રેપ પીડિતાની ઓળખ જાહેર કરવા પર હાઈકોર્ટે મોટો આદેશ જાહેર કર્યો છે. જેમાં આદેશનો અનાદર કરનારાએ 25 લાખ રૂૂપિયા ચુકવવા પડશે.અન્ના યુનિવર્સિટી, ચેન્નાઈમાં એક વિદ્યાર્થી સામેની ક્રૂરતાની ચર્ચા સર્વત્ર થઈ રહી છે. દરમિયાન પીડિતાની અંગત વિગતો પણ લીક કરવામાં આવી છે. જેને લઈને સમગ્ર રાજ્યમાં ખળભળાટ મચી ગયો છે. મદ્રાસ હાઈકોર્ટે પોલીસ અને સરકારને સખત ફટકાર લગાવી છે અને 25 લાખ રૂૂપિયાનું વળતર આપવાનો આદેશ આપ્યો છે.
મીડિયા રિપોર્ટ્સ અનુસાર, FIRરિપોર્ટમાંથી પીડિતાની અંગત માહિતી લીક થઈ છે. આ વિગતો કેવી રીતે પ્રકાશમાં આવી? આની તપાસ માટે મહિલા જઈંઝની રચના કરવામાં આવી છે. મદ્રાસ હાઈકોર્ટમાં બે ન્યાયાધીશોની વેકેશન બેન્ચે આ SITમાં IPS ઓફિસર ભુક્યા સ્નેહા પ્રિયા, અયમન જમાલ અને એસ બ્રિન્દાનો સમાવેશ કર્યો છે. તમિલનાડુ સરકારે પણ હાઈકોર્ટના આ નિર્ણયને લીલી ઝંડી આપી દીધી છે.મદ્રાસ હાઈકોર્ટમાં કેસની સુનાવણી દરમિયાન જસ્ટિસ એસએમ સુબ્રમણ્યમ અને જસ્ટિસ વી લક્ષ્મીનારાયણે કહ્યું કે જ્યારે બંધારણ સ્ત્રી-પુરુષ વચ્ચે ભેદભાવ કરતું નથી ત્યારે સમાજ નક્કી કરી શકતો નથી કે મહિલાઓએ કેવું વર્તન કરવું જોઈએ. એફઆઈઆર લીક થવાથી પીડિતાને ઘણું દુ:ખ થયું છે. આવી સ્થિતિમાં સરકારે પીડિતને 25 લાખ રૂૂપિયાનું વળતર આપવું જોઈએ.
ઉપરાંત, અન્ના યુનિવર્સિટીએ ફી વસૂલ્યા વિના પીડિતાનું શિક્ષણ પૂરું કરવું જોઈએ.ચેન્નાઈના પોલીસ કમિશનર એ અરુણને હાઈકોર્ટની સૌથી વધુ નારાજગીનો સામનો કરવો પડ્યો છે. હકીકતમાં, ઘટના બાદ પ્રેસ કોન્ફરન્સને સંબોધિત કરતી વખતે અરુણે કહ્યું કે આ કેસમાં જ્ઞાનશેખરન જ આરોપી છે.
આવી સ્થિતિમાં, કોર્ટે અરુણને એક પ્રશ્ન પૂછ્યો અને કહ્યું, તમે પ્રારંભિક તપાસમાં આ નિષ્કર્ષ પર કેવી રીતે પહોંચ્યા? જો કોઈ વરિષ્ઠ અધિકારી મીડિયા સામે આવા નિવેદનો આપે તો તપાસ એજન્સીઓ તેમનું કામ કેવી રીતે પૂર્ણ કરશે? પોલીસે પીડિતાની એફઆઈઆર કોપી ઓનલાઈન પર્સનલ ડિટેલ્સ અને એડ્રેસ સાથે અપલોડ કરી હતી.
જો કે બાદમાં તેને હટાવી લેવામાં આવ્યું હતું, તે ઘણું મોડું થઈ ગયું હતું. હવે આ માહિતી લીક થઈ છે. પોલીસની આ બેદરકારીથી મદ્રાસ હાઈકોર્ટ ખૂબ નારાજ છે.
