ટ્રમ્પનો પ્રહાર: અમેરિકી ચિપ્સથી તૈયાર નહીં થઇ શકે ચીની AI મોડેલ

અમેરિકન રાષ્ટ્રપતિ ડોનાલ્ડ ટ્રમ્પે આર્ટિફિશિયલ ઇન્ટેલિજન્સ (AI) ની રેસમાં ચીનને પછાડવા અને તેના પર સકંજો કસવા માટે એક મોટું પગલું ભર્યું છે. ટ્રમ્પ પ્રશાસને નિકાસના…

અમેરિકન રાષ્ટ્રપતિ ડોનાલ્ડ ટ્રમ્પે આર્ટિફિશિયલ ઇન્ટેલિજન્સ (AI) ની રેસમાં ચીનને પછાડવા અને તેના પર સકંજો કસવા માટે એક મોટું પગલું ભર્યું છે. ટ્રમ્પ પ્રશાસને નિકાસના નિયમોને અત્યંત કડક બનાવતા એ સુનિશ્ચિત કરી દીધું છે કે હવે ચીની કંપનીઓ અમેરિકન ચિપ્સ અને સર્વરનો ઉપયોગ કરીને પોતાના AI મોડલ વિકસિત કરી શકશે નહીં.

હકીકતમાં, અમેરિકા પહેલાથી જ ચીનને સીધી રીતે પોતાની સૌથી એડવાન્સ AI ચિપ્સ વેચવા પર પ્રતિબંધ લગાવી ચૂક્યું છે. પરંતુ અમેરિકન નીતિ નિર્માતાઓનું માનવું હતું કે હાલના નિયમોમાં રહેલી ખામીઓનો ફાયદો ઉઠાવીને ચીન ‘ક્લાઉડ કમ્પ્યુટિંગ’ અને વિદેશી ડેટા સેન્ટરો દ્વારા આ પ્રતિબંધોને થાપ આપી રહ્યું હતું. ચીની કંપનીઓ ત્રીજા દેશોમાં આવેલા ડેટા સેન્ટરોમાંથી એનવિડિયા જેવી દિગ્ગજ અમેરિકન કંપનીઓની ચિપ્સનો કમ્પ્યુટિંગ પાવર ભાડે લઈને પોતાના AI મોડલ ટ્રેન કરી રહી હતી.

નવા નિયમો હેઠળ, હવે અમેરિકન સરકાર પોતાની કંપનીઓની એડવાન્સ ચિપ્સ અને સર્વર સુધી ચીનના રિમોટ એક્સેસને પણ સંપૂર્ણપણે નિયંત્રિત કરશે. સાથે જ, ચીન, રશિયા, ઈરાન અને ક્યુબા જેવા દેશોની કંપનીઓને સેવાઓ આપતા વિદેશી ડેટા સેન્ટરો માટે હવે લાઇસન્સ લેવું ફરજિયાત રહેશે અને તેમણે પોતાના અંતિમ ગ્રાહકો (એન્ડ યુઝર્સ) ની ઓળખ પણ સ્પષ્ટપણે જણાવવી પડશે.

Leave a Reply

Your email address will not be published. Required fields are marked *