ડિરેકશન માટે ભવ ધુલિયાને પસંદ કર્યા
2011માં જોન અબ્રાહમે નિશિકાંત કામત દ્વારા નિર્દેશિત ફોર્સમાં એસીપી યશવર્ધન સિંહ તરીકે કામ કર્યું હતું, જે બોક્સ ઓફિસ પર સ્લીપર હિટ સાબિત થઈ હતી. એ વખતે તેણે આ ફિલ્મમાં એક ભારેભરખમ બાઇક ઉઠાવીને ફેંકવાનો સીન જાતે કરેલો અને તેના માટે ખાસ ટ્રેનિંગ લીધી હતી, તેની ઘણી ચર્ચા હતી. જોહ્ને ફરી2016માં સોનાક્ષી સિંહા સાથે ફોર્સ 2 કરી હતી.
સાત વર્ષ પછી, જોન અબ્રાહમે ફ્રેન્ચાઇઝીને રીબૂટ કરવાનું પ્લાનિંગ કરી લીધું છે, પ્રોડ્યુસર વિપુલ શાહ પાસેથી ફ્રેન્ચાઇઝના અધિકારો પાછા ખરીદી લીધાં છે. જોહ્ન છેલ્લા 2 વર્ષથી ફોર્સ 3 પર ચૂપચાપ કામ કરી રહ્યો છે, ત્યારે હવે એવા અહેવાલો છે કે જોન અબ્રાહમ ફોર્સ 3 નું શૂટિંગ શરૂૂ કરવા માટે તૈયાર છે જોન અબ્રાહમે ફોર્સ 3 નું ડિરેક્શન કરવા માટે ભવ ધુલિયાને પસંદ કર્યા છે. સૂત્રએ વધુમાં જણાવ્યું કે ભવે સ્ક્રિપ્ટમાં પોતાનો સ્પર્શ લાવ્યો છે અને જોન અબ્રાહમ સાથે આ એક્શનથી ભરપૂર સફર શરૂૂ કરવા માટે ઉત્સાહિત છે. ફોર્સ 3 2025ના અંતમા ફ્લોર પર જવાની અપેક્ષા છે. જોન ઉપરાંત, નિર્માતાઓ ફિલ્મના નકારાત્મક પાત્ર ભજવવા માટે એક મજબૂત નામ પસંદ કરવા માંગે છે. આ વિચાર બે મજબુત એક્ટર્સ વચ્ચે એક્શન ક્લેશ બનાવવાનો છે, જેમ કે ફોર્સ મા જોન અબ્રાહમ અને વિદ્યુત જામવાલ.