ઈરાન અને અમેરિકા વચ્ચેનો તણાવ ફરી વધ્યો છે. અમેરિકી સેનાએ ગઈ કાલે (8 સપ્ટેમ્બર) ઈરાનના 5 તેલ ટેન્કરો પર હુમલો કર્યો હતો તેના થોડા કલાકો પછી ઈરાને જોર્ડનમાં અમેરિકી સૈન્ય ઠેકાણા તરફ 20 બેલિસ્ટિક મિસાઈલો છોડી હતી. ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC)એ એક જ દિવસમાં 10 જહાજો પર હુમલો કરવાનો દાવો કર્યો છે, જેમાં બે યુએસ જહાજો અને આઠ ઓઈલ ટેન્કરનો સમાવેશ થાય છે.
જોર્ડનની સેનાએ દાવો કર્યો કે તેની એર ડિફેન્સ સિસ્ટમે 18 મિસાઈલોને તોડી પાડી, જ્યારે બે મિસાઈલો વસ્તીથી દૂરના વિસ્તારોમાં પડી.
IRGCએ જણાવ્યું હતું કે તેના દળોએ 10 જહાજોને નિશાન બનાવ્યા હતા કારણ કે તેઓ હોર્મુઝ સ્ટ્રેટના “પ્રતિબંધિત અને અસુરક્ષિત” વિસ્તારમાંથી પસાર થવાનો પ્રયાસ કરી રહ્યા હતા. જોકે, ઈરાનના આ દાવાઓની સ્વતંત્ર રીતે ચકાસણી કરવામાં આવી નથી.
Video shows multiple Iranian ballistic missiles striking Muwaffaq Salti Air Base in Jordan.
Follow: https://t.co/GHI09iA8ru pic.twitter.com/8gwfvtVftL
— Press TV 🔻 (@PressTV) September 8, 2026
ઈરાને અન્ય ગલ્ફ દેશોમાં સ્થિત ઓઈલ ટેન્કરો અંગે ચેતવણી પણ જારી કરી છે. IRGC નેવીએ કુવૈત, જોર્ડન અને બહેરીનના બંદરો પર તૈનાત તમામ ટેન્કર ક્રૂને તાત્કાલિક તેમના જહાજો છોડી દેવાનો આદેશ આપ્યો છે. ઈરાની રાજ્ય ટેલિવિઝન પર એક નિવેદનમાં જાહેર કરવામાં આવ્યું છે કે બંદરો અથવા એન્કરેજ પર સ્થિત ટેન્કરો જ્યાં યુએસની હાજરી છે – અથવા જે યુએસ કામગીરીમાં સહયોગ કરી રહ્યા છે – તેમને નિશાન બનાવવામાં આવશે.
CENTCOM અનુસાર, અમેરિકી સેનાએ ઓમાનના અખાતમાં 4 તેલ ટેન્કરોને નિશાન બનાવ્યા. એક અન્ય ટેન્કર પર ઈરાનના ખાર્ગ દ્વીપ નજીક હુમલો કરવામાં આવ્યો. ખાર્ગ દ્વીપ ઈરાનનું સૌથી મોટું તેલ નિકાસ કેન્દ્ર છે.
M/T Riesco sinks in the Gulf of Oman, Sept. 8, after being destroyed by CENTCOM forces in response to attempted IRGC attacks on a U.S. Navy warship. pic.twitter.com/EkmG8uyMT9
— U.S. Central Command (@CENTCOM) September 9, 2026
અમેરિકી કાર્યવાહી બાદ ઈરાને જોર્ડનમાં હાજર અમેરિકી સૈન્ય ઠેકાણાને નિશાન બનાવ્યું. ઈરાનના રિવોલ્યુશનરી ગાર્ડ્સે કહ્યું કે તેણે અલ-અઝરાક એર બેઝ પર ભારે મિસાઈલ હુમલા કર્યા. આ બેઝ પાસે મુવાફ્ફક સલ્તી એર બેઝ પણ છે, જ્યાં અમેરિકી સેનાની હાજરી રહે છે.
જોર્ડનની સેનાના પ્રવક્તાએ જણાવ્યું કે ઈરાન તરફથી તેની સરહદ તરફ 20 બેલિસ્ટિક મિસાઈલો છોડવામાં આવી. એર ડિફેન્સ સિસ્ટમે તેમાંથી 18ને હવામાં જ નષ્ટ કરી દીધી. બે મિસાઈલો વસ્તીથી દૂરના વિસ્તારોમાં પડી.જોર્ડનની સેનાએ એમ પણ કહ્યું કે મિસાઈલ હુમલામાં કોઈ મોટા નુકસાનની જાણ નથી.
