 days ago
આનંદનગર કોલોનીની તરૂણી બે દિવસથી તાવમાં પટકાયા બાદ મોત