બોલીવુડ અભિનેતા સલમાન ખાને કોર્ટમાં અરજી દાખલ કરીને તેમની ફિલ્મ “બ્લેક બક: ધ બેટલ ફોર લેગસી” ની રિલીઝ પર રોક લગાવવાની માંગ કરી છે. દિલ્હી હાઈકોર્ટે ગુરુવારે (10 સપ્ટેમ્બર) આ મામલાની સુનાવણી કરી. “બ્લેક બક: ધ બેટલ ફોર લેગસી” ના નિર્માતાઓએ દિલ્હી હાઈકોર્ટને જાણ કરી કે આ ફિલ્મ હાલમાં રિલીઝ માટે અયોગ્ય છે.
“બ્લેક બક: ધ બેટલ ફોરલેગસી” ફિલ્મ 1998ના સલમાન ખાનના કાળા હરણ શિકાર કેસથી પ્રેરિત હોવાનું કહેવાય છે. સુપરસ્ટારે કોર્ટમાં ફિલ્મ પર સ્ટે મૂકવાની માંગ કરી છે. આજે સુનાવણી દરમિયાન, નિર્માતા અમિત જાનીના વકીલે દિલ્હી હાઈકોર્ટને જણાવ્યું હતું કે ફિલ્મ રિલીઝ થવાની સ્થિતિમાં નથી કારણ કે તેની સામગ્રીને સેન્સર બોર્ડ દ્વારા હજુ સુધી પ્રમાણિત કરવામાં આવી નથી. દિલ્હી હાઈકોર્ટે ફિલ્મ નિર્માતાને બે અઠવાડિયામાં જવાબ દાખલ કરવાનો નિર્દેશ આપ્યો છે. દિલ્હી હાઈકોર્ટમાં આગામી સુનાવણી 30 સપ્ટેમ્બરે થશે.
જૂનમાં, ફિલ્મ “બ્લેકબક” ના ફર્સ્ટ લુક અને ટ્રેલર રિલીઝ થયા પછી, સલમાન ખાને હાઈકોર્ટનો સંપર્ક કર્યો. તેમણે દલીલ કરી હતી કે આ ફિલ્મ કાળા હરણના શિકારના કેસ પર આધારિત છે જેમાં તેઓ કથિત રીતે સંડોવાયેલા હતા અને તેમના વ્યક્તિત્વના અધિકારોનું રક્ષણ કરતા હાઈકોર્ટના આદેશનું ઉલ્લંઘન કરે છે.ફિલ્મ સ્પષ્ટપણે ખોટી વાર્તાનો પ્રચાર કરે છે.
