આ માત્ર શો નહીં પારિવારિક નાતો : અસિત મોદી
તારક મહેતા કા ઉલ્ટા ચશ્માએ 4,700 એપિસોડ પૂર્ણ કરીને ભારતીય ટેલિવિઝન ઇતિહાસમાં મહત્ત્વપૂર્ણ સીમાચિહ્ન પાર કર્યો છે. આ શોનું નિર્માણ અસિત કુમાર મોદી દ્વારા કરવામાં આવ્યું છે. આ શોની સિદ્ધિને ભારતીય ટેલિવિઝન ઉદ્યોગમાં અનેક વર્ષોથી ચાલતા અને પ્રેક્ષકો સાથે જોડાયા હોવાના પુરાવા તરીકે બિરદાવવામાં આવી રહ્યો છે. આ શોનું નિર્માણ મુંબઈમાં થયું છે.આ શોએ 4,700 એપિસોડ પૂર્ણ કર્યા છે. શોએ ભારતીય ટેલિવિઝન પર સૌથી લાંબા સમય સુધી ચાલતો અને સૌથી લોકપ્રિય કાર્યક્રમોના એકમાં પોતાનું સ્થાન મજબૂત બનાવ્યું છે.
શોની શરૂૂઆતથી, તેની હળવાશભરી વાર્તા કહેવાની રીત, રિલેટબલ પાત્રો અને કોમેડી-મસ્તીને કારણે દર્શકોનો મનપસંદ રહ્યો છે.આ સિદ્ધિ પર આનંદ વ્યક્ત કરતા, TMKOC ના પ્રોડ્યુસર અસિત કુમાર મોદીએ જણાવ્યું હતું કે, “4,700 એપિસોડ સુધી પહોંચવું એ અમારા માટે ભાવનાત્મક અને ગર્વની ક્ષણ છે. તારક મહેતા કા ઉલ્ટા ચશ્મા ક્યારેય ફક્ત એક શો રહ્યો નથી; તે એક પરિવાર જેવો રહ્યો છે જે વર્ષોથી તેના પ્રેક્ષકો સાથે વિકસ્યો છે. અમારા દર્શકોના અતૂટ સમર્થન, અમારી ટીમના સમર્પણ અને દરરોજ મળતા પ્રેમ વિના આ સફર શક્ય ન હોત. અમે દરેક ઘરમાં આનંદ, સકારાત્મકતા અને હાસ્ય લાવવાનું ચાલુ રાખવા માટે આતુર છીએ.”
